૧. પચ્ચુપ્પન્નવારો

(ક) અનુલોમં

૪૩૫. (ક) યો ચક્ખુન્દ્રિયં પરિજાનાતિ સો સોતિન્દ્રિયં પરિજાનાતીતિ? આમન્તા.

(ખ) યો વા પન સોતિન્દ્રિયં પરિજાનાતિ સો ચક્ખુન્દ્રિયં પરિજાનાતીતિ? આમન્તા.

(ક) યો ચક્ખુન્દ્રિયં પરિજાનાતિ સો દોમનસ્સિન્દ્રિયં પજહતીતિ? નો.

(ખ) યો વા પન દોમનસ્સિન્દ્રિયં પજહતિ સો ચક્ખુન્દ્રિયં પરિજાનાતીતિ? નો.

(ક) યો ચક્ખુન્દ્રિયં પરિજાનાતિ સો અનઞ્ઞાતઞ્ઞસ્સામીતિન્દ્રિયં ભાવેતીતિ? નો.

(ખ) યો વા પન અનઞ્ઞાતઞ્ઞસ્સામીતિન્દ્રિયં ભાવેતિ સો ચક્ખુન્દ્રિયં પરિજાનાતીતિ? નો.

(ક) યો ચક્ખુન્દ્રિયં પરિજાનાતિ સો અઞ્ઞિન્દ્રિયં ભાવેતીતિ? આમન્તા.

(ખ) યો વા પન અઞ્ઞિન્દ્રિયં ભાવેતિ સો ચક્ખુન્દ્રિયં પરિજાનાતીતિ?

દ્વે પુગ્ગલા અઞ્ઞિન્દ્રિયં ભાવેન્તિ, નો ચ ચક્ખુન્દ્રિયં પરિજાનન્તિ. અગ્ગમગ્ગસમઙ્ગી અઞ્ઞિન્દ્રિયઞ્ચ ભાવેતિ ચક્ખુન્દ્રિયઞ્ચ પરિજાનાતિ.

(ક) યો ચક્ખુન્દ્રિયં પરિજાનાતિ સો અઞ્ઞાતાવિન્દ્રિયં સચ્છિકરોતીતિ? નો.

(ખ) યો વા પન અઞ્ઞાતાવિન્દ્રિયં સચ્છિકરોતિ સો ચક્ખુન્દ્રિયં પરિજાનાતીતિ? નો. (ચક્ખુન્દ્રિયમૂલકં)

૪૩૬. (ક) યો દોમનસ્સિન્દ્રિયં પજહતિ સો અનઞ્ઞાતઞ્ઞસ્સામીતિન્દ્રિયં ભાવેતીતિ? નો.

(ખ) યો વા પન અનઞ્ઞાતઞ્ઞસ્સામીતિન્દ્રિયં ભાવેતિ સો દોમનસ્સિન્દ્રિયં પજહતીતિ? નો.

(ક) યો દોમનસ્સિન્દ્રિયં પજહતિ સો અઞ્ઞિન્દ્રિયં ભાવેતીતિ? આમન્તા.

(ખ) યો વા પન અઞ્ઞિન્દ્રિયં ભાવેતિ સો દોમનસ્સિન્દ્રિયં પજહતીતિ?

દ્વે પુગ્ગલા અઞ્ઞિન્દ્રિયં ભાવેન્તિ, નો ચ દોમનસ્સિન્દ્રિયં પજહન્તિ. અનાગામિમગ્ગસમઙ્ગી અઞ્ઞિન્દ્રિયઞ્ચ ભાવેતિ દોમનસ્સિન્દ્રિયઞ્ચ પજહતિ.

(ક) યો દોમનસ્સિન્દ્રિયં પજહતિ સો અઞ્ઞાતાવિન્દ્રિયં સચ્છિકરોતીતિ? નો.

(ખ) યો વા પન અઞ્ઞાતાવિન્દ્રિયં સચ્છિકરોતિ સો દોમનસ્સિન્દ્રિયં પજહતીતિ? નો. (દોમનસ્સિન્દ્રિયમૂલકં)

૪૩૭. (ક) યો અનઞ્ઞાતઞ્ઞસ્સામીતિન્દ્રિયં ભાવેતિ સો અઞ્ઞિન્દ્રિયં ભાવેતીતિ? નો.

