(૩) અનાગતવારો

(ક) અનુલોમપુગ્ગલો

૪૮. (ક) યસ્સ દુક્ખસચ્ચં ઉપ્પજ્જિસ્સતિ તસ્સ સમુદયસચ્ચં ઉપ્પજ્જિસ્સતીતિ?

અગ્ગમગ્ગસમઙ્ગીનં અરહન્તાનં યસ્સ ચિત્તસ્સ અનન્તરા અગ્ગમગ્ગં પટિલભિસ્સન્તિ તેસં દુક્ખસચ્ચં ઉપ્પજ્જિસ્સતિ, નો ચ તેસં સમુદયસચ્ચં ઉપ્પજ્જિસ્સતિ. ઇતરેસં તેસં દુક્ખસચ્ચઞ્ચ ઉપ્પજ્જિસ્સતિ સમુદયસચ્ચઞ્ચ ઉપ્પજ્જિસ્સતિ.

(ખ) યસ્સ વા પન…પે…? આમન્તા.

(ક) યસ્સ દુક્ખસચ્ચં ઉપ્પજ્જિસ્સતિ તસ્સ મગ્ગસચ્ચં ઉપ્પજ્જિસ્સતીતિ?

અગ્ગમગ્ગસમઙ્ગીનં અરહન્તાનં યે ચ પુથુજ્જના મગ્ગં ન પટિલભિસ્સન્તિ તેસં દુક્ખસચ્ચં ઉપ્પજ્જિસ્સતિ, નો ચ તેસં મગ્ગસચ્ચં ઉપ્પજ્જિસ્સતિ. યસ્સ ચિત્તસ્સ અનન્તરા અગ્ગમગ્ગં પટિલભિસ્સન્તિ યે ચઞ્ઞે મગ્ગં પટિલભિસ્સન્તિ તેસં દુક્ખસચ્ચઞ્ચ ઉપ્પજ્જિસ્સતિ મગ્ગસચ્ચઞ્ચ ઉપ્પજ્જિસ્સતિ.

(ખ) યસ્સ વા પન…પે… ઉપ્પજ્જિસ્સતીતિ? આમન્તા.

૪૯. (ક) યસ્સ સમુદયસચ્ચં ઉપ્પજ્જિસ્સતિ તસ્સ મગ્ગસચ્ચં ઉપ્પજ્જિસ્સતીતિ?

યે પુથુજ્જના મગ્ગં ન પટિલભિસ્સન્તિ તેસં સમુદયસચ્ચં ઉપ્પજ્જિસ્સતિ, નો ચ તેસં મગ્ગસચ્ચં ઉપ્પજ્જિસ્સતિ. યે મગ્ગં પટિલભિસ્સન્તિ તેસં સમુદયસચ્ચઞ્ચ ઉપ્પજ્જિસ્સતિ મગ્ગસચ્ચઞ્ચ ઉપ્પજ્જિસ્સતિ.

(ખ) યસ્સ વા પન મગ્ગસચ્ચં ઉપ્પજ્જિસ્સતિ તસ્સ સમુદયસચ્ચં ઉપ્પજ્જિસ્સતીતિ?

યસ્સ ચિત્તસ્સ અનન્તરા અગ્ગમગ્ગં પટિલભિસ્સન્તિ તેસં મગ્ગસચ્ચં ઉપ્પજ્જિસ્સતિ, નો ચ તેસં સમુદયસચ્ચં ઉપ્પજ્જિસ્સતિ. યે મગ્ગં પટિલભિસ્સન્તિ તેસં મગ્ગસચ્ચઞ્ચ ઉપ્પજ્જિસ્સતિ સમુદયસચ્ચઞ્ચ ઉપ્પજ્જિસ્સતિ.

(ખ) અનુલોમઓકાસો

૫૦. યત્થ દુક્ખસચ્ચં ઉપ્પજ્જિસ્સતિ…પે….

(ગ) અનુલોમપુગ્ગલોકાસા

૫૧. (ક) યસ્સ યત્થ દુક્ખસચ્ચં ઉપ્પજ્જિસ્સતિ તસ્સ તત્થ સમુદયસચ્ચં ઉપ્પજ્જિસ્સતીતિ?

