(૧) પચ્ચુપ્પન્નવારો

(ક) અનુલોમપુગ્ગલો

૧૦૪. (ક) યસ્સ રૂપક્ખન્ધો નિરુજ્ઝતિ તસ્સ વેદનાક્ખન્ધો નિરુજ્ઝતીતિ?

અસઞ્ઞસત્તા ચવન્તાનં તેસં રૂપક્ખન્ધો નિરુજ્ઝતિ, નો ચ તેસં વેદનાક્ખન્ધો નિરુજ્ઝતિ. પઞ્ચવોકારા ચવન્તાનં તેસં રૂપક્ખન્ધો ચ નિરુજ્ઝતિ વેદનાક્ખન્ધો ચ નિરુજ્ઝતિ.

(ખ) યસ્સ વા પન વેદનાક્ખન્ધો નિરુજ્ઝતિ તસ્સ રૂપક્ખન્ધો નિરુજ્ઝતીતિ?

અરૂપા ચવન્તાનં તેસં વેદનાક્ખન્ધો નિરુજ્ઝતિ, નો ચ તેસં રૂપક્ખન્ધો નિરુજ્ઝતિ. પઞ્ચવોકારા ચવન્તાનં તેસં વેદનાક્ખન્ધો ચ નિરુજ્ઝતિ રૂપક્ખન્ધો ચ નિરુજ્ઝતિ.

(ખ) અનુલોમઓકાસો

૧૦૫. (ક) યત્થ રૂપક્ખન્ધો નિરુજ્ઝતિ તત્થ વેદનાક્ખન્ધો નિરુજ્ઝતીતિ?

અસઞ્ઞસત્તે તત્થ રૂપક્ખન્ધો નિરુજ્ઝતિ, નો ચ તત્થ વેદનાક્ખન્ધો નિરુજ્ઝતિ. પઞ્ચવોકારે તત્થ રૂપક્ખન્ધો ચ નિરુજ્ઝતિ વેદનાક્ખન્ધો ચ નિરુજ્ઝતિ.

(ખ) યત્થ વા પન વેદનાક્ખન્ધો નિરુજ્ઝતિ તત્થ રૂપક્ખન્ધો નિરુજ્ઝતીતિ?

અરૂપે તત્થ વેદનાક્ખન્ધો નિરુજ્ઝતિ, નો ચ તત્થ રૂપક્ખન્ધો નિરુજ્ઝતિ. પઞ્ચવોકારે તત્થ વેદનાક્ખન્ધો ચ નિરુજ્ઝતિ રૂપક્ખન્ધો ચ નિરુજ્ઝતિ.

(ગ) અનુલોમપુગ્ગલોકાસા

૧૦૬. (ક) યસ્સ યત્થ રૂપક્ખન્ધો નિરુજ્ઝતિ તસ્સ તત્થ વેદનાક્ખન્ધો નિરુજ્ઝતીતિ?

અસઞ્ઞસત્તા ચવન્તાનં તેસં તત્થ રૂપક્ખન્ધો નિરુજ્ઝતિ, નો ચ તેસં તત્થ વેદનાક્ખન્ધો નિરુજ્ઝતિ. પઞ્ચવોકારા ચવન્તાનં તેસં તત્થ રૂપક્ખન્ધો ચ નિરુજ્ઝતિ વેદનાક્ખન્ધો ચ નિરુજ્ઝતિ.

(ખ) યસ્સ વા પન યત્થ વેદનાક્ખન્ધો નિરુજ્ઝતિ તસ્સ તત્થ રૂપક્ખન્ધો નિરુજ્ઝતીતિ?

અરૂપા ચવન્તાનં તેસં તત્થ વેદનાક્ખન્ધો નિરુજ્ઝતિ, નો ચ તેસં તત્થ રૂપક્ખન્ધો નિરુજ્ઝતિ. પઞ્ચવોકારા ચવન્તાનં તેસં તત્થ વેદનાક્ખન્ધો ચ નિરુજ્ઝતિ રૂપક્ખન્ધો ચ નિરુજ્ઝતિ.

(ઘ) પચ્ચનીકપુગ્ગલો

૧૦૭. (ક) યસ્સ રૂપક્ખન્ધો ન નિરુજ્ઝતિ તસ્સ વેદનાક્ખન્ધો ન નિરુજ્ઝતીતિ?

અરૂપા ચવન્તાનં તેસં રૂપક્ખન્ધો ન નિરુજ્ઝતિ, નો ચ તેસં વેદનાક્ખન્ધો ન નિરુજ્ઝતિ. સબ્બેસં ઉપપજ્જન્તાનં તેસં રૂપક્ખન્ધો ચ ન નિરુજ્ઝતિ વેદનાક્ખન્ધો ચ ન નિરુજ્ઝતિ.

(ખ) યસ્સ વા પન વેદનાક્ખન્ધો ન નિરુજ્ઝતિ તસ્સ રૂપક્ખન્ધો ન નિરુજ્ઝતીતિ?

અસઞ્ઞસત્તા ચવન્તાનં તેસં વેદનાક્ખન્ધો ન નિરુજ્ઝતિ, નો ચ તેસં રૂપક્ખન્ધો ન નિરુજ્ઝતિ. સબ્બેસં ઉપપજ્જન્તાનં તેસં વેદનાક્ખન્ધો ચ ન નિરુજ્ઝતિ રૂપક્ખન્ધો ચ ન નિરુજ્ઝતિ.

(ઙ) પચ્ચનીકઓકાસો

૧૦૮. (ક) યત્થ રૂપક્ખન્ધો ન નિરુજ્ઝતિ તત્થ વેદનાક્ખન્ધો ન નિરુજ્ઝતીતિ? નિરુજ્ઝતિ.

(ખ) યત્થ વા પન વેદનાક્ખન્ધો ન નિરુજ્ઝતિ તત્થ રૂપક્ખન્ધો ન નિરુજ્ઝતીતિ? નિરુજ્ઝતિ.

(ચ) પચ્ચનીકપુગ્ગલોકાસા

૧૦૯. (ક) યસ્સ યત્થ રૂપક્ખન્ધો ન નિરુજ્ઝતિ તસ્સ તત્થ વેદનાક્ખન્ધો ન નિરુજ્ઝતીતિ?

અરૂપા ચવન્તાનં તેસં તત્થ રૂપક્ખન્ધો ન નિરુજ્ઝતિ, નો ચ તેસં તત્થ વેદનાક્ખન્ધો ન નિરુજ્ઝતિ. સબ્બેસં ઉપપજ્જન્તાનં તેસં તત્થ રૂપક્ખન્ધો ચ ન નિરુજ્ઝતિ વેદનાક્ખન્ધો ચ ન નિરુજ્ઝતિ.

(ખ) યસ્સ વા પન યત્થ વેદનાક્ખન્ધો ન નિરુજ્ઝતિ તસ્સ તત્થ રૂપક્ખન્ધો ન નિરુજ્ઝતીતિ?

અસઞ્ઞસત્તા ચવન્તાનં તેસં તત્થ વેદનાક્ખન્ધો ન નિરુજ્ઝતિ, નો ચ તેસં તત્થ રૂપક્ખન્ધો ન નિરુજ્ઝતિ. સબ્બેસં ઉપપજ્જન્તાનં તેસં તત્થ વેદનાક્ખન્ધો ચ ન નિરુજ્ઝતિ રૂપક્ખન્ધો ચ ન નિરુજ્ઝતિ.