(૪) પચ્ચુપ્પન્નાતીતવારો

(ક) અનુલોમપુગ્ગલો

૬૮. (ક) યસ્સ રૂપક્ખન્ધો ઉપ્પજ્જતિ તસ્સ વેદનાક્ખન્ધો ઉપ્પજ્જિત્થાતિ? આમન્તા.

(ખ) યસ્સ વા પન વેદનાક્ખન્ધો ઉપ્પજ્જિત્થ તસ્સ રૂપક્ખન્ધો ઉપ્પજ્જતીતિ?

સબ્બેસં ચવન્તાનં અરૂપં ઉપપજ્જન્તાનં તેસં વેદનાક્ખન્ધો ઉપ્પજ્જિત્થ, નો ચ તેસં રૂપક્ખન્ધો ઉપ્પજ્જતિ. પઞ્ચવોકારં ઉપપજ્જન્તાનં અસઞ્ઞસત્તં ઉપપજ્જન્તાનં તેસં વેદનાક્ખન્ધો ચ ઉપ્પજ્જિત્થ રૂપક્ખન્ધો ચ ઉપ્પજ્જતિ.

૬૯. (ક) યસ્સ વેદનાક્ખન્ધો ઉપ્પજ્જતિ તસ્સ સઞ્ઞાક્ખન્ધો ઉપ્પજ્જિત્થાતિ? આમન્તા.

(ખ) યસ્સ વા પન સઞ્ઞાક્ખન્ધો ઉપ્પજ્જિત્થ તસ્સ વેદનાક્ખન્ધો ઉપ્પજ્જતીતિ?

સબ્બેસં ચવન્તાનં અસઞ્ઞસત્તં ઉપપજ્જન્તાનં તેસં સઞ્ઞાક્ખન્ધો ઉપ્પજ્જિત્થ, નો ચ તેસં વેદનાક્ખન્ધો ઉપ્પજ્જતિ. ચતુવોકારં પઞ્ચવોકારં ઉપપજ્જન્તાનં તેસં સઞ્ઞાક્ખન્ધો ચ ઉપ્પજ્જિત્થ વેદનાક્ખન્ધો ચ ઉપ્પજ્જતિ.

(ખ) અનુલોમઓકાસો

૭૦. (ક) યત્થ રૂપક્ખન્ધો ઉપ્પજ્જતિ તત્થ વેદનાક્ખન્ધો ઉપ્પજ્જિત્થાતિ?

અસઞ્ઞસત્તે તત્થ રૂપક્ખન્ધો ઉપ્પજ્જતિ, નો ચ તત્થ વેદનાક્ખન્ધો ઉપ્પજ્જિત્થ. પઞ્ચવોકારે તત્થ રૂપક્ખન્ધો ચ ઉપ્પજ્જતિ વેદનાક્ખન્ધો ચ ઉપ્પજ્જિત્થ.

(ખ) યત્થ વા પન વેદનાક્ખન્ધો ઉપ્પજ્જિત્થ તત્થ રૂપક્ખન્ધો ઉપ્પજ્જતીતિ?

અરૂપે તત્થ વેદનાક્ખન્ધો ઉપ્પજ્જિત્થ, નો ચ તત્થ રૂપક્ખન્ધો ઉપ્પજ્જતિ. પઞ્ચવોકારે તત્થ વેદનાક્ખન્ધો ચ ઉપ્પજ્જિત્થ રૂપક્ખન્ધો ચ ઉપ્પજ્જતિ.

૭૧. (ક) યત્થ વેદનાક્ખન્ધો ઉપ્પજ્જતિ તત્થ સઞ્ઞાક્ખન્ધો ઉપ્પજ્જિત્થાતિ? આમન્તા.

(ખ) યત્થ વા પન સઞ્ઞાક્ખન્ધો ઉપ્પજ્જિત્થ તત્થ વેદનાક્ખન્ધો ઉપ્પજ્જતીતિ? આમન્તા.

(ગ) અનુલોમપુગ્ગલોકાસા

૭૨. (ક) યસ્સ યત્થ રૂપક્ખન્ધો ઉપ્પજ્જતિ તસ્સ તત્થ વેદનાક્ખન્ધો ઉપ્પજ્જિત્થાતિ?