અગ્ગમગ્ગસમઙ્ગીનં અરહન્તાનં યસ્સ ચિત્તસ્સ અનન્તરા અગ્ગમગ્ગં પટિલભિસ્સન્તિ અસઞ્ઞસત્તાનં તેસં તત્થ દુક્ખસચ્ચં ઉપ્પજ્જિસ્સતિ, નો ચ તેસં તત્થ સમુદયસચ્ચં ઉપ્પજ્જિસ્સતિ. ઇતરેસં ચતુવોકારાનં પઞ્ચવોકારાનં તેસં તત્થ દુક્ખસચ્ચઞ્ચ ઉપ્પજ્જિસ્સતિ સમુદયસચ્ચઞ્ચ ઉપ્પજ્જિસ્સતિ.

(ખ) યસ્સ વા પન યત્થ સમુદયસચ્ચં ઉપ્પજ્જિસ્સતિ…પે… ઉપ્પજ્જિસ્સતીતિ? આમન્તા.

(ક) યસ્સ યત્થ દુક્ખસચ્ચં ઉપ્પજ્જિસ્સતિ તસ્સ તત્થ મગ્ગસચ્ચં ઉપ્પજ્જિસ્સતીતિ?

અગ્ગમગ્ગસમઙ્ગીનં અરહન્તાનં યે ચ પુથુજ્જના મગ્ગં ન પટિલભિસ્સન્તિ આપાયિકાનં અસઞ્ઞસત્તાનં તેસં તત્થ દુક્ખસચ્ચં ઉપ્પજ્જિસ્સતિ, નો ચ તેસં તત્થ મગ્ગસચ્ચં ઉપ્પજ્જિસ્સતિ. યસ્સ ચિત્તસ્સ અનન્તરા અગ્ગમગ્ગં પટિલભિસ્સન્તિ, યે ચઞ્ઞે મગ્ગં પટિલભિસ્સન્તિ તેસં તત્થ દુક્ખસચ્ચઞ્ચ ઉપ્પજ્જિસ્સતિ મગ્ગસચ્ચઞ્ચ ઉપ્પજ્જિસ્સતિ.

(ખ) યસ્સ વા પન યત્થ મગ્ગસચ્ચં ઉપ્પજ્જિસ્સતિ તસ્સ તત્થ દુક્ખસચ્ચં ઉપ્પજ્જિસ્સતીતિ? આમન્તા.

૫૨. (ક) યસ્સ યત્થ સમુદયસચ્ચં ઉપ્પજ્જિસ્સતિ તસ્સ તત્થ મગ્ગસચ્ચં ઉપ્પજ્જિસ્સતીતિ?

આપાયિકાનં યે ચ પુથુજ્જના મગ્ગં ન પટિલભિસ્સન્તિ તેસં તત્થ સમુદયસચ્ચં ઉપ્પજ્જિસ્સતિ, નો ચ તેસં તત્થ મગ્ગસચ્ચં ઉપ્પજ્જિસ્સતિ. યે મગ્ગં પટિલભિસ્સન્તિ તેસં તત્થ સમુદયસચ્ચઞ્ચ ઉપ્પજ્જિસ્સતિ મગ્ગસચ્ચઞ્ચ ઉપ્પજ્જિસ્સતિ.

(ખ) યસ્સ વા પન યત્થ મગ્ગસચ્ચં ઉપ્પજ્જિસ્સતિ તસ્સ તત્થ સમુદયસચ્ચં ઉપ્પજ્જિસ્સતીતિ?

યસ્સ ચિત્તસ્સ અનન્તરા અગ્ગમગ્ગં પટિલભિસ્સન્તિ તેસં તત્થ મગ્ગસચ્ચં ઉપ્પજ્જિસ્સતિ, નો ચ તેસં તત્થ સમુદયસચ્ચં ઉપ્પજ્જિસ્સતિ. યે મગ્ગં પટિલભિસ્સન્તિ તેસં તત્થ મગ્ગસચ્ચઞ્ચ ઉપ્પજ્જિસ્સતિ સમુદયસચ્ચઞ્ચ ઉપ્પજ્જિસ્સતિ.

