૨. અતીતવારો

(ક) અનુલોમં

૪૪૩. (ક) યો ચક્ખુન્દ્રિયં પરિજાનિત્થ સો દોમનસ્સિન્દ્રિયં પજહિત્થાતિ? આમન્તા.

(ખ) યો વા પન દોમનસ્સિન્દ્રિયં પજહિત્થ સો ચક્ખુન્દ્રિયં પરિજાનિત્થાતિ?

દ્વે પુગ્ગલા દોમનસ્સિન્દ્રિયં પજહિત્થ, નો ચ ચક્ખુન્દ્રિયં પરિજાનિત્થ. અરહા દોમનસ્સિન્દ્રિયઞ્ચ પજહિત્થ ચક્ખુન્દ્રિયઞ્ચ પરિજાનિત્થ.

(ક) યો ચક્ખુન્દ્રિયં પરિજાનિત્થ સો અનઞ્ઞાતઞ્ઞસ્સામીતિન્દ્રિયં ભાવિત્થાતિ? આમન્તા.

(ખ) યો વા પન અનઞ્ઞાતઞ્ઞસ્સામીતિન્દ્રિયં ભાવિત્થ સો ચક્ખુન્દ્રિયં પરિજાનિત્થાતિ?

છ પુગ્ગલા અનઞ્ઞાતઞ્ઞસ્સામીતિન્દ્રિયં ભાવિત્થ, નો ચ ચક્ખુન્દ્રિયં પરિજાનિત્થ. અરહા અનઞ્ઞાતઞ્ઞસ્સામીતિન્દ્રિયઞ્ચ ભાવિત્થ ચક્ખુન્દ્રિયઞ્ચ પરિજાનિત્થ.

(ક) યો ચક્ખુન્દ્રિયં પરિજાનિત્થ સો અઞ્ઞિન્દ્રિયં ભાવિત્થાતિ? આમન્તા.

(ખ) યો વા પન અઞ્ઞિન્દ્રિયં ભાવિત્થ સો ચક્ખુન્દ્રિયં પરિજાનિત્થાતિ? આમન્તા.

(ક) યો ચક્ખુન્દ્રિયં પરિજાનિત્થ સો અઞ્ઞાતાવિન્દ્રિયં સચ્છિકરિત્થાતિ?

યો અગ્ગફલં સચ્છિકરોતિ સો ચક્ખુન્દ્રિયં પરિજાનિત્થ, નો ચ અઞ્ઞાતાવિન્દ્રિયં સચ્છિકરિત્થ. યો અગ્ગફલં સચ્છાકાસિ સો ચક્ખુન્દ્રિયઞ્ચ પરિજાનિત્થ અઞ્ઞાતાવિન્દ્રિયઞ્ચ સચ્છિકરિત્થ.

(ખ) યો વા પન અઞ્ઞાતાવિન્દ્રિયં સચ્છિકરિત્થ સો ચક્ખુન્દ્રિયં પરિજાનિત્થાતિ? આમન્તા. (ચક્ખુન્દ્રિયમૂલકં)

૪૪૪. (ક) યો દોમનસ્સિન્દ્રિયં પજહિત્થ સો અનઞ્ઞાતઞ્ઞસ્સામીતિન્દ્રિયં ભાવિત્થાતિ? આમન્તા.

(ખ) યો વા પન અનઞ્ઞાતઞ્ઞસ્સામીતિન્દ્રિયં ભાવિત્થ સો દોમનસ્સિન્દ્રિયં પજહિત્થાતિ?

ચત્તારો પુગ્ગલા અનઞ્ઞાતઞ્ઞસ્સામીતિન્દ્રિયં ભાવિત્થ, નો ચ દોમનસ્સિન્દ્રિયં પજહિત્થ. તયો પુગ્ગલા અનઞ્ઞાતઞ્ઞસ્સામીતિન્દ્રિયઞ્ચ ભાવિત્થ દોમનસ્સિન્દ્રિયઞ્ચ પજહિત્થ.

(ક) યો દોમનસ્સિન્દ્રિયં પજહિત્થ સો અઞ્ઞિન્દ્રિયં ભાવિત્થાતિ?

દ્વે પુગ્ગલા દોમનસ્સિન્દ્રિયં પજહિત્થ, નો ચ અઞ્ઞિન્દ્રિયં ભાવિત્થ. અરહા દોમનસ્સિન્દ્રિયઞ્ચ પજહિત્થ અઞ્ઞિન્દ્રિયઞ્ચ ભાવિત્થ.

