૧. નસુત્તસાધનકથાવણ્ણના

૨૯૭. ઇદાનિ ‘‘અતીતં ખન્ધા’’તિઆદિકથા હોતિ. તત્થ ખન્ધાદિભાવાવિજહનતો અતીતાનાગતાનં અત્થિતં ઇચ્છન્તસ્સ અતીતં ખન્ધાતિ પુચ્છા પરવાદિસ્સ, અતીતસ્સ ખન્ધસઙ્ગહિતત્તા આમન્તાતિ પટિઞ્ઞા સકવાદિસ્સ. પુન અતીતં નત્થીતિ પુચ્છા પરવાદિસ્સ, તસ્સ નિરુત્તિપથસુત્તેન અત્થિતાય વારિતત્તા પટિક્ખેપો સકવાદિસ્સ. આયતનધાતુપુચ્છાસુપિ અનાગતપઞ્હેસુપિ પચ્ચુપ્પન્નેન સદ્ધિં સંસન્દિત્વા અનુલોમપટિલોમતો આગતપઞ્હેસુપિ ‘‘અતીતં રૂપ’’ન્તિઆદિપઞ્હેસુપિ ઇમિનાવુપાયેન અત્થો વેદિતબ્બો.