(ખ) યો વા પન અઞ્ઞિન્દ્રિયં ભાવેતિ સો અનઞ્ઞાતઞ્ઞસ્સામીતિન્દ્રિયં ભાવેતીતિ? નો.

(ક) યો અનઞ્ઞાતઞ્ઞસ્સામીતિન્દ્રિયં ભાવેતિ સો અઞ્ઞાતાવિન્દ્રિયં સચ્છિકરોતીતિ? નો.

(ખ) યો વા પન અઞ્ઞાતાવિન્દ્રિયં સચ્છિકરોતિ સો અનઞ્ઞાતઞ્ઞસ્સામીતિન્દ્રિયં ભાવેતીતિ? નો. (અનઞ્ઞાતઞ્ઞસ્સામીતિન્દ્રિયમૂલકં)

૪૩૮. (ક) યો અઞ્ઞિન્દ્રિયં ભાવેતિ સો અઞ્ઞાતાવિન્દ્રિયં સચ્છિકરોતીતિ? નો.

(ખ) યો વા પન અઞ્ઞાતાવિન્દ્રિયં સચ્છિકરોતિ સો અઞ્ઞિન્દ્રિયં ભાવેતીતિ? નો. (અઞ્ઞિન્દ્રિયમૂલકં)

(ખ) પચ્ચનીકં

૪૩૯. (ક) યો ચક્ખુન્દ્રિયં ન પરિજાનાતિ સો દોમનસ્સિન્દ્રિયં નપ્પજહતીતિ?

અનાગામિમગ્ગસમઙ્ગી ચક્ખુન્દ્રિયં ન પરિજાનાતિ, નો ચ દોમનસ્સિન્દ્રિયં નપ્પજહતિ. દ્વે મગ્ગસમઙ્ગિનો ઠપેત્વા અવસેસા પુગ્ગલા ચક્ખુન્દ્રિયઞ્ચ ન પરિજાનન્તિ દોમનસ્સિન્દ્રિયઞ્ચ નપ્પજહન્તિ.

(ખ) યો વા પન દોમનસ્સિન્દ્રિયં નપ્પજહતિ સો ચક્ખુન્દ્રિયં ન પરિજાનાતીતિ?

અગ્ગમગ્ગસમઙ્ગી દોમનસ્સિન્દ્રિયં નપ્પજહતિ, નો ચ ચક્ખુન્દ્રિયં ન પરિજાનાતિ. દ્વે મગ્ગસમઙ્ગિનો ઠપેત્વા અવસેસા પુગ્ગલા દોમનસ્સિન્દ્રિયઞ્ચ નપ્પજહન્તિ ચક્ખુન્દ્રિયઞ્ચ ન પરિજાનન્તિ.

(ક) યો ચક્ખુન્દ્રિયં ન પરિજાનાતિ સો અનઞ્ઞાતઞ્ઞસ્સામીતિન્દ્રિયં ન ભાવેતીતિ?

અટ્ઠમકો ચક્ખુન્દ્રિયં ન પરિજાનાતિ, નો ચ અનઞ્ઞાતઞ્ઞસ્સામીતિન્દ્રિયં ન ભાવેતિ. દ્વે મગ્ગસમઙ્ગિનો ઠપેત્વા અવસેસા પુગ્ગલા ચક્ખુન્દ્રિયઞ્ચ ન પરિજાનન્તિ અનઞ્ઞાતઞ્ઞસ્સામીતિન્દ્રિયઞ્ચ ન ભાવેન્તિ.

(ખ) યો વા પન અનઞ્ઞાતઞ્ઞસ્સામીતિન્દ્રિયં ન ભાવેતિ સો ચક્ખુન્દ્રિયં ન પરિજાનાતીતિ?