(ઘ) પચ્ચનીકપુગ્ગલો

૫૩. (ક) યસ્સ દુક્ખસચ્ચં નુપ્પજ્જિસ્સતિ તસ્સ સમુદયસચ્ચં નુપ્પજ્જિસ્સતીતિ? આમન્તા.

(ખ) યસ્સ વા પન સમુદયસચ્ચં નુપ્પજ્જિસ્સતિ તસ્સ દુક્ખસચ્ચં નુપ્પજ્જિસ્સતીતિ?

અગ્ગમગ્ગસમઙ્ગીનં અરહન્તાનં યસ્સ ચિત્તસ્સ અનન્તરા અગ્ગમગ્ગં પટિલભિસ્સન્તિ તેસં સમુદયસચ્ચં નુપ્પજ્જિસ્સતિ, નો ચ તેસં દુક્ખસચ્ચં નુપ્પજ્જિસ્સતિ. પચ્છિમચિત્તસમઙ્ગીનં તેસં સમુદયસચ્ચઞ્ચ નુપ્પજ્જિસ્સતિ દુક્ખસચ્ચઞ્ચ નુપ્પજ્જિસ્સતિ.

(ક) યસ્સ દુક્ખસચ્ચં નુપ્પજ્જિસ્સતિ તસ્સ મગ્ગસચ્ચં નુપ્પજ્જિસ્સતીતિ? આમન્તા.

(ખ) યસ્સ વા પન મગ્ગસચ્ચં નુપ્પજ્જિસ્સતિ તસ્સ દુક્ખસચ્ચં નુપ્પજ્જિસ્સતીતિ?

અગ્ગમગ્ગસમઙ્ગીનં અરહન્તાનં યે ચ પુથુજ્જના મગ્ગં ન પટિલભિસ્સન્તિ તેસં મગ્ગસચ્ચં નુપ્પજ્જિસ્સતિ, નો ચ તેસં દુક્ખસચ્ચં નુપ્પજ્જિસ્સતિ. પચ્છિમચિત્તસમઙ્ગીનં તેસં મગ્ગસચ્ચઞ્ચ નુપ્પજ્જિસ્સતિ દુક્ખસચ્ચઞ્ચ નુપ્પજ્જિસ્સતિ.

૫૪. (ક) યસ્સ સમુદયસચ્ચં નુપ્પજ્જિસ્સતિ તસ્સ મગ્ગસચ્ચં નુપ્પજ્જિસ્સતીતિ?

યસ્સ ચિત્તસ્સ અનન્તરા અગ્ગમગ્ગં પટિલભિસ્સન્તિ તેસં સમુદયસચ્ચં નુપ્પજ્જિસ્સતિ, નો ચ તેસં મગ્ગસચ્ચં નુપ્પજ્જિસ્સતિ. અગ્ગમગ્ગસમઙ્ગીનં અરહન્તાનં તેસં સમુદયસચ્ચઞ્ચ નુપ્પજ્જિસ્સતિ મગ્ગસચ્ચઞ્ચ નુપ્પજ્જિસ્સતિ.

(ખ) યસ્સ વા પન મગ્ગસચ્ચં નુપ્પજ્જિસ્સતિ તસ્સ સમુદયસચ્ચં નુપ્પજ્જિસ્સતીતિ?

યે પુથુજ્જના મગ્ગં ન પટિલભિસ્સન્તિ તેસં મગ્ગસચ્ચં નુપ્પજ્જિસ્સતિ, નો ચ તેસં સમુદયસચ્ચં નુપ્પજ્જિસ્સતિ. અગ્ગમગ્ગસમઙ્ગીનં અરહન્તાનં તેસં મગ્ગસચ્ચઞ્ચ નુપ્પજ્જિસ્સતિ સમુદયસચ્ચઞ્ચ નુપ્પજ્જિસ્સતિ.

(ઙ) પચ્ચનીકઓકાસો

૫૫. યત્થ દુક્ખસચ્ચં નુપ્પજ્જિસ્સતિ…પે….

(ચ) પચ્ચનીકપુગ્ગલોકાસા

૫૬. (ક) યસ્સ યત્થ દુક્ખસચ્ચં નુપ્પજ્જિસ્સતિ તસ્સ તત્થ સમુદયસચ્ચં નુપ્પજ્જિસ્સતીતિ? આમન્તા.

