(૬) અતીતાનાગતવારો

(ક) અનુલોમપુગ્ગલો

૧૯૬. (ક) યસ્સ રૂપક્ખન્ધો ઉપ્પજ્જિત્થ તસ્સ વેદનાક્ખન્ધો નિરુજ્ઝિસ્સતીતિ?

પરિનિબ્બન્તાનં તેસં રૂપક્ખન્ધો ઉપ્પજ્જિત્થ, નો ચ તેસં વેદનાક્ખન્ધો નિરુજ્ઝિસ્સતિ. ઇતરેસં તેસં રૂપક્ખન્ધો ચ ઉપ્પજ્જિત્થ વેદનાક્ખન્ધો ચ નિરુજ્ઝિસ્સતિ.

(ખ) યસ્સ વા પન વેદનાક્ખન્ધો નિરુજ્ઝિસ્સતિ તસ્સ રૂપક્ખન્ધો ઉપ્પજ્જિત્થાતિ? આમન્તા.

૧૯૭. (ક) યસ્સ વેદનાક્ખન્ધો ઉપ્પજ્જિત્થ તસ્સ સઞ્ઞાક્ખન્ધો નિરુજ્ઝિસ્સતીતિ?

પરિનિબ્બન્તાનં તેસં વેદનાક્ખન્ધો ઉપ્પજ્જિત્થ, નો ચ તેસં સઞ્ઞાક્ખન્ધો નિરુજ્ઝિસ્સતિ. ઇતરેસં તેસં વેદનાક્ખન્ધો ચ ઉપ્પજ્જિત્થ સઞ્ઞાક્ખન્ધો ચ નિરુજ્ઝિસ્સતિ.

(ખ) યસ્સ વા પન સઞ્ઞાક્ખન્ધો નિરુજ્ઝિસ્સતિ તસ્સ વેદનાક્ખન્ધો ઉપ્પજ્જિત્થાતિ? આમન્તા.

(ખ) અનુલોમઓકાસો

૧૯૮. યત્થ રૂપક્ખન્ધો ઉપ્પજ્જિત્થ…પે….

(ગ) અનુલોમપુગ્ગલોકાસા

૧૯૯. (ક) યસ્સ યત્થ રૂપક્ખન્ધો ઉપ્પજ્જિત્થ તસ્સ તત્થ વેદનાક્ખન્ધો નિરુજ્ઝિસ્સતીતિ?

પઞ્ચવોકારે પરિનિબ્બન્તાનં અસઞ્ઞસત્તાનં તેસં તત્થ રૂપક્ખન્ધો ઉપ્પજ્જિત્થ, નો ચ તેસં તત્થ વેદનાક્ખન્ધો નિરુજ્ઝિસ્સતિ. ઇતરેસં પઞ્ચવોકારાનં તેસં તત્થ રૂપક્ખન્ધો ચ ઉપ્પજ્જિત્થ વેદનાક્ખન્ધો ચ નિરુજ્ઝિસ્સતિ.

(ખ) યસ્સ વા પન યત્થ વેદનાક્ખન્ધો નિરુજ્ઝિસ્સતિ તસ્સ તત્થ રૂપક્ખન્ધો ઉપ્પજ્જિત્થાતિ?

સુદ્ધાવાસં ઉપપજ્જન્તાનં અરૂપાનં તેસં તત્થ વેદનાક્ખન્ધો નિરુજ્ઝિસ્સતિ, નો ચ તેસં તત્થ રૂપક્ખન્ધો ઉપ્પજ્જિત્થ. ઇતરેસં પઞ્ચવોકારાનં તેસં તત્થ વેદનાક્ખન્ધો ચ નિરુજ્ઝિસ્સતિ રૂપક્ખન્ધો ચ ઉપ્પજ્જિત્થ.

૨૦૦. (ક) યસ્સ યત્થ વેદનાક્ખન્ધો ઉપ્પજ્જિત્થ તસ્સ તત્થ સઞ્ઞાક્ખન્ધો નિરુજ્ઝિસ્સતીતિ?

પરિનિબ્બન્તાનં તેસં તત્થ વેદનાક્ખન્ધો ઉપ્પજ્જિત્થ, નો ચ તેસં તત્થ સઞ્ઞાક્ખન્ધો નિરુજ્ઝિસ્સતિ. ઇતરેસં ચતુવોકારાનં પઞ્ચવોકારાનં તેસં તત્થ વેદનાક્ખન્ધો ચ ઉપ્પજ્જિત્થ સઞ્ઞાક્ખન્ધો ચ નિરુજ્ઝિસ્સતિ.

(ખ) યસ્સ વા પન યત્થ સઞ્ઞાક્ખન્ધો નિરુજ્ઝિસ્સતિ તસ્સ તત્થ વેદનાક્ખન્ધો ઉપ્પજ્જિત્થાતિ?

સુદ્ધાવાસં ઉપપજ્જન્તાનં તેસં તત્થ સઞ્ઞાક્ખન્ધો નિરુજ્ઝિસ્સતિ, નો ચ તેસં તત્થ વેદનાક્ખન્ધો ઉપ્પજ્જિત્થ. ઇતરેસં ચતુવોકારાનં પઞ્ચવોકારાનં તેસં તત્થ સઞ્ઞાક્ખન્ધો ચ નિરુજ્ઝિસ્સતિ વેદનાક્ખન્ધો ચ ઉપ્પજ્જિત્થ.

