(૬) અતીતાનાગતવારો

(ક) અનુલોમપુગ્ગલો

૧૫૮. (ક) યસ્સ કાયસઙ્ખારો ઉપ્પજ્જિત્થ તસ્સ વચીસઙ્ખારો નિરુજ્ઝિસ્સતીતિ?

સવિતક્કસવિચારપચ્છિમચિત્તસ્સ ભઙ્ગક્ખણે અવિતક્કઅવિચારપચ્છિમચિત્તસમઙ્ગીનં યસ્સ ચિત્તસ્સ અનન્તરા અવિતક્કઅવિચારં પચ્છિમચિત્તં ઉપ્પજ્જિસ્સતિ તેસં કાયસઙ્ખારો ઉપ્પજ્જિત્થ, નો ચ તેસં વચીસઙ્ખારો નિરુજ્ઝિસ્સતિ. ઇતરેસં તેસં કાયસઙ્ખારો ચ ઉપ્પજ્જિત્થ વચીસઙ્ખારો ચ નિરુજ્ઝિસ્સતિ.

(ખ) યસ્સ વા પન વચીસઙ્ખારો નિરુજ્ઝિસ્સતિ તસ્સ કાયસઙ્ખારો ઉપ્પજ્જિત્થાતિ? આમન્તા.

(ક) યસ્સ કાયસઙ્ખારો ઉપ્પજ્જિત્થ તસ્સ ચિત્તસઙ્ખારો નિરુજ્ઝિસ્સતીતિ?

પચ્છિમચિત્તસ્સ ભઙ્ગક્ખણે તેસં કાયસઙ્ખારો ઉપ્પજ્જિત્થ, નો ચ તેસં ચિત્તસઙ્ખારો નિરુજ્ઝિસ્સતિ. ઇતરેસં તેસં કાયસઙ્ખારો ચ ઉપ્પજ્જિત્થ ચિત્તસઙ્ખારો ચ નિરુજ્ઝિસ્સતિ.

(ખ) યસ્સ વા પન ચિત્તસઙ્ખારો નિરુજ્ઝિસ્સતિ તસ્સ કાયસઙ્ખારો ઉપ્પજ્જિત્થાતિ? આમન્તા.

(યથા નિરોધવારે અતીતાનાગતા પુચ્છા અનુલોમમ્પિ પચ્ચનીકમ્પિ એવં ઉપ્પાદનિરોધવારેપિ અતીતાનાગતા પુચ્છા અનુલોમમ્પિ પચ્ચનીકમ્પિ વિભજિતબ્બં અસમ્મોહન્તેન નિરોધવારેન સદિસં, નત્થિ નાનાકરણં.)

ઉપ્પાદનિરોધવારો.