(૫) પચ્ચુપ્પન્નાનાગતવારો

(ક) અનુલોમપુગ્ગલો

૧૪૮. (ક) યસ્સ કાયસઙ્ખારો ઉપ્પજ્જતિ તસ્સ વચીસઙ્ખારો નિરુજ્ઝિસ્સતીતિ? આમન્તા.

(ખ) યસ્સ વા પન વચીસઙ્ખારો નિરુજ્ઝિસ્સતિ તસ્સ કાયસઙ્ખારો ઉપ્પજ્જતીતિ?

સબ્બેસં ચિત્તસ્સ ભઙ્ગક્ખણે વિના અસ્સાસપસ્સાસેહિ ચિત્તસ્સ ઉપ્પાદક્ખણે નિરોધસમાપન્નાનં અસઞ્ઞસત્તાનં તેસં વચીસઙ્ખારો નિરુજ્ઝિસ્સતિ, નો ચ તેસં કાયસઙ્ખારો ઉપ્પજ્જતિ. અસ્સાસપસ્સાસાનં ઉપ્પાદક્ખણે તેસં વચીસઙ્ખારો ચ નિરુજ્ઝિસ્સતિ કાયસઙ્ખારો ચ ઉપ્પજ્જતિ.

(ક) યસ્સ કાયસઙ્ખારો ઉપ્પજ્જતિ તસ્સ ચિત્તસઙ્ખારો નિરુજ્ઝિસ્સતીતિ? આમન્તા.

(ખ) યસ્સ વા પન ચિત્તસઙ્ખારો નિરુજ્ઝિસ્સતિ તસ્સ કાયસઙ્ખારો ઉપ્પજ્જતીતિ?

સબ્બેસં ચિત્તસ્સ ભઙ્ગક્ખણે વિના અસ્સાસપસ્સાસેહિ ચિત્તસ્સ ઉપ્પાદક્ખણે નિરોધસમાપન્નાનં અસઞ્ઞસત્તાનં તેસં ચિત્તસઙ્ખારો નિરુજ્ઝિસ્સતિ, નો ચ તેસં કાયસઙ્ખારો ઉપ્પજ્જતિ. અસ્સાસપસ્સાસાનં ઉપ્પાદક્ખણે તેસં ચિત્તસઙ્ખારો ચ નિરુજ્ઝિસ્સતિ કાયસઙ્ખારો ચ ઉપ્પજ્જતિ.

૧૪૯. (ક) યસ્સ વચીસઙ્ખારો ઉપ્પજ્જતિ તસ્સ ચિત્તસઙ્ખારો નિરુજ્ઝિસ્સતીતિ? આમન્તા.

(ખ) યસ્સ વા પન ચિત્તસઙ્ખારો નિરુજ્ઝિસ્સતિ તસ્સ વચીસઙ્ખારો ઉપ્પજ્જતીતિ?

સબ્બેસં ચિત્તસ્સ ભઙ્ગક્ખણે વિના વિતક્કવિચારેહિ ચિત્તસ્સ ઉપ્પાદક્ખણે નિરોધસમાપન્નાનં અસઞ્ઞસત્તાનં તેસં ચિત્તસઙ્ખારો નિરુજ્ઝિસ્સતિ, નો ચ તેસં વચીસઙ્ખારો ઉપ્પજ્જતિ. વિતક્કવિચારાનં ઉપ્પાદક્ખણે તેસં ચિત્તસઙ્ખારો ચ નિરુજ્ઝિસ્સતિ વચીસઙ્ખારો ચ ઉપ્પજ્જતિ.

(ખ) અનુલોમઓકાસો

૧૫૦. યત્થ કાયસઙ્ખારો ઉપ્પજ્જતિ…પે….

(ગ) અનુલોમપુગ્ગલોકાસા

૧૫૧. (ક) યસ્સ યત્થ કાયસઙ્ખારો ઉપ્પજ્જતિ તસ્સ તત્થ વચીસઙ્ખારો નિરુજ્ઝિસ્સતીતિ?

દુતિયજ્ઝાનં તતિયજ્ઝાનં સમાપન્નાનં અસ્સાસપસ્સાસાનં ઉપ્પાદક્ખણે તેસં તત્થ કાયસઙ્ખારો ઉપ્પજ્જતિ, નો ચ તેસં તત્થ વચીસઙ્ખારો નિરુજ્ઝિસ્સતિ. પઠમજ્ઝાનં સમાપન્નાનં કામાવચરાનં અસ્સાસપસ્સાસાનં ઉપ્પાદક્ખણે તેસં તત્થ કાયસઙ્ખારો ચ ઉપ્પજ્જતિ વચીસઙ્ખારો ચ નિરુજ્ઝિસ્સતિ.