અગ્ગમગ્ગસમઙ્ગી અનઞ્ઞાતઞ્ઞસ્સામીતિન્દ્રિયં ન ભાવેતિ, નો ચ ચક્ખુન્દ્રિયં ન પરિજાનાતિ. દ્વે મગ્ગસમઙ્ગિનો ઠપેત્વા અવસેસા પુગ્ગલા અનઞ્ઞાતઞ્ઞસ્સામીતિન્દ્રિયઞ્ચ ન ભાવેન્તિ ચક્ખુન્દ્રિયઞ્ચ ન પરિજાનન્તિ.

(ક) યો ચક્ખુન્દ્રિયં ન પરિજાનાતિ સો અઞ્ઞિન્દ્રિયં ન ભાવેતીતિ?

દ્વે પુગ્ગલા ચક્ખુન્દ્રિયં ન પરિજાનન્તિ, નો ચ અઞ્ઞિન્દ્રિયં ન ભાવેન્તિ. તયો મગ્ગસમઙ્ગિનો ઠપેત્વા અવસેસા પુગ્ગલા ચક્ખુન્દ્રિયઞ્ચ ન પરિજાનન્તિ અઞ્ઞિન્દ્રિયઞ્ચ ન ભાવેન્તિ.

(ખ) યો વા પન અઞ્ઞિન્દ્રિયં ન ભાવેતિ સો ચક્ખુન્દ્રિયં ન પરિજાનાતીતિ? આમન્તા.

(ક) યો ચક્ખુન્દ્રિયં ન પરિજાનાતિ સો અઞ્ઞાતાવિન્દ્રિયં ન સચ્છિકરોતીતિ?

યો અગ્ગફલં સચ્છિકરોતિ સો ચક્ખુન્દ્રિયં ન પરિજાનાતિ, નો ચ અઞ્ઞાતાવિન્દ્રિયં ન સચ્છિકરોતિ. અગ્ગમગ્ગસમઙ્ગિઞ્ચ અરહન્તઞ્ચ ઠપેત્વા અવસેસા પુગ્ગલા ચક્ખુન્દ્રિયઞ્ચ ન પરિજાનન્તિ અઞ્ઞાતાવિન્દ્રિયઞ્ચ ન સચ્છિકરોન્તિ.

(ખ) યો વા પન અઞ્ઞાતાવિન્દ્રિયં ન સચ્છિકરોતિ સો ચક્ખુન્દ્રિયં ન પરિજાનાતીતિ?

અગ્ગમગ્ગસમઙ્ગી અઞ્ઞાતાવિન્દ્રિયં ન સચ્છિકરોતિ, નો ચ ચક્ખુન્દ્રિયં ન પરિજાનાતિ. અગ્ગમગ્ગસમઙ્ગિઞ્ચ અરહન્તઞ્ચ ઠપેત્વા અવસેસા પુગ્ગલા અઞ્ઞાતાવિન્દ્રિયઞ્ચ ન સચ્છિકરોન્તિ ચક્ખુન્દ્રિયઞ્ચ ન પરિજાનન્તિ. (ચક્ખુન્દ્રિયમૂલકં)

૪૪૦. (ક) યો દોમનસ્સિન્દ્રિયં નપ્પજહતિ સો અનઞ્ઞાતઞ્ઞસ્સામીતિન્દ્રિયં ન ભાવેતીતિ?

અટ્ઠમકો દોમનસ્સિન્દ્રિયં નપ્પજહતિ, નો ચ અનઞ્ઞાતઞ્ઞસ્સામીતિન્દ્રિયં ન ભાવેતિ. દ્વે મગ્ગસમઙ્ગિનો ઠપેત્વા અવસેસા પુગ્ગલા દોમનસ્સિન્દ્રિયઞ્ચ નપ્પજહન્તિ અનઞ્ઞાતઞ્ઞસ્સામીતિન્દ્રિયઞ્ચ ન ભાવેન્તિ.

(ખ) યો વા પન અનઞ્ઞાતઞ્ઞસ્સામીતિન્દ્રિયં ન ભાવેતિ સો દોમનસ્સિન્દ્રિયં નપ્પજહતીતિ?

