(૩) અનાગતવારો

(ક) અનુલોમપુગ્ગલો

૬૨. (ક) યસ્સ રૂપક્ખન્ધો ઉપ્પજ્જિસ્સતિ તસ્સ વેદનાક્ખન્ધો ઉપ્પજ્જિસ્સતીતિ? આમન્તા.

(ખ) યસ્સ વા પન વેદનાક્ખન્ધો ઉપ્પજ્જિસ્સતિ તસ્સ રૂપક્ખન્ધો ઉપ્પજ્જિસ્સતીતિ?

યે અરૂપં ઉપપજ્જિત્વા પરિનિબ્બાયિસ્સન્તિ તેસં વેદનાક્ખન્ધો ઉપ્પજ્જિસ્સતિ, નો ચ તેસં રૂપક્ખન્ધો ઉપ્પજ્જિસ્સતિ. ઇતરેસં તેસં વેદનાક્ખન્ધો ચ ઉપ્પજ્જિસ્સતિ રૂપક્ખન્ધો ચ ઉપ્પજ્જિસ્સતિ.

(ખ) અનુલોમઓકાસો

૬૩. (ક) યત્થ રૂપક્ખન્ધો ઉપ્પજ્જિસ્સતિ તત્થ વેદનાક્ખન્ધો ઉપ્પજ્જિસ્સતીતિ?

અસઞ્ઞસત્તે તત્થ રૂપક્ખન્ધો ઉપ્પજ્જિસ્સતિ, નો ચ તત્થ વેદનાક્ખન્ધો ઉપ્પજ્જિસ્સતિ. પઞ્ચવોકારે તત્થ રૂપક્ખન્ધો ચ ઉપ્પજ્જિસ્સતિ વેદનાક્ખન્ધો ચ ઉપ્પજ્જિસ્સતિ.

(ખ) યત્થ વા પન વેદનાક્ખન્ધો ઉપ્પજ્જિસ્સતિ તત્થ રૂપક્ખન્ધો ઉપ્પજ્જિસ્સતીતિ?

અરૂપે તત્થ વેદનાક્ખન્ધો ઉપ્પજ્જિસ્સતિ, નો ચ તત્થ રૂપક્ખન્ધો ઉપ્પજ્જિસ્સતિ. પઞ્ચવોકારે તત્થ વેદનાક્ખન્ધો ચ ઉપ્પજ્જિસ્સતિ રૂપક્ખન્ધો ચ ઉપ્પજ્જિસ્સતિ.

(ગ) અનુલોમપુગ્ગલોકાસા

૬૪. (ક) યસ્સ યત્થ રૂપક્ખન્ધો ઉપ્પજ્જિસ્સતિ તસ્સ તત્થ વેદનાક્ખન્ધો ઉપ્પજ્જિસ્સતીતિ?

અસઞ્ઞસત્તાનં તેસં તત્થ રૂપક્ખન્ધો ઉપ્પજ્જિસ્સતિ, નો ચ તેસં તત્થ વેદનાક્ખન્ધો ઉપ્પજ્જિસ્સતિ. પઞ્ચવોકારાનં તેસં તત્થ રૂપક્ખન્ધો ચ ઉપ્પજ્જિસ્સતિ વેદનાક્ખન્ધો ચ ઉપ્પજ્જિસ્સતિ.

(ખ) યસ્સ વા પન યત્થ વેદનાક્ખન્ધો ઉપ્પજ્જિસ્સતિ તસ્સ તત્થ રૂપક્ખન્ધો ઉપ્પજ્જિસ્સતીતિ?

અરૂપાનં તેસં તત્થ વેદનાક્ખન્ધો ઉપ્પજ્જિસ્સતિ, નો ચ તેસં તત્થ રૂપક્ખન્ધો ઉપ્પજ્જિસ્સતિ. પઞ્ચવોકારાનં તેસં તત્થ વેદનાક્ખન્ધો ચ ઉપ્પજ્જિસ્સતિ રૂપક્ખન્ધો ચ ઉપ્પજ્જિસ્સતિ.

(ઘ) પચ્ચનીકપુગ્ગલો

૬૫. (ક) યસ્સ રૂપક્ખન્ધો નુપ્પજ્જિસ્સતિ તસ્સ વેદનાક્ખન્ધો નુપ્પજ્જિસ્સતીતિ?

યે અરૂપં ઉપપજ્જિત્વા પરિનિબ્બાયિસ્સન્તિ તેસં રૂપક્ખન્ધો નુપ્પજ્જિસ્સતિ, નો ચ તેસં વેદનાક્ખન્ધો નુપ્પજ્જિસ્સતિ. પચ્છિમભવિકાનં તેસં રૂપક્ખન્ધો ચ નુપ્પજ્જિસ્સતિ વેદનાક્ખન્ધો ચ નુપ્પજ્જિસ્સતિ.

(ખ) યસ્સ વા પન વેદનાક્ખન્ધો નુપ્પજ્જિસ્સતિ તસ્સ રૂપક્ખન્ધો નુપ્પજ્જિસ્સતીતિ? આમન્તા.

(ઙ) પચ્ચનીકઓકાસો

૬૬. (ક) યત્થ રૂપક્ખન્ધો નુપ્પજ્જિસ્સતિ તત્થ વેદનાક્ખન્ધો નુપ્પજ્જિસ્સતીતિ? ઉપ્પજ્જિસ્સતિ.

(ખ) યત્થ વા પન વેદનાક્ખન્ધો નુપ્પજ્જિસ્સતિ તત્થ રૂપક્ખન્ધો નુપ્પજ્જિસ્સતીતિ? ઉપ્પજ્જિસ્સતિ.

(ચ) પચ્ચનીકપુગ્ગલોકાસા

૬૭. (ક) યસ્સ યત્થ રૂપક્ખન્ધો નુપ્પજ્જિસ્સતિ તસ્સ તત્થ વેદનાક્ખન્ધો નુપ્પજ્જિસ્સતીતિ?

અરૂપાનં તેસં તત્થ રૂપક્ખન્ધો નુપ્પજ્જિસ્સતિ, નો ચ તેસં તત્થ વેદનાક્ખન્ધો નુપ્પજ્જિસ્સતિ. પચ્છિમભવિકાનં તેસં તત્થ રૂપક્ખન્ધો ચ નુપ્પજ્જિસ્સતિ વેદનાક્ખન્ધો ચ નુપ્પજ્જિસ્સતિ.

(ખ) યસ્સ વા પન યત્થ વેદનાક્ખન્ધો નુપ્પજ્જિસ્સતિ તસ્સ તત્થ રૂપક્ખન્ધો નુપ્પજ્જિસ્સતીતિ?

અસઞ્ઞસત્તાનં તેસં તત્થ વેદનાક્ખન્ધો નુપ્પજ્જિસ્સતિ, નો ચ તેસં તત્થ રૂપક્ખન્ધો નુપ્પજ્જિસ્સતિ. પચ્છિમભવિકાનં તેસં તત્થ વેદનાક્ખન્ધો ચ નુપ્પજ્જિસ્સતિ રૂપક્ખન્ધો ચ નુપ્પજ્જિસ્સતિ.