(૨) અતીતવારો

(ક) અનુલોમપુગ્ગલો

૧૧૦. (ક) યસ્સ રૂપક્ખન્ધો નિરુજ્ઝિત્થ તસ્સ વેદનાક્ખન્ધો નિરુજ્ઝિત્થાતિ? આમન્તા.

(ખ) યસ્સ વા પન વેદનાક્ખન્ધો નિરુજ્ઝિત્થ તસ્સ રૂપક્ખન્ધો નિરુજ્ઝિત્થાતિ? આમન્તા.

(ખ) અનુલોમઓકાસો

૧૧૧. (ક) યત્થ રૂપક્ખન્ધો નિરુજ્ઝિત્થ તત્થ વેદનાક્ખન્ધો નિરુજ્ઝિત્થાતિ?

અસઞ્ઞસત્તે તત્થ રૂપક્ખન્ધો નિરુજ્ઝત્થ, નો ચ તત્થ વેદનાક્ખન્ધો નિરુજ્ઝિત્થ. પઞ્ચવોકારે તત્થ રૂપક્ખન્ધો ચ નિરુજ્ઝિત્થ વેદનાક્ખન્ધો ચ નિરુજ્ઝિત્થ.

(ખ) યત્થ વા પન વેદનાક્ખન્ધો નિરુજ્ઝિત્થ તત્થ રૂપક્ખન્ધો નિરુજ્ઝિત્થાતિ?

અરૂપે તત્થ વેદનાક્ખન્ધો નિરુજ્ઝિત્થ, નો ચ તત્થ રૂપક્ખન્ધો નિરુજ્ઝિત્થ. પઞ્ચવોકારે તત્થ વેદનાક્ખન્ધો ચ નિરુજ્ઝિત્થ રૂપક્ખન્ધો ચ નિરુજ્ઝિત્થ.

(ગ) અનુલોમપુગ્ગલોકાસા

૧૧૨. (ક) યસ્સ યત્થ રૂપક્ખન્ધો નિરુજ્ઝિત્થ તસ્સ તત્થ વેદનાક્ખન્ધો નિરુજ્ઝિત્થાતિ?

અસઞ્ઞસત્તાનં તેસં તત્થ રૂપક્ખન્ધો નિરુજ્ઝિત્થ, નો ચ તેસં તત્થ વેદનાક્ખન્ધો નિરુજ્ઝિત્થ. પઞ્ચવોકારાનં તેસં તત્થ રૂપક્ખન્ધો ચ નિરુજ્ઝિત્થ વેદનાક્ખન્ધો ચ નિરુજ્ઝિત્થ.

(ખ) યસ્સ વા પન યત્થ વેદનાક્ખન્ધો નિરુજ્ઝિત્થ તસ્સ તત્થ રૂપક્ખન્ધો નિરુજ્ઝિત્થાતિ?

અરૂપાનં તેસં તત્થ વેદનાક્ખન્ધો નિરુજ્ઝિત્થ, નો ચ તેસં તત્થ રૂપક્ખન્ધો નિરુજ્ઝિત્થ. પઞ્ચવોકારાનં તેસં તત્થ વેદનાક્ખન્ધો ચ નિરુજ્ઝિત્થ રૂપક્ખન્ધો ચ નિરુજ્ઝિત્થ.

(ઘ) પચ્ચનીકપુગ્ગલો

૧૧૩. (ક) યસ્સ રૂપક્ખન્ધો ન નિરુજ્ઝિત્થ તસ્સ વેદનાક્ખન્ધો ન નિરુજ્ઝિત્થાતિ? નત્થિ.

(ખ) યસ્સ વા પન વેદનાક્ખન્ધો ન નિરુજ્ઝિત્થ તસ્સ રૂપક્ખન્ધો ન નિરુજ્ઝિત્થાતિ? નત્થિ.

(ઙ) પચ્ચનીકઓકાસો

૧૧૪. (ક) યત્થ રૂપક્ખન્ધો ન નિરુજ્ઝિત્થ તત્થ વેદનાક્ખન્ધો ન નિરુજ્ઝિત્થાતિ? નિરુજ્ઝિત્થ.

(ખ) યત્થ વા પન વેદનાક્ખન્ધો ન નિરુજ્ઝિત્થ તત્થ રૂપક્ખન્ધો ન નિરુજ્ઝિત્થાતિ? નિરુજ્ઝિત્થ.

(ચ) પચ્ચનીકપુગ્ગલોકાસા

૧૧૫. (ક) યસ્સ યત્થ રૂપક્ખન્ધો ન નિરુજ્ઝિત્થ તસ્સ તત્થ વેદનાક્ખન્ધો ન નિરુજ્ઝિત્થાતિ?

અરૂપાનં તેસં તત્થ રૂપક્ખન્ધો ન નિરુજ્ઝિત્થ, નો ચ તેસં તત્થ વેદનાક્ખન્ધો ન નિરુજ્ઝિત્થ. સુદ્ધાવાસાનં તેસં તત્થ રૂપક્ખન્ધો ચ ન નિરુજ્ઝિત્થ વેદનાક્ખન્ધો ચ ન નિરુજ્ઝિત્થ.

(ખ) યસ્સ વા પન યત્થ વેદનાક્ખન્ધો ન નિરુજ્ઝિત્થ તસ્સ તત્થ રૂપક્ખન્ધો ન નિરુજ્ઝિત્થાતિ?

અસઞ્ઞસત્તાનં તેસં તત્થ વેદનાક્ખન્ધો ન નિરુજ્ઝિત્થ, નો ચ તેસં તત્થ રૂપક્ખન્ધો ન નિરુજ્ઝિત્થ. સુદ્ધાવાસાનં તેસં તત્થ વેદનાક્ખન્ધો ચ ન નિરુજ્ઝિત્થ રૂપક્ખન્ધો ચ ન નિરુજ્ઝિત્થ.