અનાગામિમગ્ગસમઙ્ગી અનઞ્ઞાતઞ્ઞસ્સામીતિન્દ્રિયં ન ભાવેતિ, નો ચ દોમનસ્સિન્દ્રિયં નપ્પજહતિ. દ્વે મગ્ગસમઙ્ગિનો ઠપેત્વા અવસેસા પુગ્ગલા અનઞ્ઞાતઞ્ઞસ્સામીતિન્દ્રિયઞ્ચ ન ભાવેન્તિ દોમનસ્સિન્દ્રિયઞ્ચ નપ્પજહન્તિ.

(ક) યો દોમનસ્સિન્દ્રિયં નપ્પજહતિ સો અઞ્ઞિન્દ્રિયં ન ભાવેતીતિ?

દ્વે પુગ્ગલા દોમનસ્સિન્દ્રિયં નપ્પજહન્તિ, નો ચ અઞ્ઞિન્દ્રિયં ન ભાવેન્તિ. તયો મગ્ગસમઙ્ગિનો ઠપેત્વા અવસેસા પુગ્ગલા દોમનસ્સિન્દ્રિયઞ્ચ નપ્પજહન્તિ અઞ્ઞિન્દ્રિયઞ્ચ ન ભાવેન્તિ.

(ખ) યો વા પન અઞ્ઞિન્દ્રિયં ન ભાવેતિ સો દોમનસ્સિન્દ્રિયં નપ્પજહતીતિ? આમન્તા.

(ક) યો દોમનસ્સિન્દ્રિયં નપ્પજહતિ સો અઞ્ઞાતાવિન્દ્રિયં ન સચ્છિકરોતીતિ?

યો અગ્ગફલં સચ્છિકરોતિ સો દોમનસ્સિન્દ્રિયં નપ્પજહતિ, નો ચ અઞ્ઞાતાવિન્દ્રિયં ન સચ્છિકરોતિ. અનાગામિમગ્ગસમઙ્ગિઞ્ચ અરહન્તઞ્ચ ઠપેત્વા અવસેસા પુગ્ગલા દોમનસ્સિન્દ્રિયઞ્ચ નપ્પજહન્તિ અઞ્ઞાતાવિન્દ્રિયઞ્ચ ન સચ્છિકરોન્તિ.

(ખ) યો વા પન અઞ્ઞાતાવિન્દ્રિયં ન સચ્છિકરોતિ સો દોમનસ્સિન્દ્રિયં નપ્પજહતીતિ?

અનાગામિમગ્ગસમઙ્ગી અઞ્ઞાતાવિન્દ્રિયં ન સચ્છિકરોતિ, નો ચ દોમનસ્સિન્દ્રિયં નપ્પજહતિ. અનાગામિમગ્ગસમઙ્ગિઞ્ચ અરહન્તઞ્ચ ઠપેત્વા અવસેસા પુગ્ગલા અઞ્ઞાતાવિન્દ્રિયઞ્ચ ન સચ્છિકરોન્તિ દોમનસ્સિન્દ્રિયઞ્ચ નપ્પજહન્તિ. (દોમનસ્સિન્દ્રિયમૂલકં)

૪૪૧. (ક) યો અનઞ્ઞાતઞ્ઞસ્સામીતિન્દ્રિયં ન ભાવેતિ સો અઞ્ઞિન્દ્રિયં ન ભાવેતીતિ?

તયો મગ્ગસમઙ્ગિનો [તયો પુગ્ગલા (પી.)] અનઞ્ઞાતઞ્ઞસ્સામીતિન્દ્રિયં ન ભાવેન્તિ, નો ચ અઞ્ઞિન્દ્રિયં ન ભાવેન્તિ. ચત્તારો મગ્ગસમઙ્ગિનો [અટ્ઠમકઞ્ચ તયો મગ્ગસમઙ્ગિનો ચ (પી.)] ઠપેત્વા અવસેસા પુગ્ગલા અનઞ્ઞાતઞ્ઞસ્સામીતિન્દ્રિયઞ્ચ ન ભાવેન્તિ અઞ્ઞિન્દ્રિયઞ્ચ ન ભાવેન્તિ.

(ખ) યો વા પન અઞ્ઞિન્દ્રિયં ન ભાવેતિ સો અનઞ્ઞાતઞ્ઞસ્સામીતિન્દ્રિયં ન ભાવેતીતિ?

