(૧) પચ્ચુપ્પન્નવારો

(ક) અનુલોમપુગ્ગલો

૧૫૩. (ક) યસ્સ રૂપક્ખન્ધો ઉપ્પજ્જતિ તસ્સ વેદનાક્ખન્ધો નિરુજ્ઝતીતિ? નો.

(ખ) યસ્સ વા પન વેદનાક્ખન્ધો નિરુજ્ઝતિ તસ્સ રૂપક્ખન્ધો ઉપ્પજ્જતીતિ? નો.

૧૫૪. (ક) યસ્સ વેદનાક્ખન્ધો ઉપ્પજ્જતિ તસ્સ સઞ્ઞાક્ખન્ધો નિરુજ્ઝતીતિ? નો.

(ખ) યસ્સ વા પન સઞ્ઞાક્ખન્ધો નિરુજ્ઝતિ તસ્સ વેદનાક્ખન્ધો ઉપ્પજ્જતીતિ? નો.

(ખ) અનુલોમઓકાસો

૧૫૫. (ક) યત્થ રૂપક્ખન્ધો ઉપ્પજ્જતિ તત્થ વેદનાક્ખન્ધો નિરુજ્ઝતીતિ?

અસઞ્ઞસત્તે તત્થ રૂપક્ખન્ધો ઉપ્પજ્જતિ, નો ચ તત્થ વેદનાક્ખન્ધો નિરુજ્ઝતિ. પઞ્ચવોકારે તત્થ રૂપક્ખન્ધો ચ ઉપ્પજ્જતિ વેદનાક્ખન્ધો ચ નિરુજ્ઝતિ.

(ખ) યત્થ વા પન વેદનાક્ખન્ધો નિરુજ્ઝતિ તત્થ રૂપક્ખન્ધો ઉપ્પજ્જતીતિ?

અરૂપે તત્થ વેદનાક્ખન્ધો નિરુજ્ઝતિ, નો ચ તત્થ રૂપક્ખન્ધો ઉપ્પજ્જતિ. પઞ્ચવોકારે તત્થ વેદનાક્ખન્ધો ચ નિરુજ્ઝતિ રૂપક્ખન્ધો ચ ઉપ્પજ્જતિ.

૧૫૬. (ક) યત્થ વેદનાક્ખન્ધો ઉપ્પજ્જતિ તત્થ સઞ્ઞાક્ખન્ધો નિરુજ્ઝતીતિ? આમન્તા.

(ખ) યત્થ વા પન સઞ્ઞાક્ખન્ધો નિરુજ્ઝતિ તત્થ વેદનાક્ખન્ધો ઉપ્પજ્જતીતિ? આમન્તા.

(ગ) અનુલોમપુગ્ગલોકાસા

૧૫૭. (ક) યસ્સ યત્થ રૂપક્ખન્ધો ઉપ્પજ્જતિ તસ્સ તત્થ વેદનાક્ખન્ધો નિરુજ્ઝતીતિ? નો.

(ખ) યસ્સ વા પન યત્થ વેદનાક્ખન્ધો નિરુજ્ઝતિ તસ્સ તત્થ રૂપક્ખન્ધો ઉપ્પજ્જતીતિ? નો.

૧૫૮. (ક) યસ્સ યત્થ વેદનાક્ખન્ધો ઉપ્પજ્જતિ તસ્સ તત્થ સઞ્ઞાક્ખન્ધો નિરુજ્ઝતીતિ? નો.

(ખ) યસ્સ વા પન યત્થ સઞ્ઞાક્ખન્ધો નિરુજ્ઝતિ તસ્સ તત્થ વેદનાક્ખન્ધો ઉપ્પજ્જતીતિ? નો.

(ઘ) પચ્ચનીકપુગ્ગલો

૧૫૯. (ક) યસ્સ રૂપક્ખન્ધો નુપ્પજ્જતિ તસ્સ વેદનાક્ખન્ધો ન નિરુજ્ઝતીતિ?

ચતુવોકારા પઞ્ચવોકારા ચવન્તાનં તેસં રૂપક્ખન્ધો નુપ્પજ્જતિ, નો ચ તેસં વેદનાક્ખન્ધો ન નિરુજ્ઝતિ. અરૂપં ઉપપજ્જન્તાનં અસઞ્ઞસત્તા ચવન્તાનં તેસં રૂપક્ખન્ધો ચ નુપ્પજ્જતિ વેદનાક્ખન્ધો ચ ન નિરુજ્ઝતિ.

(ખ) યસ્સ વા પન વેદનાક્ખન્ધો ન નિરુજ્ઝતિ તસ્સ રૂપક્ખન્ધો નુપ્પજ્જતીતિ?

પઞ્ચવોકારં ઉપપજ્જન્તાનં અસઞ્ઞસત્તં ઉપપજ્જન્તાનં તેસં વેદનાક્ખન્ધો ન નિરુજ્ઝતિ, નો ચ તેસં રૂપક્ખન્ધો નુપ્પજ્જતિ. અરૂપં ઉપપજ્જન્તાનં અસઞ્ઞસત્તા ચવન્તાનં તેસં વેદનાક્ખન્ધો ચ ન નિરુજ્ઝતિ રૂપક્ખન્ધો ચ નુપ્પજ્જતિ.

૧૬૦. (ક) યસ્સ વેદનાક્ખન્ધો નુપ્પજ્જતિ તસ્સ સઞ્ઞાક્ખન્ધો ન નિરુજ્ઝતીતિ?

