(૨) અતીતવારો

(ક) અનુલોમપુગ્ગલો

૩૮. (ક) યસ્સ દુક્ખસચ્ચં ઉપ્પજ્જિત્થ તસ્સ સમુદયસચ્ચં ઉપ્પજ્જિત્થાતિ? આમન્તા.

(ખ) યસ્સ વા પન સમુદયસચ્ચં ઉપ્પજ્જિત્થ તસ્સ દુક્ખસચ્ચં ઉપ્પજ્જિત્થાતિ? આમન્તા.

(ક) યસ્સ દુક્ખસચ્ચં ઉપ્પજ્જિત્થ તસ્સ મગ્ગસચ્ચં ઉપ્પજ્જિત્થાતિ?

અનભિસમેતાવીનં તેસં દુક્ખસચ્ચં ઉપ્પજ્જિત્થ, નો ચ તેસં મગ્ગસચ્ચં ઉપ્પજ્જિત્થ. અભિસમેતાવીનં તેસં દુક્ખસચ્ચઞ્ચ ઉપ્પજ્જિત્થ મગ્ગસચ્ચઞ્ચ ઉપ્પજ્જિત્થ.

(ખ) યસ્સ વા પન…પે… ઉપ્પજ્જિત્થાતિ? આમન્તા.

૩૯. (ક) યસ્સ સમુદયસચ્ચં ઉપ્પજ્જિત્થ તસ્સ મગ્ગસચ્ચં ઉપ્પજ્જિત્થાતિ?

અનભિસમેતાવીનં તેસં સમુદયસચ્ચં ઉપ્પજ્જિત્થ, નો ચ તેસં મગ્ગસચ્ચં ઉપ્પજ્જિત્થ. અભિસમેતાવીનં તેસં સમુદયસચ્ચઞ્ચ ઉપ્પજ્જિત્થ મગ્ગસચ્ચઞ્ચ ઉપ્પજ્જિત્થ.

(ખ) યસ્સ વા પન…પે… ઉપ્પજ્જિત્થાતિ? આમન્તા.

(ખ) અનુલોમઓકાસો

૪૦. યત્થ દુક્ખસચ્ચં ઉપ્પજ્જિત્થ…પે….

(યત્થકમ્પિ સબ્બત્થ સદિસં. તન્તિનાનાકરણં હેટ્ઠા યત્થકસદિસં).

(ગ) અનુલોમપુગ્ગલોકાસા

૪૧. (ક) યસ્સ યત્થ દુક્ખસચ્ચં ઉપ્પજ્જિત્થ તસ્સ તત્થ સમુદયસચ્ચં ઉપ્પજ્જિત્થાતિ?

સુદ્ધાવાસાનં દુતિયે ચિત્તે વત્તમાને અસઞ્ઞસત્તાનં તેસં તત્થ દુક્ખસચ્ચં ઉપ્પજ્જિત્થ, નો ચ તેસં તત્થ સમુદયસચ્ચં ઉપ્પજ્જિત્થ. ઇતરેસં ચતુવોકારાનં પઞ્ચવોકારાનં તેસં તત્થ દુક્ખસચ્ચઞ્ચ ઉપ્પજ્જિત્થ સમુદયસચ્ચઞ્ચ ઉપ્પજ્જિત્થ.

(ખ) યસ્સ વા પન યત્થ…પે… ઉપ્પજ્જિત્થાતિ? આમન્તા.

(ક) યસ્સ યત્થ દુક્ખસચ્ચં ઉપ્પજ્જિત્થ તસ્સ તત્થ મગ્ગસચ્ચં ઉપ્પજ્જિત્થાતિ?

સુદ્ધાવાસાનં દુતિયે ચિત્તે વત્તમાને અનભિસમેતાવીનં અસઞ્ઞસત્તાનં તેસં તત્થ દુક્ખસચ્ચં ઉપ્પજ્જિત્થ, નો ચ તેસં તત્થ મગ્ગસચ્ચં ઉપ્પજ્જિત્થ. અભિસમેતાવીનં તેસં તત્થ દુક્ખસચ્ચઞ્ચ ઉપ્પજ્જિત્થ મગ્ગસચ્ચઞ્ચ ઉપ્પજ્જિત્થ.

(ખ) યસ્સ વા પન યત્થ…પે… ઉપ્પજ્જિત્થાતિ? આમન્તા.

૪૨. (ક) યસ્સ યત્થ સમુદયસચ્ચં ઉપ્પજ્જિત્થ તસ્સ તત્થ મગ્ગસચ્ચં ઉપ્પજ્જિત્થાતિ?

સુદ્ધાવાસાનં દુતિયે અકુસલે ચિત્તે વત્તમાને અનભિસમેતાવીનં તેસં તત્થ સમુદયસચ્ચં ઉપ્પજ્જિત્થ, નો ચ તેસં તત્થ મગ્ગસચ્ચં ઉપ્પજ્જિત્થ. અભિસમેતાવીનં તેસં તત્થ સમુદયસચ્ચઞ્ચ ઉપ્પજ્જિત્થ મગ્ગસચ્ચઞ્ચ ઉપ્પજ્જિત્થ.