(ખ) યસ્સ વા પન યત્થ સમુદયસચ્ચં નુપ્પજ્જિસ્સતિ તસ્સ તત્થ દુક્ખસચ્ચં નુપ્પજ્જિસ્સતીતિ?

અગ્ગમગ્ગસમઙ્ગીનં અરહન્તાનં યસ્સ ચિત્તસ્સ અનન્તરા અગ્ગમગ્ગં પટિલભિસ્સન્તિ અસઞ્ઞસત્તાનં તેસં તત્થ સમુદયસચ્ચં નુપ્પજ્જિસ્સતિ, નો ચ તેસં તત્થ દુક્ખસચ્ચં નુપ્પજ્જિસ્સતિ. પચ્છિમચિત્તસમઙ્ગીનં તેસં તત્થ સમુદયસચ્ચઞ્ચ નુપ્પજ્જિસ્સતિ દુક્ખસચ્ચઞ્ચ નુપ્પજ્જિસ્સતિ.

(ક) યસ્સ યત્થ દુક્ખસચ્ચં નુપ્પજ્જિસ્સતિ તસ્સ તત્થ મગ્ગસચ્ચં નુપ્પજ્જિસ્સતીતિ? આમન્તા.

(ખ) યસ્સ વા પન યત્થ મગ્ગસચ્ચં નુપ્પજ્જિસ્સતિ તસ્સ તત્થ દુક્ખસચ્ચં નુપ્પજ્જિસ્સતીતિ?

અગ્ગમગ્ગસમઙ્ગીનં અરહન્તાનં યે ચ પુથુજ્જના મગ્ગં ન પટિલભિસ્સન્તિ આપાયિકાનં અસઞ્ઞસત્તાનં તેસં તત્થ મગ્ગસચ્ચં નુપ્પજ્જિસ્સતિ, નો ચ તેસં તત્થ દુક્ખસચ્ચં નુપ્પજ્જિસ્સતિ. પચ્છિમચિત્તસમઙ્ગીનં તેસં તત્થ મગ્ગસચ્ચઞ્ચ નુપ્પજ્જિસ્સતિ દુક્ખસચ્ચઞ્ચ નુપ્પજ્જિસ્સતિ.

૫૭. (ક) યસ્સ યત્થ સમુદયસચ્ચં નુપ્પજ્જિસ્સતિ તસ્સ તત્થ મગ્ગસચ્ચં નુપ્પજ્જિસ્સતીતિ?

યસ્સ ચિત્તસ્સ અનન્તરા અગ્ગમગ્ગં પટિલભિસ્સન્તિ તેસં તત્થ સમુદયસચ્ચં નુપ્પજ્જિસ્સતિ, નો ચ તેસં તત્થ મગ્ગસચ્ચં નુપ્પજ્જિસ્સતિ. અગ્ગમગ્ગસમઙ્ગીનં અરહન્તાનં અસઞ્ઞસત્તાનં તેસં તત્થ સમુદયસચ્ચઞ્ચ નુપ્પજ્જિસ્સતિ મગ્ગસચ્ચઞ્ચ નુપ્પજ્જિસ્સતિ.

(ખ) યસ્સ વા પન યત્થ મગ્ગસચ્ચં નુપ્પજ્જિસ્સતિ તસ્સ તત્થ સમુદયસચ્ચં નુપ્પજ્જિસ્સતીતિ?

આપાયિકાનં યે ચ પુથુજ્જના મગ્ગં ન પટિલભિસ્સન્તિ તેસં તત્થ મગ્ગસચ્ચં નુપ્પજ્જિસ્સતિ, નો ચ તેસં તત્થ સમુદયસચ્ચં નુપ્પજ્જિસ્સતિ. અગ્ગમગ્ગસમઙ્ગીનં અરહન્તાનં અસઞ્ઞસત્તાનં તેસં તત્થ મગ્ગસચ્ચઞ્ચ નુપ્પજ્જિસ્સતિ સમુદયસચ્ચઞ્ચ નુપ્પજ્જિસ્સતિ.