(૨) અતીતવારો

(ક) અનુલોમપુગ્ગલો

૧૬૫. (ક) યસ્સ રૂપક્ખન્ધો ઉપ્પજ્જિત્થ તસ્સ વેદનાક્ખન્ધો નિરુજ્ઝિત્થાતિ? આમન્તા.

(ખ) યસ્સ વા પન વેદનાક્ખન્ધો નિરુજ્ઝિત્થ તસ્સ રૂપક્ખન્ધો ઉપ્પજ્જિત્થાતિ? આમન્તા.

૧૬૬. (ક) યસ્સ વેદનાક્ખન્ધો ઉપ્પજ્જિત્થ તસ્સ સઞ્ઞાક્ખન્ધો નિરુજ્ઝિત્થાતિ? આમન્તા.

(ખ) યસ્સ વા પન સઞ્ઞાક્ખન્ધો નિરુજ્ઝિત્થ તસ્સ વેદનાક્ખન્ધો ઉપ્પજ્જિત્થાતિ? આમન્તા.

(ખ) અનુલોમઓકાસો

૧૬૭. યત્થ રૂપક્ખન્ધો ઉપ્પજ્જિત્થ…પે….

(ગ) અનુલોમપુગ્ગલોકાસા

૧૬૮. (ક) યસ્સ યત્થ રૂપક્ખન્ધો ઉપ્પજ્જિત્થ તસ્સ તત્થ વેદનાક્ખન્ધો નિરુજ્ઝિત્થાતિ?

અસઞ્ઞસત્તાનં તેસં તત્થ રૂપક્ખન્ધો ઉપ્પજ્જિત્થ, નો ચ તેસં તત્થ વેદનાક્ખન્ધો નિરુજ્ઝિત્થ. પઞ્ચવોકારાનં તેસં તત્થ રૂપક્ખન્ધો ચ ઉપ્પજ્જિત્થ વેદનાક્ખન્ધો ચ નિરુજ્ઝિત્થ.

(ખ) યસ્સ વા પન યત્થ વેદનાક્ખન્ધો નિરુજ્ઝિત્થ તસ્સ તત્થ રૂપક્ખન્ધો ઉપ્પજ્જિત્થાતિ?

અરૂપાનં તેસં તત્થ વેદનાક્ખન્ધો નિરુજ્ઝિત્થ, નો ચ તેસં તત્થ રૂપક્ખન્ધો ઉપ્પજ્જિત્થ. પઞ્ચવોકારાનં તેસં તત્થ વેદનાક્ખન્ધો ચ નિરુજ્ઝિત્થ રૂપક્ખન્ધો ચ ઉપ્પજ્જિત્થ.

૧૬૯. (ક) યસ્સ યત્થ વેદનાક્ખન્ધો ઉપ્પજ્જિત્થ તસ્સ તત્થ સઞ્ઞાક્ખન્ધો નિરુજ્ઝિત્થાતિ? આમન્તા.

(ખ) યસ્સ વા પન યત્થ સઞ્ઞાક્ખન્ધો નિરુજ્ઝિત્થ તસ્સ તત્થ વેદનાક્ખન્ધો ઉપ્પજ્જિત્થાતિ? આમન્તા.

(ઘ) પચ્ચનીકપુગ્ગલો

૧૭૦. (ક) યસ્સ રૂપક્ખન્ધો નુપ્પજ્જિત્થ તસ્સ વેદનાક્ખન્ધો ન નિરુજ્ઝિત્થાતિ? નત્થિ.

(ખ) યસ્સ વા પન વેદનાક્ખન્ધો ન નિરુજ્ઝિત્થ તસ્સ રૂપક્ખન્ધો નુપ્પજ્જિત્થાતિ? નત્થિ.

૧૭૧. (ક) યસ્સ વેદનાક્ખન્ધો નુપ્પજ્જિત્થ તસ્સ સઞ્ઞાક્ખન્ધો ન નિરુજ્ઝિત્થાતિ? નત્થિ.

(ખ) યસ્સ વા પન સઞ્ઞાક્ખન્ધો ન નિરુજ્ઝિત્થ તસ્સ વેદનાક્ખન્ધો નુપ્પજ્જિત્થાતિ? નત્થિ.

(ઙ) પચ્ચનીકઓકાસો

૧૭૨. યત્થ રૂપક્ખન્ધો નુપ્પજ્જિત્થ…પે….

(ચ) પચ્ચનીકપુગ્ગલોકાસા

૧૭૩. (ક) યસ્સ યત્થ રૂપક્ખન્ધો નુપ્પજ્જિત્થ તસ્સ તત્થ વેદનાક્ખન્ધો ન નિરુજ્ઝિત્થાતિ?

અરૂપાનં તેસં તત્થ રૂપક્ખન્ધો નુપ્પજ્જિત્થ, નો ચ તેસં તત્થ વેદનાક્ખન્ધો ન નિરુજ્ઝિત્થ. સુદ્ધાવાસાનં તેસં તત્થ રૂપક્ખન્ધો ચ નુપ્પજ્જિત્થ વેદનાક્ખન્ધો ચ ન નિરુજ્ઝિત્થ.

(ખ) યસ્સ વા પન યત્થ વેદનાક્ખન્ધો ન નિરુજ્ઝિત્થ તસ્સ તત્થ રૂપક્ખન્ધો નુપ્પજ્જિત્થાતિ?

અસઞ્ઞસત્તાનં તેસં તત્થ વેદનાક્ખન્ધો ન નિરુજ્ઝિત્થ, નો ચ તેસં તત્થ રૂપક્ખન્ધો નુપ્પજ્જિત્થ. સુદ્ધાવાસાનં તેસં તત્થ વેદનાક્ખન્ધો ચ ન નિરુજ્ઝિત્થ રૂપક્ખન્ધો ચ નુપ્પજ્જિત્થ.

૧૭૪. (ક) યસ્સ યત્થ વેદનાક્ખન્ધો નુપ્પજ્જિત્થ તસ્સ તત્થ સઞ્ઞાક્ખન્ધો ન નિરુજ્ઝિત્થાતિ? આમન્તા.

(ખ) યસ્સ વા પન યત્થ સઞ્ઞાક્ખન્ધો ન નિરુજ્ઝિત્થ તસ્સ તત્થ વેદનાક્ખન્ધો નુપ્પજ્જિત્થાતિ? આમન્તા.