(૫) પચ્ચુપ્પન્નાનાગતવારો

(ક) અનુલોમપુગ્ગલો

૧૮૬. (ક) યસ્સ રૂપક્ખન્ધો ઉપ્પજ્જતિ તસ્સ વેદનાક્ખન્ધો નિરુજ્ઝિસ્સતીતિ? આમન્તા.

(ખ) યસ્સ વા પન વેદનાક્ખન્ધો નિરુજ્ઝિસ્સતિ તસ્સ રૂપક્ખન્ધો ઉપ્પજ્જતીતિ?

સબ્બેસં ચવન્તાનં અરૂપં ઉપપજ્જન્તાનં તેસં વેદનાક્ખન્ધો નિરુજ્ઝિસ્સતિ, નો ચ તેસં રૂપક્ખન્ધો ઉપ્પજ્જતિ. પઞ્ચવોકારં ઉપપજ્જન્તાનં અસઞ્ઞસત્તં ઉપપજ્જન્તાનં તેસં વેદનાક્ખન્ધો ચ નિરુજ્ઝિસ્સતિ રૂપક્ખન્ધો ચ ઉપ્પજ્જતિ.

૧૮૭. (ક) યસ્સ વેદનાક્ખન્ધો ઉપ્પજ્જતિ તસ્સ સઞ્ઞાક્ખન્ધો નિરુજ્ઝિસ્સતીતિ? આમન્તા.

(ખ) યસ્સ વા પન સઞ્ઞાક્ખન્ધો નિરુજ્ઝિસ્સતિ તસ્સ વેદનાક્ખન્ધો ઉપ્પજ્જતીતિ?

સબ્બેસં ચવન્તાનં અસઞ્ઞસત્તં ઉપપજ્જન્તાનં તેસં સઞ્ઞાક્ખન્ધો નિરુજ્ઝિસ્સતિ, નો ચ તેસં વેદનાક્ખન્ધો ઉપ્પજ્જતિ. ચતુવોકારં પઞ્ચવોકારં ઉપપજ્જન્તાનં તેસં સઞ્ઞાક્ખન્ધો ચ નિરુજ્ઝિસ્સતિ વેદનાક્ખન્ધો ચ ઉપ્પજ્જતિ.

(ખ) અનુલોમઓકાસો

૧૮૮. યત્થ રૂપક્ખન્ધો ઉપ્પજ્જતિ…પે….

(ગ) અનુલોમપુગ્ગલોકાસા

૧૮૯. (ક) યસ્સ યત્થ રૂપક્ખન્ધો ઉપ્પજ્જતિ તસ્સ તત્થ વેદનાક્ખન્ધો નિરુજ્ઝિસ્સતીતિ?

અસઞ્ઞસત્તં ઉપપજ્જન્તાનં તેસં તત્થ રૂપક્ખન્ધો ઉપ્પજ્જતિ, નો ચ તેસં તત્થ વેદનાક્ખન્ધો નિરુજ્ઝિસ્સતિ. પઞ્ચવોકારં ઉપપજ્જન્તાનં તેસં તત્થ રૂપક્ખન્ધો ચ ઉપ્પજ્જતિ વેદનાક્ખન્ધો ચ નિરુજ્ઝિસ્સતિ.

(ખ) યસ્સ વા પન યત્થ વેદનાક્ખન્ધો નિરુજ્ઝિસ્સતિ તસ્સ તત્થ રૂપક્ખન્ધો ઉપ્પજ્જતીતિ?

પઞ્ચવોકારા ચવન્તાનં અરૂપાનં તેસં તત્થ વેદનાક્ખન્ધો નિરુજ્ઝિસ્સતિ, નો ચ તેસં તત્થ રૂપક્ખન્ધો ઉપ્પજ્જતિ. પઞ્ચવોકારં ઉપપજ્જન્તાનં તેસં તત્થ વેદનાક્ખન્ધો ચ નિરુજ્ઝિસ્સતિ રૂપક્ખન્ધો ચ ઉપ્પજ્જતિ.

૧૯૦. (ક) યસ્સ યત્થ વેદનાક્ખન્ધો ઉપ્પજ્જતિ તસ્સ તત્થ સઞ્ઞાક્ખન્ધો નિરુજ્ઝિસ્સતીતિ? આમન્તા.

(ખ) યસ્સ વા પન યત્થ સઞ્ઞાક્ખન્ધો નિરુજ્ઝિસ્સતિ તસ્સ તત્થ વેદનાક્ખન્ધો ઉપ્પજ્જતીતિ?

ચતુવોકારા પઞ્ચવોકારા ચવન્તાનં તેસં તત્થ સઞ્ઞાક્ખન્ધો નિરુજ્ઝિસ્સતિ, નો ચ તેસં તત્થ વેદનાક્ખન્ધો ઉપ્પજ્જતિ. ચતુવોકારં પઞ્ચવોકારં ઉપપજ્જન્તાનં તેસં તત્થ સઞ્ઞાક્ખન્ધો ચ નિરુજ્ઝિસ્સતિ વેદનાક્ખન્ધો ચ ઉપ્પજ્જતિ.