(ખ) યસ્સ વા પન યત્થ વચીસઙ્ખારો નિરુજ્ઝિસ્સતિ તસ્સ તત્થ કાયસઙ્ખારો ઉપ્પજ્જતીતિ?

પઠમજ્ઝાનં સમાપન્નાનં કામાવચરાનં અસ્સાસપસ્સાસાનં ભઙ્ગક્ખણે તેસંયેવ વિના અસ્સાસપસ્સાસેહિ ચિત્તસ્સ ઉપ્પાદક્ખણે રૂપાવચરાનં અરૂપાવચરાનં તેસં તત્થ વચીસઙ્ખારો નિરુજ્ઝિસ્સતિ, નો ચ તેસં તત્થ કાયસઙ્ખારો ઉપ્પજ્જતિ. પઠમજ્ઝાનં સમાપન્નાનં કામાવચરાનં અસ્સાસપસ્સાસાનં ઉપ્પાદક્ખણે તેસં તત્થ વચીસઙ્ખારો ચ નિરુજ્ઝિસ્સતિ કાયસઙ્ખારો ચ ઉપ્પજ્જતિ.

(ક) યસ્સ યત્થ કાયસઙ્ખારો ઉપ્પજ્જતિ તસ્સ તત્થ ચિત્તસઙ્ખારો નિરુજ્ઝિસ્સતીતિ? આમન્તા.

(ખ) યસ્સ વા પન યત્થ ચિત્તસઙ્ખારો નિરુજ્ઝિસ્સતિ તસ્સ તત્થ કાયસઙ્ખારો ઉપ્પજ્જતીતિ?

સબ્બેસં ચિત્તસ્સ ભઙ્ગક્ખણે વિના અસ્સાસપસ્સાસેહિ ચિત્તસ્સ ઉપ્પાદક્ખણે તેસં તત્થ ચિત્તસઙ્ખારો નિરુજ્ઝિસ્સતિ, નો ચ તેસં તત્થ કાયસઙ્ખારો ઉપ્પજ્જતિ. અસ્સાસપસ્સાસાનં ઉપ્પાદક્ખણે તેસં તત્થ ચિત્તસઙ્ખારો ચ નિરુજ્ઝિસ્સતિ કાયસઙ્ખારો ચ ઉપ્પજ્જતિ.

૧૫૨. (ક) યસ્સ યત્થ વચીસઙ્ખારો ઉપ્પજ્જતિ તસ્સ તત્થ ચિત્તસઙ્ખારો નિરુજ્ઝિસ્સતીતિ? આમન્તા.

(ખ) યસ્સ વા પન યત્થ ચિત્તસઙ્ખારો નિરુજ્ઝિસ્સતિ તસ્સ તત્થ વચીસઙ્ખારો ઉપ્પજ્જતીતિ?

સબ્બેસં ચિત્તસ્સ ભઙ્ગક્ખણે વિના વિતક્કવિચારેહિ ચિત્તસ્સ ઉપ્પાદક્ખણે તેસં તત્થ ચિત્તસઙ્ખારો નિરુજ્ઝિસ્સતિ, નો ચ તેસં તત્થ વચીસઙ્ખારો ઉપ્પજ્જતિ. વિતક્કવિચારાનં ઉપ્પાદક્ખણે તેસં તત્થ ચિત્તસઙ્ખારો ચ નિરુજ્ઝિસ્સતિ વચીસઙ્ખારો ચ ઉપ્પજ્જતિ.

(ઘ) પચ્ચનીકપુગ્ગલો

૧૫૩. (ક) યસ્સ કાયસઙ્ખારો નુપ્પજ્જતિ તસ્સ વચીસઙ્ખારો ન નિરુજ્ઝિસ્સતીતિ?

સબ્બેસં ચિત્તસ્સ ભઙ્ગક્ખણે વિના અસ્સાસપસ્સાસેહિ ચિત્તસ્સ ઉપ્પાદક્ખણે નિરોધસમાપન્નાનં અસઞ્ઞસત્તાનં તેસં કાયસઙ્ખારો નુપ્પજ્જતિ, નો ચ તેસં વચીસઙ્ખારો ન નિરુજ્ઝિસ્સતિ. સવિતક્કસવિચારપચ્છિમચિત્તસ્સ ભઙ્ગક્ખણે અવિતક્કઅવિચારપચ્છિમચિત્તસમઙ્ગીનં યસ્સ ચિત્તસ્સ અનન્તરા અવિતક્કઅવિચારં પચ્છિમચિત્તં ઉપ્પજ્જિસ્સતિ તેસં કાયસઙ્ખારો ચ નુપ્પજ્જતિ વચીસઙ્ખારો ચ ન નિરુજ્ઝિસ્સતિ.

