૧. સહધમ્મિકસિક્ખાપદવણ્ણના

૪૩૪. સહધમ્મિકવગ્ગસ્સ પઠમસિક્ખાપદે – એતસ્મિં સિક્ખાપદેતિ એતસ્મિં સિક્ખાપદે યં વુત્તં, તં ન તાવ સિક્ખિસ્સામિ. આપત્તિ પાચિત્તિયસ્સાતિ એત્થ પન વાચાય વાચાય આપત્તિ વેદિતબ્બા. સિક્ખમાનેન ભિક્ખવે ભિક્ખુનાતિ ઓવાદં સિરસા સમ્પટિચ્છિત્વા સિક્ખિતુકામેનેવ હુત્વા આજાનિતબ્બઞ્ચેવ પુચ્છિતબ્બઞ્ચ ઉપપરિક્ખિતબ્બઞ્ચ. સેસમેત્થ દુબ્બચસિક્ખાપદે વુત્તનયેનેવ પદત્થતો વેદિતબ્બં. વિનિચ્છયતો ઉત્તાનમેવ.

તિસમુટ્ઠાનં – કિરિયં, સઞ્ઞાવિમોક્ખં, સચિત્તકં, લોકવજ્જં, કાયકમ્મં, વચીકમ્મં, અકુસલચિત્તં, દુક્ખવેદનન્તિ.

સહધમ્મિકસિક્ખાપદં પઠમં.