૧૦. ઉપોસથસુત્તવણ્ણના

૨૦. દસમે નિસિન્નો હોતીતિ ઉપોસથકરણત્થાય ઉપાસિકાય રતનપાસાદે નિસિન્નો. નિસજ્જ પન ભિક્ખૂનં ચિત્તાનિ ઓલોકેન્તો એકં દુસ્સીલપુગ્ગલં દિસ્વા ‘‘સચાહં ઇમસ્મિં પુગ્ગલે નિસિન્નેયેવ પાતિમોક્ખં ઉદ્દિસિસ્સામિ, સત્તધા તસ્સ મુદ્ધા ફલિસ્સતી’’તિ તસ્સ અનુકમ્પાય તુણ્હીયેવ અહોસિ. અભિક્કન્તાતિ અતિક્કન્તા પરિક્ખીણા. ઉદ્ધસ્તે અરુણેતિ ઉગ્ગતે અરુણસીસે. નન્દિમુખિયાતિ તુટ્ઠમુખિયા. અપરિસુદ્ધા, આનન્દ, પરિસાતિ ‘‘અસુકપુગ્ગલો અપરિસુદ્ધો’’તિ અવત્વા ‘‘અપરિસુદ્ધા, આનન્દ, પરિસા’’તિ આહ. સેસં સબ્બત્થ ઉત્તાનમેવાતિ.

મહાવગ્ગો દુતિયો.