અટ્ઠમકો અઞ્ઞિન્દ્રિયં ન ભાવેતિ, નો ચ અનઞ્ઞાતઞ્ઞસ્સામીતિન્દ્રિયં ન ભાવેતિ. ચત્તારો મગ્ગસમઙ્ગિનો ઠપેત્વા અવસેસા પુગ્ગલા અઞ્ઞિન્દ્રિયઞ્ચ ન ભાવેન્તિ અનઞ્ઞાતઞ્ઞસ્સામીતિન્દ્રિયઞ્ચ ન ભાવેન્તિ.

(ક) યો અનઞ્ઞાતઞ્ઞસ્સામીતિન્દ્રિયં ન ભાવેતિ સો અઞ્ઞાતાવિન્દ્રિયં ન સચ્છિકરોતીતિ?

યો અગ્ગફલં સચ્છિકરોતિ સો અનઞ્ઞાતઞ્ઞસ્સામીતિન્દ્રિયં ન ભાવેતિ, નો ચ અઞ્ઞાતાવિન્દ્રિયં ન સચ્છિકરોતિ. અટ્ઠમકઞ્ચ અરહન્તઞ્ચ ઠપેત્વા અવસેસા પુગ્ગલા અનઞ્ઞાતઞ્ઞસ્સામીતિન્દ્રિયઞ્ચ ન ભાવેન્તિ અઞ્ઞાતાવિન્દ્રિયઞ્ચ ન સચ્છિકરોન્તિ.

(ખ) યો વા પન અઞ્ઞાતાવિન્દ્રિયં ન સચ્છિકરોતિ સો અનઞ્ઞાતઞ્ઞસ્સામીતિન્દ્રિયં ન ભાવેતીતિ?

અટ્ઠમકો અઞ્ઞાતાવિન્દ્રિયં ન સચ્છિકરોતિ, નો ચ અનઞ્ઞાતઞ્ઞસ્સામીતિન્દ્રિયં ન ભાવેતિ. અટ્ઠમકઞ્ચ અરહન્તઞ્ચ ઠપેત્વા અવસેસા પુગ્ગલા અઞ્ઞાતાવિન્દ્રિયઞ્ચ ન સચ્છિકરોન્તિ અનઞ્ઞાતઞ્ઞસ્સામીતિન્દ્રિયઞ્ચ ન ભાવેન્તિ. (અનઞ્ઞાતઞ્ઞસ્સામીતિન્દ્રિયમૂલકં)

૪૪૨. (ક) યો અઞ્ઞિન્દ્રિયં ન ભાવેતિ સો અઞ્ઞાતાવિન્દ્રિયં ન સચ્છિકરોતીતિ?

યો અગ્ગફલં સચ્છિકરોતિ સો અઞ્ઞિન્દ્રિયં ન ભાવેતિ, નો ચ અઞ્ઞાતાવિન્દ્રિયં ન સચ્છિકરોતિ. તયો મગ્ગસમઙ્ગિનો ચ અરહન્તઞ્ચ ઠપેત્વા અવસેસા પુગ્ગલા અઞ્ઞિન્દ્રિયઞ્ચ ન ભાવેન્તિ અઞ્ઞાતાવિન્દ્રિયઞ્ચ ન સચ્છિકરોન્તિ.

(ખ) યો વા પન અઞ્ઞાતાવિન્દ્રિયં ન સચ્છિકરોતિ સો અઞ્ઞિન્દ્રિયં ન ભાવેતીતિ?

તયો મગ્ગસમઙ્ગિનો અઞ્ઞાતાવિન્દ્રિયં ન સચ્છિકરોન્તિ, નો ચ અઞ્ઞિન્દ્રિયં ન ભાવેન્તિ. તયો મગ્ગસમઙ્ગિનો ચ અરહન્તઞ્ચ ઠપેત્વા અવસેસા પુગ્ગલા અઞ્ઞાતાવિન્દ્રિયઞ્ચ ન સચ્છિકરોન્તિ અઞ્ઞિન્દ્રિયઞ્ચ ન ભાવેન્તિ. (અઞ્ઞિન્દ્રિયમૂલકં)