સુદ્ધાવાસં ઉપપજ્જન્તાનં અસઞ્ઞસત્તં ઉપપજ્જન્તાનં તેસં તત્થ રૂપક્ખન્ધો ઉપ્પજ્જતિ, નો ચ તેસં તત્થ વેદનાક્ખન્ધો ઉપ્પજ્જિત્થ. ઇતરેસં પઞ્ચવોકારં ઉપપજ્જન્તાનં તેસં તત્થ રૂપક્ખન્ધો ચ ઉપ્પજ્જતિ વેદનાક્ખન્ધો ચ ઉપ્પજ્જિત્થ.

(ખ) યસ્સ વા પન યત્થ વેદનાક્ખન્ધો ઉપ્પજ્જિત્થ તસ્સ તત્થ રૂપક્ખન્ધો ઉપ્પજ્જતીતિ?

પઞ્ચવોકારા ચવન્તાનં અરૂપાનં તેસં તત્થ વેદનાક્ખન્ધો ઉપ્પજ્જિત્થ, નો ચ તેસં તત્થ રૂપક્ખન્ધો ઉપ્પજ્જતિ. પઞ્ચવોકારં ઉપપજ્જન્તાનં તેસં તત્થ વેદનાક્ખન્ધો ચ ઉપ્પજ્જિત્થ રૂપક્ખન્ધો ચ ઉપ્પજ્જતિ.

૭૩. (ક) યસ્સ યત્થ વેદનાક્ખન્ધો ઉપ્પજ્જતિ તસ્સ તત્થ સઞ્ઞાક્ખન્ધો ઉપ્પજ્જિત્થાતિ?

સુદ્ધાવાસં ઉપપજ્જન્તાનં તેસં તત્થ વેદનાક્ખન્ધો ઉપ્પજ્જતિ, નો ચ તેસં તત્થ સઞ્ઞાક્ખન્ધો ઉપ્પજ્જિત્થ. ઇતરેસં ચતુવોકારં પઞ્ચવોકારં ઉપપજ્જન્તાનં તેસં તત્થ વેદનાક્ખન્ધો ચ ઉપ્પજ્જતિ સઞ્ઞાક્ખન્ધો ચ ઉપ્પજ્જિત્થ.

(ખ) યસ્સ વા પન યત્થ સઞ્ઞાક્ખન્ધો ઉપ્પજ્જિત્થ તસ્સ તત્થ વેદનાક્ખન્ધો ઉપ્પજ્જતીતિ?

ચતુવોકારા પઞ્ચવોકારા ચવન્તાનં તેસં તત્થ સઞ્ઞાક્ખન્ધો ઉપ્પજ્જિત્થ, નો ચ તેસં તત્થ વેદનાક્ખન્ધો ઉપ્પજ્જતિ. ચતુવોકારં પઞ્ચવોકારં ઉપપજ્જન્તાનં તેસં તત્થ સઞ્ઞાક્ખન્ધો ચ ઉપ્પજ્જિત્થ વેદનાક્ખન્ધો ચ ઉપ્પજ્જતિ.

(ઘ) પચ્ચનીકપુગ્ગલો

૭૪. (ક) યસ્સ રૂપક્ખન્ધો નુપ્પજ્જતિ તસ્સ વેદનાક્ખન્ધો નુપ્પજ્જિત્થાતિ? ઉપ્પજ્જિત્થ.

(ખ) યસ્સ વા પન વેદનાક્ખન્ધો નુપ્પજ્જિત્થ તસ્સ રૂપક્ખન્ધો નુપ્પજ્જતીતિ? નત્થિ.

૭૫. (ક) યસ્સ વેદનાક્ખન્ધો નુપ્પજ્જતિ તસ્સ સઞ્ઞાક્ખન્ધો નુપ્પજ્જિત્થાતિ? ઉપ્પજ્જિત્થ.

(ખ) યસ્સ વા પન સઞ્ઞાક્ખન્ધો નુપ્પજ્જિત્થ તસ્સ વેદનાક્ખન્ધો નુપ્પજ્જતીતિ? નત્થિ.

(ઙ) પચ્ચનીકઓકાસો

૭૬. (ક) યત્થ રૂપક્ખન્ધો નુપ્પજ્જતિ તત્થ વેદનાક્ખન્ધો નુપ્પજ્જિત્થાતિ? ઉપ્પજ્જિત્થ.