(ઘ) પચ્ચનીકપુગ્ગલો

૨૦૧. (ક) યસ્સ રૂપક્ખન્ધો નુપ્પજ્જિત્થ તસ્સ વેદનાક્ખન્ધો ન નિરુજ્ઝિસ્સતીતિ? નત્થિ.

(ખ) યસ્સ વા પન વેદનાક્ખન્ધો ન નિરુજ્ઝિસ્સતિ તસ્સ રૂપક્ખન્ધો નુપ્પજ્જિત્થાતિ? ઉપ્પજ્જિત્થ.

૨૦૨. (ક) યસ્સ વેદનાક્ખન્ધો નુપ્પજ્જિત્થ તસ્સ સઞ્ઞાક્ખન્ધો ન નિરુજ્ઝિસ્સતીતિ? નત્થિ.

(ખ) યસ્સ વા પન સઞ્ઞાક્ખન્ધો ન નિરુજ્ઝિસ્સતિ તસ્સ વેદનાક્ખન્ધો નુપ્પજ્જિત્થાતિ? ઉપ્પજ્જિત્થ.

(ઙ) પચ્ચનીકઓકાસો

૨૦૩. યત્થ રૂપક્ખન્ધો નુપ્પજ્જિત્થ…પે….

(ચ) પચ્ચનીકપુગ્ગલોકાસા

૨૦૪. (ક) યસ્સ યત્થ રૂપક્ખન્ધો નુપ્પજ્જિત્થ તસ્સ તત્થ વેદનાક્ખન્ધો ન નિરુજ્ઝિસ્સતીતિ?

સુદ્ધાવાસં ઉપપજ્જન્તાનં અરૂપાનં તેસં તત્થ રૂપક્ખન્ધો નુપ્પજ્જિત્થ, નો ચ તેસં તત્થ વેદનાક્ખન્ધો ન નિરુજ્ઝિસ્સતિ. સુદ્ધાવાસે પરિનિબ્બન્તાનં અરૂપે પરિનિબ્બન્તાનં તેસં તત્થ રૂપક્ખન્ધો ચ નુપ્પજ્જિત્થ વેદનાક્ખન્ધો ચ ન નિરુજ્ઝિસ્સતિ.

(ખ) યસ્સ વા પન યત્થ વેદનાક્ખન્ધો ન નિરુજ્ઝિસ્સતિ તસ્સ તત્થ રૂપક્ખન્ધો નુપ્પજ્જિત્થાતિ?

પઞ્ચવોકારે પરિનિબ્બન્તાનં અસઞ્ઞસત્તાનં તેસં તત્થ વેદનાક્ખન્ધો ન નિરુજ્ઝિસ્સતિ, નો ચ તેસં તત્થ રૂપક્ખન્ધો નુપ્પજ્જિત્થ. સુદ્ધાવાસે પરિનિબ્બન્તાનં અરૂપે પરિનિબ્બન્તાનં તેસં તત્થ વેદનાક્ખન્ધો ચ ન નિરુજ્ઝિસ્સતિ રૂપક્ખન્ધો ચ નુપ્પજ્જિત્થ.

૨૦૫. (ક) યસ્સ યત્થ વેદનાક્ખન્ધો નુપ્પજ્જિત્થ તસ્સ તત્થ સઞ્ઞાક્ખન્ધો ન નિરુજ્ઝિસ્સતીતિ?

સુદ્ધાવાસં ઉપપજ્જન્તાનં તેસં તત્થ વેદનાક્ખન્ધો નુપ્પજ્જિત્થ, નો ચ તેસં તત્થ સઞ્ઞાક્ખન્ધો ન નિરુજ્ઝિસ્સતિ. સુદ્ધાવાસે પરિનિબ્બન્તાનં અસઞ્ઞસત્તાનં તેસં તત્થ વેદનાક્ખન્ધો ચ નુપ્પજ્જિત્થ સઞ્ઞાક્ખન્ધો ચ ન નિરુજ્ઝિસ્સતિ.

(ખ) યસ્સ વા પન યત્થ સઞ્ઞાક્ખન્ધો ન નિરુજ્ઝિસ્સતિ તસ્સ તત્થ વેદનાક્ખન્ધો નુપ્પજ્જિત્થાતિ?

પરિનિબ્બન્તાનં તેસં તત્થ સઞ્ઞાક્ખન્ધો ન નિરુજ્ઝિસ્સતિ, નો ચ તેસં તત્થ વેદનાક્ખન્ધો નુપ્પજ્જિત્થ. સુદ્ધાવાસે પરિનિબ્બન્તાનં અસઞ્ઞસત્તાનં તેસં તત્થ સઞ્ઞાક્ખન્ધો ચ ન નિરુજ્ઝિસ્સતિ વેદનાક્ખન્ધો ચ નુપ્પજ્જિત્થ.

ઉપ્પાદનિરોધવારો.

પવત્તિવારો નિટ્ઠિતો.