(ખ) યો વા પન અઞ્ઞિન્દ્રિયં ભાવિત્થ સો દોમનસ્સિન્દ્રિયં પજહિત્થાતિ? આમન્તા.

(ક) યો દોમનસ્સિન્દ્રિયં પજહિત્થ સો અઞ્ઞાતાવિન્દ્રિયં સચ્છિકરિત્થાતિ?

તયો પુગ્ગલા દોમનસ્સિન્દ્રિયં પજહિત્થ, નો ચ અઞ્ઞાતાવિન્દ્રિયં સચ્છિકરિત્થ. અરહા દોમનસ્સિન્દ્રિયઞ્ચ પજહિત્થ અઞ્ઞાતાવિન્દ્રિયઞ્ચ સચ્છિકરિત્થ.

(ખ) યો વા પન અઞ્ઞાતાવિન્દ્રિયં સચ્છિકરિત્થ સો દોમનસ્સિન્દ્રિયં પજહિત્થાતિ? આમન્તા. (દોમનસ્સિન્દ્રિયમૂલકં)

૪૪૫. (ક) યો અનઞ્ઞાતઞ્ઞસ્સામીતિન્દ્રિયં ભાવિત્થ સો અઞ્ઞિન્દ્રિયં ભાવિત્થાતિ?

છ પુગ્ગલા અનઞ્ઞાતઞ્ઞસ્સામીતિન્દ્રિયં ભાવિત્થ, નો ચ અઞ્ઞિન્દ્રિયં ભાવિત્થ. અરહા અનઞ્ઞાતઞ્ઞસ્સામીતિન્દ્રિયઞ્ચ ભાવિત્થ અઞ્ઞિન્દ્રિયઞ્ચ ભાવિત્થ.

(ખ) યો વા પન અઞ્ઞિન્દ્રિયં ભાવિત્થ સો અનઞ્ઞાતઞ્ઞસ્સામીતિન્દ્રિયં ભાવિત્થાતિ? આમન્તા.

(ક) યો અનઞ્ઞાતઞ્ઞસ્સામીતિન્દ્રિયં ભાવિત્થ સો અઞ્ઞાતાવિન્દ્રિયં સચ્છિકરિત્થાતિ?

સત્ત પુગ્ગલા અનઞ્ઞાતઞ્ઞસ્સામીતિન્દ્રિયં ભાવિત્થ, નો ચ અઞ્ઞાતાવિન્દ્રિયં સચ્છિકરિત્થ. અરહા અનઞ્ઞાતઞ્ઞસ્સામીતિન્દ્રિયઞ્ચ ભાવિત્થ અઞ્ઞાતાવિન્દ્રિયઞ્ચ સચ્છિકરિત્થ.

(ખ) યો વા પન અઞ્ઞાતાવિન્દ્રિયં સચ્છિકરિત્થ સો અનઞ્ઞાતઞ્ઞસ્સામીતિન્દ્રિયં ભાવિત્થાતિ? આમન્તા. (અનઞ્ઞાતઞ્ઞસ્સામીતિન્દ્રિયમૂલકં)

૪૪૬. (ક) યો અઞ્ઞિન્દ્રિયં ભાવિત્થ સો અઞ્ઞાતાવિન્દ્રિયં સચ્છિકરિત્થાતિ?

યો અગ્ગફલં સચ્છિકરોતિ સો અઞ્ઞિન્દ્રિયં ભાવિત્થ, નો ચ અઞ્ઞાતાવિન્દ્રિયં સચ્છિકરિત્થ. યો અગ્ગફલં સચ્છાકાસિ સો અઞ્ઞિન્દ્રિયઞ્ચ ભાવિત્થ અઞ્ઞાતાવિન્દ્રિયઞ્ચ સચ્છિકરિત્થ.

(ખ) યો વા પન અઞ્ઞાતાવિન્દ્રિયં સચ્છિકરિત્થ સો અઞ્ઞિન્દ્રિયં ભાવિત્થાતિ? આમન્તા. (અઞ્ઞિન્દ્રિયમૂલકં)

(ખ) પચ્ચનીકં

૪૪૭. (ક) યો ચક્ખુન્દ્રિયં ન પરિજાનિત્થ સો દોમનસ્સિન્દ્રિયં નપ્પજહિત્થાતિ?

