૧૧. અન્તવગ્ગો

૧. અન્તસુત્તવણ્ણના

૧૦૩. અન્તવગ્ગસ્સ પઠમે અન્તાતિ કોટ્ઠાસા. ઇદં સુત્તં ચતુસચ્ચવસેન પઞ્ચક્ખન્ધે યોજેત્વા અન્તોતિ વચનેન બુજ્ઝનકાનં અજ્ઝાસયવસેન વુત્તં. પઠમં.

૨-૩. દુક્ખસુત્તાદિવણ્ણના

૧૦૪-૧૦૫. દુતિયમ્પિ પઞ્ચક્ખન્ધે ચતુસચ્ચવસેન યોજેત્વા દુક્ખન્તિ બુજ્ઝનકાનં અજ્ઝાસયેન કથિતં. તતિયમ્પિ તથેવ સક્કાયોતિ બુજ્ઝનકાનં અજ્ઝાસયેન કથિતં. દુતિયતતિયાનિ.

૪. પરિઞ્ઞેય્યસુત્તવણ્ણના

૧૦૬. ચતુત્થે પરિઞ્ઞેય્યેતિ પરિજાનિતબ્બે સમતિક્કમિતબ્બે. પરિઞ્ઞન્તિ સમતિક્કમં. પરિઞ્ઞાતાવિન્તિ તાય પરિઞ્ઞાય પરિજાનિત્વા સમતિક્કમિત્વા ઠિતં. રાગક્ખયોતિઆદીહિ નિબ્બાનં દસ્સિતં. ચતુત્થં.

૫-૧૦. સમણસુત્તાદિવણ્ણના

૧૦૭-૧૧૨. પઞ્ચમાદીસુ ચતૂસુ ચત્તારિ સચ્ચાનિ કથિતાનિ. નવમદસમેસુ કિલેસપ્પહાનન્તિ. પઞ્ચમાદીનિ.

અન્તવગ્ગો એકાદસમો.