૧૦. અધિકરણસમથસુત્તવણ્ણના

૮૪. દસમે અધિકરણાનિ સમેન્તિ વૂપસમેન્તીતિ અધિકરણસમથા. ઉપ્પન્નુપ્પન્નાનન્તિ ઉપ્પન્નાનં ઉપ્પન્નાનં. અધિકરણાનન્તિ વિવાદાધિકરણં અનુવાદાધિકરણં આપત્તાધિકરણં કિચ્ચાધિકરણન્તિ ઇમેસં ચતુન્નં. સમથાય વૂપસમાયાતિ સમથત્થઞ્ચેવ વૂપસમનત્થઞ્ચ. સમ્મુખાવિનયો દાતબ્બો…પે… તિણવત્થારકોતિ ઇમે સત્ત સમથા દાતબ્બા. તેસં વિનિચ્છયો વિનયસંવણ્ણનતો (ચૂળવ. અટ્ઠ. ૧૮૬-૧૮૭ આદયો) ગહેતબ્બો. અપિચ દીઘનિકાયે સઙ્ગીતિસુત્તવણ્ણનાયમ્પિ (દી. નિ. અટ્ઠ. ૩.૩૩૧ અધિકરણસમથસત્તકવણ્ણના) વિત્થારિતોયેવ, તથા મજ્ઝિમનિકાયે સામગામસુત્તવણ્ણનાયાતિ (મ. નિ. અટ્ઠ. ૩.૪૬).

વિનયવગ્ગો અટ્ઠમો.