દ્વે પુગ્ગલા ચક્ખુન્દ્રિયં ન પરિજાનિત્થ, નો ચ દોમનસ્સિન્દ્રિયં નપ્પજહિત્થ. છ પુગ્ગલા ચક્ખુન્દ્રિયઞ્ચ ન પરિજાનિત્થ દોમનસ્સિન્દ્રિયઞ્ચ નપ્પજહિત્થ.

(ખ) યો વા પન દોમનસ્સિન્દ્રિયં નપ્પજહિત્થ સો ચક્ખુન્દ્રિયં ન પરિજાનિત્થાતિ? આમન્તા.

(ક) યો ચક્ખુન્દ્રિયં ન પરિજાનિત્થ સો અનઞ્ઞાતઞ્ઞસ્સામીતિન્દ્રિયં ન ભાવિત્થાતિ?

છ પુગ્ગલા ચક્ખુન્દ્રિયં ન પરિજાનિત્થ, નો ચ અનઞ્ઞાતઞ્ઞસ્સામીતિન્દ્રિયં ન ભાવિત્થ. દ્વે પુગ્ગલા ચક્ખુન્દ્રિયઞ્ચ ન પરિજાનિત્થ અનઞ્ઞાતઞ્ઞસ્સામીતિન્દ્રિયઞ્ચ ન ભાવિત્થ.

(ખ) યો વા પન અનઞ્ઞાતઞ્ઞસ્સામીતિન્દ્રિયં ન ભાવિત્થ સો ચક્ખુન્દ્રિયં ન પરિજાનિત્થાતિ? આમન્તા.

(ક) યો ચક્ખુન્દ્રિયં ન પરિજાનિત્થ સો અઞ્ઞિન્દ્રિયં ન ભાવિત્થાતિ? આમન્તા.

(ખ) યો વા પન અઞ્ઞિન્દ્રિયં ન ભાવિત્થ સો ચક્ખુન્દ્રિયં ન પરિજાનિત્થાતિ? આમન્તા.

(ક) યો ચક્ખુન્દ્રિયં ન પરિજાનિત્થ સો અઞ્ઞાતાવિન્દ્રિયં ન સચ્છિકરિત્થાતિ? આમન્તા.

(ખ) યો વા પન અઞ્ઞાતાવિન્દ્રિયં ન સચ્છિકરિત્થ સો ચક્ખુન્દ્રિયં ન પરિજાનિત્થાતિ?

યો અગ્ગફલં સચ્છિકરોતિ સો અઞ્ઞાતાવિન્દ્રિયં ન સચ્છિકરિત્થ, નો ચ ચક્ખુન્દ્રિયં ન પરિજાનિત્થ. અટ્ઠ પુગ્ગલા અઞ્ઞાતાવિન્દ્રિયઞ્ચ ન સચ્છિકરિત્થ ચક્ખુન્દ્રિયઞ્ચ ન પરિજાનિત્થ. (ચક્ખુન્દ્રિયમૂલકં)

૪૪૮. (ક) યો દોમનસ્સિન્દ્રિયં નપ્પજહિત્થ સો અનઞ્ઞાતઞ્ઞસ્સામીતિન્દ્રિયં ન ભાવિત્થાતિ?

ચત્તારો પુગ્ગલા દોમનસ્સિન્દ્રિયં નપ્પજહિત્થ, નો ચ અનઞ્ઞાતઞ્ઞસ્સામીતિન્દ્રિયં ન ભાવિત્થ. દ્વે પુગ્ગલા દોમનસ્સિન્દ્રિયઞ્ચ નપ્પજહિત્થ અનઞ્ઞાતઞ્ઞસ્સામીતિન્દ્રિયઞ્ચ ન ભાવિત્થ.

(ખ) યો વા પન અનઞ્ઞાતઞ્ઞસ્સામીતિન્દ્રિયં ન ભાવિત્થ સો દોમનસ્સિન્દ્રિયં નપ્પજહિત્થાતિ? આમન્તા.

(ક) યો દોમનસ્સિન્દ્રિયં નપ્પજહિત્થ સો અઞ્ઞિન્દ્રિયં ન ભાવિત્થાતિ? આમન્તા.

(ખ) યો વા પન અઞ્ઞિન્દ્રિયં ન ભાવિત્થ સો દોમનસ્સિન્દ્રિયં નપ્પજહિત્થાતિ?

