૧૦. દસમસિક્ખાપદવણ્ણના

૯૭૩. દસમે – આહુન્દરિકાતિ સમ્બાધા.

૯૭૫. ધુરં નિક્ખિત્તમત્તેતિ સચેપિ ધુરં નિક્ખિપિત્વા પચ્છા પક્કમતિ, આપત્તિયેવાતિ અત્થો. પવારેત્વા પઞ્ચ યોજનાનિ ગચ્છન્તિયાપિ અનાપત્તિ. છસુ વત્તબ્બમેવ નત્થિ. સચે પન તીણિ ગન્ત્વા તેનેવ મગ્ગેન પચ્ચાગચ્છતિ, ન વટ્ટતિ. અઞ્ઞેન મગ્ગેન આગન્તું વટ્ટતિ.

૯૭૬. અન્તરાયેતિ દસવિધે અન્તરાયે – પરં ગચ્છિસ્સામીતિ નિક્ખન્તા, નદીપૂરો પન આગતો, ચોરા વા મગ્ગે હોન્તિ, મેઘો વા ઉટ્ઠાતિ, નિવત્તિતું વટ્ટતિ. સેસં ઉત્તાનમેવ. પઠમપારાજિકસમુટ્ઠાનં – અકિરિયં, સઞ્ઞાવિમોક્ખં, સચિત્તકં, લોકવજ્જં, કાયકમ્મં, અકુસલચિત્તં, દુક્ખવેદનન્તિ.

દસમસિક્ખાપદં.

તુવટ્ટવગ્ગો ચતુત્થો.