(ઘ) પચ્ચનીકપુગ્ગલો

૧૯૧. (ક) યસ્સ રૂપક્ખન્ધો નુપ્પજ્જતિ તસ્સ વેદનાક્ખન્ધો ન નિરુજ્ઝિસ્સતીતિ?

સબ્બેસં ચવન્તાનં અરૂપં ઉપપજ્જન્તાનં તેસં રૂપક્ખન્ધો નુપ્પજ્જતિ, નો ચ તેસં વેદનાક્ખન્ધો ન નિરુજ્ઝિસ્સતિ. પરિનિબ્બન્તાનં તેસં રૂપક્ખન્ધો ચ નુપ્પજ્જતિ વેદનાક્ખન્ધો ચ ન નિરુજ્ઝિસ્સતિ.

(ખ) યસ્સ વા પન વેદનાક્ખન્ધો ન નિરુજ્ઝિસ્સતિ તસ્સ રૂપક્ખન્ધો નુપ્પજ્જતીતિ? આમન્તા.

૧૯૨. (ક) યસ્સ વેદનાક્ખન્ધો નુપ્પજ્જતિ તસ્સ સઞ્ઞાક્ખન્ધો ન નિરુજ્ઝિસ્સતીતિ?

સબ્બેસં ચવન્તાનં અસઞ્ઞસત્તં ઉપપજ્જન્તાનં તેસં વેદનાક્ખન્ધો નુપ્પજ્જતિ, નો ચ તેસં સઞ્ઞાક્ખન્ધો ન નિરુજ્ઝિસ્સતિ. પરિનિબ્બન્તાનં તેસં વેદનાક્ખન્ધો ચ નુપ્પજ્જતિ સઞ્ઞાક્ખન્ધો ચ ન નિરુજ્ઝિસ્સતિ.

(ખ) યસ્સ વા પન સઞ્ઞાક્ખન્ધો ન નિરુજ્ઝિસ્સતિ તસ્સ વેદનાક્ખન્ધો નુપ્પજ્જતીતિ? આમન્તા.

(ઙ) પચ્ચનીકઓકાસો

૧૯૩. યત્થ રૂપક્ખન્ધો નુપ્પજ્જતિ…પે….

(ચ) પચ્ચનીકપુગ્ગલોકાસા

૧૯૪. (ક) યસ્સ યત્થ રૂપક્ખન્ધો નુપ્પજ્જતિ તસ્સ તત્થ વેદનાક્ખન્ધો ન નિરુજ્ઝિસ્સતીતિ?

પઞ્ચવોકારા ચવન્તાનં અરૂપાનં તેસં તત્થ રૂપક્ખન્ધો નુપ્પજ્જતિ, નો ચ તેસં તત્થ વેદનાક્ખન્ધો ન નિરુજ્ઝિસ્સતિ. પરિનિબ્બન્તાનં અસઞ્ઞસત્તા ચવન્તાનં તેસં તત્થ રૂપક્ખન્ધો ચ નુપ્પજ્જતિ વેદનાક્ખન્ધો ચ ન નિરુજ્ઝિસ્સતિ.

(ખ) યસ્સ વા પન યત્થ વેદનાક્ખન્ધો ન નિરુજ્ઝિસ્સતિ તસ્સ તત્થ રૂપક્ખન્ધો નુપ્પજ્જતીતિ?

અસઞ્ઞસત્તં ઉપપજ્જન્તાનં તેસં તત્થ વેદનાક્ખન્ધો ન નિરુજ્ઝિસ્સતિ, નો ચ તેસં તત્થ રૂપક્ખન્ધો નુપ્પજ્જતિ. પરિનિબ્બન્તાનં અસઞ્ઞસત્તા ચવન્તાનં તેસં તત્થ વેદનાક્ખન્ધો ચ ન નિરુજ્ઝિસ્સતિ રૂપક્ખન્ધો ચ નુપ્પજ્જતિ.

૧૯૫. (ક) યસ્સ યત્થ વેદનાક્ખન્ધો નુપ્પજ્જતિ તસ્સ તત્થ સઞ્ઞાક્ખન્ધો ન નિરુજ્ઝિસ્સતીતિ?

ચતુવોકારા પઞ્ચવોકારા ચવન્તાનં તેસં તત્થ વેદનાક્ખન્ધો નુપ્પજ્જતિ, નો ચ તેસં તત્થ સઞ્ઞાક્ખન્ધો ન નિરુજ્ઝિસ્સતિ. પરિનિબ્બન્તાનં અસઞ્ઞસત્તાનં તેસં તત્થ વેદનાક્ખન્ધો ચ નુપ્પજ્જતિ સઞ્ઞાક્ખન્ધો ચ ન નિરુજ્ઝિસ્સતિ.

(ખ) યસ્સ વા પન યત્થ સઞ્ઞાક્ખન્ધો ન નિરુજ્ઝિસ્સતિ તસ્સ તત્થ વેદનાક્ખન્ધો નુપ્પજ્જતીતિ? આમન્તા.