દ્વે પુગ્ગલા અઞ્ઞિન્દ્રિયં ન ભાવિત્થ, નો ચ દોમનસ્સિન્દ્રિયં નપ્પજહિત્થ. છ પુગ્ગલા અઞ્ઞિન્દ્રિયઞ્ચ ન ભાવિત્થ દોમનસ્સિન્દ્રિયઞ્ચ નપ્પજહિત્થ.

(ક) યો દોમનસ્સિન્દ્રિયં નપ્પજહિત્થ સો અઞ્ઞાતાવિન્દ્રિયં ન સચ્છિકરિત્થાતિ? આમન્તા.

(ખ) યો વા પન અઞ્ઞાતાવિન્દ્રિયં ન સચ્છિકરિત્થ સો દોમનસ્સિન્દ્રિયં નપ્પજહિત્થાતિ?

તયો પુગ્ગલા અઞ્ઞાતાવિન્દ્રિયં ન સચ્છિકરિત્થ, નો ચ દોમનસ્સિન્દ્રિયં નપ્પજહિત્થ. છ પુગ્ગલા અઞ્ઞાતાવિન્દ્રિયઞ્ચ ન સચ્છિકરિત્થ દોમનસ્સિન્દ્રિયઞ્ચ નપ્પજહિત્થ. (દોમનસ્સિન્દ્રિયમૂલકં)

૪૪૯. (ક) યો અનઞ્ઞાતઞ્ઞસ્સામીતિન્દ્રિયં ન ભાવિત્થ સો અઞ્ઞિન્દ્રિયં ન ભાવિત્થાતિ? આમન્તા.

(ખ) યો વા પન અઞ્ઞિન્દ્રિયં ન ભાવિત્થ સો અનઞ્ઞાતઞ્ઞસ્સામીતિન્દ્રિયં ન ભાવિત્થાતિ?

છ પુગ્ગલા અઞ્ઞિન્દ્રિયં ન ભાવિત્થ, નો ચ અનઞ્ઞાતઞ્ઞસ્સામીતિન્દ્રિયં ન ભાવિત્થ. દ્વે પુગ્ગલા અઞ્ઞિન્દ્રિયઞ્ચ ન ભાવિત્થ અનઞ્ઞાતઞ્ઞસ્સામીતિન્દ્રિયઞ્ચ ન ભાવિત્થ.

(ક) યો અનઞ્ઞાતઞ્ઞસ્સામીતિન્દ્રિયં ન ભાવિત્થ સો અઞ્ઞાતાવિન્દ્રિયં ન સચ્છિકરિત્થાતિ? આમન્તા.

(ખ) યો વા પન અઞ્ઞાતાવિન્દ્રિયં ન સચ્છિકરિત્થ સો અનઞ્ઞાતઞ્ઞસ્સામીતિન્દ્રિયં ન ભાવિત્થાતિ?

સત્ત પુગ્ગલા અઞ્ઞાતાવિન્દ્રિયં ન સચ્છિકરિત્થ, નો ચ અનઞ્ઞાતઞ્ઞસ્સામીતિન્દ્રિયં ન ભાવિત્થ. દ્વે પુગ્ગલા અઞ્ઞાતાવિન્દ્રિયઞ્ચ ન સચ્છિકરિત્થ અનઞ્ઞાતઞ્ઞસ્સામીતિન્દ્રિયઞ્ચ ન ભાવિત્થ. (અનઞ્ઞાતઞ્ઞસ્સામીતિન્દ્રિયમૂલકં)

૪૫૦. (ક) યો અઞ્ઞિન્દ્રિયં ન ભાવિત્થ સો અઞ્ઞાતાવિન્દ્રિયં ન સચ્છિકરિત્થાતિ? આમન્તા.

(ખ) યો વા પન અઞ્ઞાતાવિન્દ્રિયં ન સચ્છિકરિત્થ સો અઞ્ઞિન્દ્રિયં ન ભાવિત્થાતિ?

યો અગ્ગફલં સચ્છિકરોતિ સો અઞ્ઞાતાવિન્દ્રિયં ન સચ્છિકરિત્થ, નો ચ અઞ્ઞિન્દ્રિયં ન ભાવિત્થ. અટ્ઠ પુગ્ગલા અઞ્ઞાતાવિન્દ્રિયઞ્ચ ન સચ્છિકરિત્થ અઞ્ઞિન્દ્રિયઞ્ચ ન ભાવિત્થ. (અઞ્ઞિન્દ્રિયમૂલકં)