૨. કુસલચિત્તકથાવણ્ણના

૮૯૪-૮૯૫. ઇદાનિ કુસલચિત્તકથા નામ હોતિ. તત્થ યસ્મા અરહા સતિવેપુલ્લપ્પત્તો પરિનિબ્બાયન્તોપિ સતો સમ્પજાનોવ પરિનિબ્બાતિ, તસ્મા કુસલચિત્તો પરિનિબ્બાયતીતિ યેસં લદ્ધિ, સેય્યથાપિ અન્ધકાનં; તે સન્ધાય પુચ્છા સકવાદિસ્સ, પટિઞ્ઞા ઇતરસ્સ. અથ નં યસ્મા કુસલચિત્તો નામ પુઞ્ઞાભિસઙ્ખારાભિસઙ્ખરણાદિવસેન હોતિ, તસ્મા તેનત્થેન ચોદેતું અરહા પુઞ્ઞાભિસઙ્ખારન્તિઆદિમાહ. સેસમેત્થ યથાપાળિમેવ નિય્યાતિ. સતો સમ્પજાનોતિ ઇદં જવનક્ખણે કિરિયસતિસમ્પજઞ્ઞાનં વસેન અસમ્મોહમરણદીપનત્થં વુત્તં, ન કુસલચિત્તદીપનત્થં. તસ્મા અસાધકન્તિ.

કુસલચિત્તકથાવણ્ણના.