(ખ) યસ્સ વા પન વચીસઙ્ખારો ન નિરુજ્ઝિસ્સતિ તસ્સ કાયસઙ્ખારો નુપ્પજ્જતીતિ? આમન્તા.

(ક) યસ્સ કાયસઙ્ખારો નુપ્પજ્જતિ તસ્સ ચિત્તસઙ્ખારો ન નિરુજ્ઝિસ્સતીતિ?

સબ્બેસં ચિત્તસ્સ ભઙ્ગક્ખણે વિના અસ્સાસપસ્સાસેહિ ચિત્તસ્સ ઉપ્પાદક્ખણે નિરોધસમાપન્નાનં અસઞ્ઞસત્તાનં તેસં કાયસઙ્ખારો નુપ્પજ્જતિ, નો ચ તેસં ચિત્તસઙ્ખારો ન નિરુજ્ઝિસ્સતિ. પચ્છિમચિત્તસ્સ ભઙ્ગક્ખણે તેસં કાયસઙ્ખારો ચ નુપ્પજ્જતિ ચિત્તસઙ્ખારો ચ ન નિરુજ્ઝિસ્સતિ.

(ખ) યસ્સ વા પન ચિત્તસઙ્ખારો ન નિરુજ્ઝિસ્સતિ તસ્સ કાયસઙ્ખારો નુપ્પજ્જતીતિ? આમન્તા.

૧૫૪. (ક) યસ્સ વચીસઙ્ખારો નુપ્પજ્જતિ તસ્સ ચિત્તસઙ્ખારો ન નિરુજ્ઝિસ્સતીતિ?

સબ્બેસં ચિત્તસ્સ ભઙ્ગક્ખણે વિના વિતક્કવિચારેહિ ચિત્તસ્સ ઉપ્પાદક્ખણે નિરોધસમાપન્નાનં અસઞ્ઞસત્તાનં તેસં વચીસઙ્ખારો નુપ્પજ્જતિ, નો ચ તેસં ચિત્તસઙ્ખારો ન નિરુજ્ઝિસ્સતિ. પચ્છિમચિત્તસ્સ ભઙ્ગક્ખણે તેસં વચીસઙ્ખારો ચ નુપ્પજ્જતિ ચિત્તસઙ્ખારો ચ ન નિરુજ્ઝિસ્સતિ.

(ખ) યસ્સ વા પન ચિત્તસઙ્ખારો ન નિરુજ્ઝિસ્સતિ તસ્સ વચીસઙ્ખારો નુપ્પજ્જતીતિ? આમન્તા.

(ઙ) પચ્ચનીકઓકાસો

૧૫૫. યત્થ કાયસઙ્ખારો નુપ્પજ્જતિ…પે….

(ચ) પચ્ચનીકપુગ્ગલોકાસા

૧૫૬. (ક) યસ્સ યત્થ કાયસઙ્ખારો નુપ્પજ્જતિ તસ્સ તત્થ વચીસઙ્ખારો ન નિરુજ્ઝિસ્સતીતિ?

પઠમજ્ઝાનં સમાપન્નાનં કામાવચરાનં અસ્સાસપસ્સાસાનં ભઙ્ગક્ખણે તેસંયેવ વિના અસ્સાસપસ્સાસેહિ ચિત્તસ્સ ઉપ્પાદક્ખણે રૂપાવચરાનં અરૂપાવચરાનં તેસં તત્થ કાયસઙ્ખારો નુપ્પજ્જતિ, નો ચ તેસં તત્થ વચીસઙ્ખારો ન નિરુજ્ઝિસ્સતિ. સવિતક્કસવિચારપચ્છિમચિત્તસ્સ ભઙ્ગક્ખણે અવિતક્કઅવિચારપચ્છિમચિત્તસમઙ્ગીનં યસ્સ ચિત્તસ્સ અનન્તરા અવિતક્કઅવિચારં પચ્છિમચિત્તં ઉપ્પજ્જિસ્સતિ દુતિયજ્ઝાનં તતિયજ્ઝાનં સમાપન્નાનં અસ્સાસપસ્સાસાનં ભઙ્ગક્ખણે તેસંયેવ વિના અસ્સાસપસ્સાસેહિ ચિત્તસ્સ ઉપ્પાદક્ખણે ચતુત્થજ્ઝાનં સમાપન્નાનં અસઞ્ઞસત્તાનં તેસં તત્થ કાયસઙ્ખારો ચ નુપ્પજ્જતિ વચીસઙ્ખારો ચ ન નિરુજ્ઝિસ્સતિ.