(ખ) યસ્સ વા પન યત્થ…પે… ઉપ્પજ્જિત્થાતિ? આમન્તા.

(ઘ) પચ્ચનીકપુગ્ગલો

૪૩. (ક) યસ્સ દુક્ખસચ્ચં નુપ્પજ્જિત્થ તસ્સ સમુદયસચ્ચં નુપ્પજ્જિત્થાતિ? નત્થિ.

(ખ) યસ્સ વા પન…પે… નુપ્પજ્જિત્થાતિ? નત્થિ.

(ક) યસ્સ દુક્ખસચ્ચં નુપ્પજ્જિત્થ તસ્સ મગ્ગસચ્ચં નુપ્પજ્જિત્થાતિ? નત્થિ.

(ખ) યસ્સ વા પન મગ્ગસચ્ચં નુપ્પજ્જિત્થ તસ્સ દુક્ખસચ્ચં નુપ્પજ્જિત્થાતિ? ઉપ્પજ્જિત્થ.

૪૪. (ક) યસ્સ સમુદયસચ્ચં નુપ્પજ્જિત્થ તસ્સ મગ્ગસચ્ચં નુપ્પજ્જિત્થાતિ? નત્થિ.

(ખ) યસ્સ વા પન…પે… નુપ્પજ્જિત્થાતિ? ઉપ્પજ્જિત્થ.

(ઙ) પચ્ચનીકઓકાસો

૪૫. યત્થ દુક્ખસચ્ચં નુપ્પજ્જિત્થ…પે….

(ચ) પચ્ચનીકપુગ્ગલોકાસા

૪૬. (ક) યસ્સ યત્થ દુક્ખસચ્ચં નુપ્પજ્જિત્થ તસ્સ તત્થ સમુદયસચ્ચં નુપ્પજ્જિત્થાતિ? આમન્તા.

(ખ) યસ્સ વા પન યત્થ સમુદયસચ્ચં નુપ્પજ્જિત્થ તસ્સ તત્થ દુક્ખસચ્ચં નુપ્પજ્જિત્થાતિ?

સુદ્ધાવાસાનં દુતિયે ચિત્તે વત્તમાને અસઞ્ઞસત્તાનં તેસં તત્થ સમુદયસચ્ચં નુપ્પજ્જિત્થ, નો ચ તેસં તત્થ દુક્ખસચ્ચં નુપ્પજ્જિત્થ. સુદ્ધાવાસં ઉપપજ્જન્તાનં તેસં તત્થ સમુદયસચ્ચઞ્ચ નુપ્પજ્જિત્થ દુક્ખસચ્ચઞ્ચ નુપ્પજ્જિત્થ.

(ક) યસ્સ યત્થ દુક્ખસચ્ચં નુપ્પજ્જિત્થ તસ્સ તત્થ મગ્ગસચ્ચં નુપ્પજ્જિત્થાતિ? આમન્તા.

(ખ) યસ્સ વા પન યત્થ મગ્ગસચ્ચં નુપ્પજ્જિત્થ તસ્સ તત્થ દુક્ખસચ્ચં નુપ્પજ્જિત્થાતિ?

સુદ્ધાવાસાનં દુતિયે ચિત્તે વત્તમાને અનભિસમેતાવીનં અસઞ્ઞસત્તાનં તેસં તત્થ મગ્ગસચ્ચં નુપ્પજ્જિત્થ, નો ચ તેસં તત્થ દુક્ખસચ્ચં નુપ્પજ્જિત્થ. સુદ્ધાવાસં ઉપપજ્જન્તાનં તેસં તત્થ મગ્ગસચ્ચઞ્ચ નુપ્પજ્જિત્થ દુક્ખસચ્ચઞ્ચ નુપ્પજ્જિત્થ.

૪૭. (ક) યસ્સ યત્થ સમુદયસચ્ચં નુપ્પજ્જિત્થ તસ્સ તત્થ મગ્ગસચ્ચં નુપ્પજ્જિત્થાતિ? આમન્તા.

(ખ) યસ્સ વા પન યત્થ મગ્ગસચ્ચં નુપ્પજ્જિત્થ તસ્સ તત્થ સમુદયસચ્ચં નુપ્પજ્જિત્થાતિ?

સુદ્ધાવાસાનં દુતિયે અકુસલે ચિત્તે વત્તમાને અનભિસમેતાવીનં તેસં તત્થ મગ્ગસચ્ચં નુપ્પજ્જિત્થ, નો ચ તેસં તત્થ સમુદયસચ્ચં નુપ્પજ્જિત્થ. સુદ્ધાવાસાનં દુતિયે ચિત્તે વત્તમાને અસઞ્ઞસત્તાનં તેસં તત્થ મગ્ગસચ્ચઞ્ચ નુપ્પજ્જિત્થ સમુદયસચ્ચઞ્ચ નુપ્પજ્જિત્થ.