(ખ) યત્થ વા પન વેદનાક્ખન્ધો નુપ્પજ્જિત્થ તત્થ રૂપક્ખન્ધો નુપ્પજ્જતીતિ? ઉપ્પજ્જતિ.

૭૭. (ક) યત્થ વેદનાક્ખન્ધો નુપ્પજ્જતિ તત્થ સઞ્ઞાક્ખન્ધો નુપ્પજ્જિત્થાતિ? આમન્તા.

(ખ) યત્થ વા પન સઞ્ઞાક્ખન્ધો નુપ્પજ્જિત્થ તત્થ વેદનાક્ખન્ધો નુપ્પજ્જતીતિ? આમન્તા.

(ચ) પચ્ચનીકપુગ્ગલોકાસા

૭૮. (ક) યસ્સ યત્થ રૂપક્ખન્ધો નુપ્પજ્જતિ તસ્સ તત્થ વેદનાક્ખન્ધો નુપ્પજ્જિત્થાતિ?

પઞ્ચવોકારા ચવન્તાનં અરૂપાનં તેસં તત્થ રૂપક્ખન્ધો નુપ્પજ્જતિ, નો ચ તેસં તત્થ વેદનાક્ખન્ધો નુપ્પજ્જિત્થ. સુદ્ધાવાસે પરિનિબ્બન્તાનં અસઞ્ઞસત્તા ચવન્તાનં તેસં તત્થ રૂપક્ખન્ધો ચ નુપ્પજ્જતિ વેદનાક્ખન્ધો ચ નુપ્પજ્જિત્થ.

(ખ) યસ્સ વા પન યત્થ વેદનાક્ખન્ધો નુપ્પજ્જિત્થ તસ્સ તત્થ રૂપક્ખન્ધો નુપ્પજ્જતીતિ?

સુદ્ધાવાસં ઉપપજ્જન્તાનં અસઞ્ઞસત્તં ઉપપજ્જન્તાનં તેસં તત્થ વેદનાક્ખન્ધો નુપ્પજ્જિત્થ, નો ચ તેસં તત્થ રૂપક્ખન્ધો નુપ્પજ્જતિ. સુદ્ધાવાસે પરિનિબ્બન્તાનં અસઞ્ઞસત્તા ચવન્તાનં તેસં તત્થ વેદનાક્ખન્ધો ચ નુપ્પજ્જિત્થ રૂપક્ખન્ધો ચ નુપ્પજ્જતિ.

૭૯. (ક) યસ્સ યત્થ વેદનાક્ખન્ધો નુપ્પજ્જતિ તસ્સ તત્થ સઞ્ઞાક્ખન્ધો નુપ્પજ્જિત્થાતિ?

ચતુવોકારા પઞ્ચવોકારા ચવન્તાનં તેસં તત્થ વેદનાક્ખન્ધો નુપ્પજ્જતિ, નો ચ તેસં તત્થ સઞ્ઞાક્ખન્ધો નુપ્પજ્જિત્થ. સુદ્ધાવાસે પરિનિબ્બન્તાનં અસઞ્ઞસત્તાનં તેસં તત્થ વેદનાક્ખન્ધો ચ નુપ્પજ્જતિ સઞ્ઞાક્ખન્ધો ચ નુપ્પજ્જિત્થ.

(ખ) યસ્સ વા પન યત્થ સઞ્ઞાક્ખન્ધો નુપ્પજ્જિત્થ તસ્સ તત્થ વેદનાક્ખન્ધો નુપ્પજ્જતીતિ?

સુદ્ધાવાસં ઉપપજ્જન્તાનં તેસં તત્થ સઞ્ઞાક્ખન્ધો નુપ્પજ્જિત્થ, નો ચ તેસં તત્થ વેદનાક્ખન્ધો નુપ્પજ્જતિ. સુદ્ધાવાસે પરિનિબ્બન્તાનં અસઞ્ઞસત્તાનં તેસં તત્થ સઞ્ઞાક્ખન્ધો ચ નુપ્પજ્જિત્થ વેદનાક્ખન્ધો ચ નુપ્પજ્જતિ.