(ખ) યસ્સ વા પન યત્થ વચીસઙ્ખારો ન નિરુજ્ઝિસ્સતિ તસ્સ તત્થ કાયસઙ્ખારો નુપ્પજ્જતીતિ?

દુતિયજ્ઝાનં તતિયજ્ઝાનં સમાપન્નાનં અસ્સાસપસ્સાસાનં ઉપ્પાદક્ખણે તેસં તત્થ વચીસઙ્ખારો ન નિરુજ્ઝિસ્સતિ, નો ચ તેસં તત્થ કાયસઙ્ખારો નુપ્પજ્જતિ. સવિતક્કસવિચારપચ્છિમચિત્તસ્સ ભઙ્ગક્ખણે અવિતક્કઅવિચારપચ્છિમચિત્તસમઙ્ગીનં યસ્સ ચિત્તસ્સ અનન્તરા અવિતક્કઅવિચારં પચ્છિમચિત્તં ઉપ્પજ્જિસ્સતિ દુતિયજ્ઝાનં તતિયજ્ઝાનં સમાપન્નાનં અસ્સાસપસ્સાસાનં ભઙ્ગક્ખણે તેસંયેવ વિના અસ્સાસપસ્સાસેહિ ચિત્તસ્સ ઉપ્પાદક્ખણે ચતુત્થજ્ઝાનં સમાપન્નાનં અસઞ્ઞસત્તાનં તેસં તત્થ વચીસઙ્ખારો ચ ન નિરુજ્ઝિસ્સતિ કાયસઙ્ખારો ચ નુપ્પજ્જતિ.

(ક) યસ્સ યત્થ કાયસઙ્ખારો નુપ્પજ્જતિ તસ્સ તત્થ ચિત્તસઙ્ખારો ન નિરુજ્ઝિસ્સતીતિ?

સબ્બેસં ચિત્તસ્સ ભઙ્ગક્ખણે વિના અસ્સાસપસ્સાસેહિ ચિત્તસ્સ ઉપ્પાદક્ખણે તેસં તત્થ કાયસઙ્ખારો નુપ્પજ્જતિ, નો ચ તેસં તત્થ ચિત્તસઙ્ખારો ન નિરુજ્ઝિસ્સતિ. પચ્છિમચિત્તસ્સ ભઙ્ગક્ખણે અસઞ્ઞસત્તાનં તેસં તત્થ કાયસઙ્ખારો ચ નુપ્પજ્જતિ ચિત્તસઙ્ખારો ચ ન નિરુજ્ઝિસ્સતિ.

(ખ) યસ્સ વા પન યત્થ ચિત્તસઙ્ખારો ન નિરુજ્ઝિસ્સતિ તસ્સ તત્થ કાયસઙ્ખારો નુપ્પજ્જતીતિ? આમન્તા.

૧૫૭. (ક) યસ્સ યત્થ વચીસઙ્ખારો નુપ્પજ્જતિ તસ્સ તત્થ ચિત્તસઙ્ખારો ન નિરુજ્ઝિસ્સતીતિ?

સબ્બેસં ચિત્તસ્સ ભઙ્ગક્ખણે વિના વિતક્કવિચારેહિ ચિત્તસ્સ ઉપ્પાદક્ખણે તેસં તત્થ વચીસઙ્ખારો નુપ્પજ્જતિ, નો ચ તેસં તત્થ ચિત્તસઙ્ખારો ન નિરુજ્ઝિસ્સતિ. પચ્છિમચિત્તસ્સ ભઙ્ગક્ખણે અસઞ્ઞસત્તાનં તેસં તત્થ વચીસઙ્ખારો ચ નુપ્પજ્જતિ ચિત્તસઙ્ખારો ચ ન નિરુજ્ઝિસ્સતિ.

(ખ) યસ્સ વા પન યત્થ ચિત્તસઙ્ખારો ન નિરુજ્ઝિસ્સતિ તસ્સ તત્થ વચીસઙ્ખારો નુપ્પજ્જતીતિ? આમન્તા.