ચતુવોકારા પઞ્ચવોકારા ચવન્તાનં તેસં વેદનાક્ખન્ધો નુપ્પજ્જતિ, નો ચ તેસં સઞ્ઞાક્ખન્ધો ન નિરુજ્ઝતિ. અસઞ્ઞસત્તાનં તેસં વેદનાક્ખન્ધો ચ નુપ્પજ્જતિ સઞ્ઞાક્ખન્ધો ચ ન નિરુજ્ઝતિ.

(ખ) યસ્સ વા પન સઞ્ઞાક્ખન્ધો ન નિરુજ્ઝતિ તસ્સ વેદનાક્ખન્ધો નુપ્પજ્જતીતિ?

ચતુવોકારં પઞ્ચવોકારં ઉપપજ્જન્તાનં તેસં સઞ્ઞાક્ખન્ધો ન નિરુજ્ઝતિ, નો ચ તેસં વેદનાક્ખન્ધો નુપ્પજ્જતિ. અસઞ્ઞસત્તાનં તેસં સઞ્ઞાક્ખન્ધો ચ ન નિરુજ્ઝતિ વેદનાક્ખન્ધો ચ નુપ્પજ્જતિ.

(ઙ) પચ્ચનીકઓકાસો

૧૬૧. (ક) યત્થ રૂપક્ખન્ધો નુપ્પજ્જતિ તત્થ વેદનાક્ખન્ધો ન નિરુજ્ઝતીતિ? નિરુજ્ઝતિ.

(ખ) યત્થ વા પન વેદનાક્ખન્ધો ન નિરુજ્ઝતિ તત્થ રૂપક્ખન્ધો નુપ્પજ્જતીતિ? ઉપ્પજ્જતિ.

૧૬૨. (ક) યત્થ વેદનાક્ખન્ધો નુપ્પજ્જતિ તત્થ સઞ્ઞાક્ખન્ધો ન નિરુજ્ઝતીતિ? આમન્તા.

(ખ) યત્થ વા પન સઞ્ઞાક્ખન્ધો ન નિરુજ્ઝતિ તત્થ વેદનાક્ખન્ધો નુપ્પજ્જતીતિ? આમન્તા.

(ચ) પચ્ચનીકપુગ્ગલોકાસા

૧૬૩. (ક) યસ્સ યત્થ રૂપક્ખન્ધો નુપ્પજ્જતિ તસ્સ તત્થ વેદનાક્ખન્ધો ન નિરુજ્ઝતીતિ?

ચતુવોકારા પઞ્ચવોકારા ચવન્તાનં તેસં તત્થ રૂપક્ખન્ધો નુપ્પજ્જતિ, નો ચ તેસં તત્થ વેદનાક્ખન્ધો ન નિરુજ્ઝતિ. અરૂપં ઉપપજ્જન્તાનં અસઞ્ઞસત્તા ચવન્તાનં તેસં તત્થ રૂપક્ખન્ધો નુપ્પજ્જતિ વેદનાક્ખન્ધો ચ ન નિરુજ્ઝતિ.

(ખ) યસ્સ વા પન યત્થ વેદનાક્ખન્ધો ન નિરુજ્ઝતિ તસ્સ તત્થ રૂપક્ખન્ધો નુપ્પજ્જતીતિ?

પઞ્ચવોકારં ઉપપજ્જન્તાનં અસઞ્ઞસત્તં ઉપપજ્જન્તાનં તેસં તત્થ વેદનાક્ખન્ધો ન નિરુજ્ઝતિ, નો ચ તેસં તત્થ રૂપક્ખન્ધો નુપ્પજ્જતિ. અરૂપં ઉપપજ્જન્તાનં અસઞ્ઞસત્તા ચવન્તાનં તેસં તત્થ વેદનાક્ખન્ધો ચ ન નિરુજ્ઝતિ રૂપક્ખન્ધો ચ નુપ્પજ્જતિ.

૧૬૪. (ક) યસ્સ યત્થ વેદનાક્ખન્ધો નુપ્પજ્જતિ તસ્સ તત્થ સઞ્ઞાક્ખન્ધો ન નિરુજ્ઝતીતિ?

ચતુવોકારા પઞ્ચવોકારા ચવન્તાનં તેસં તત્થ વેદનાક્ખન્ધો નુપ્પજ્જતિ, નો ચ તેસં તત્થ સઞ્ઞાક્ખન્ધો ન નિરુજ્ઝતિ. અસઞ્ઞસત્તાનં તેસં તત્થ વેદનાક્ખન્ધો ચ નુપ્પજ્જતિ સઞ્ઞાક્ખન્ધો ચ ન નિરુજ્ઝતિ.

(ખ) યસ્સ વા પન યત્થ સઞ્ઞાક્ખન્ધો ન નિરુજ્ઝતિ તસ્સ તત્થ વેદનાક્ખન્ધો નુપ્પજ્જતીતિ?

ચતુવોકારં પઞ્ચવોકારં ઉપપજ્જન્તાનં તેસં તત્થ સઞ્ઞાક્ખન્ધો ન નિરુજ્ઝતિ, નો ચ તેસં તત્થ વેદનાક્ખન્ધો નુપ્પજ્જતિ. અસઞ્ઞસત્તાનં તેસં તત્થ સઞ્ઞાક્ખન્ધો ચ ન નિરુજ્ઝતિ વેદનાક્ખન્ધો ચ નુપ્પજ્જતિ.