(૨) અતીતવારો

(ક) અનુલોમપુગ્ગલો

૫૬. (ક) યસ્સ રૂપક્ખન્ધો ઉપ્પજ્જિત્થ તસ્સ વેદનાક્ખન્ધો ઉપ્પજ્જિત્થાતિ? આમન્તા.

(ખ) યસ્સ વા પન વેદનાક્ખન્ધો ઉપ્પજ્જિત્થ તસ્સ રૂપક્ખન્ધો ઉપ્પજ્જિત્થાતિ? આમન્તા.

(ખ) અનુલોમઓકાસો

૫૭. (ક) યત્થ રૂપક્ખન્ધો ઉપ્પજ્જિત્થ તત્થ વેદનાક્ખન્ધો ઉપ્પજ્જિત્થાતિ?

અસઞ્ઞસત્તે તત્થ રૂપક્ખન્ધો ઉપ્પજ્જિત્થ, નો ચ તત્થ વેદનાક્ખન્ધો ઉપ્પજ્જિત્થ. પઞ્ચવોકારે તત્થ રૂપક્ખન્ધો ચ ઉપ્પજ્જિત્થ વેદનાક્ખન્ધો ચ ઉપ્પજ્જિત્થ.

(ખ) યત્થ વા પન વેદનાક્ખન્ધો ઉપ્પજ્જિત્થ તત્થ રૂપક્ખન્ધો ઉપ્પજ્જિત્થાતિ?

અરૂપે તત્થ વેદનાક્ખન્ધો ઉપ્પજ્જિત્થ, નો ચ તત્થ રૂપક્ખન્ધો ઉપ્પજ્જિત્થ. પઞ્ચવોકારે તત્થ વેદનાક્ખન્ધો ચ ઉપ્પજ્જિત્થ રૂપક્ખન્ધો ચ ઉપ્પજ્જિત્થ.

(ગ) અનુલોમપુગ્ગલોકાસા

૫૮. (ક) યસ્સ યત્થ રૂપક્ખન્ધો ઉપ્પજ્જિત્થ તસ્સ તત્થ વેદનાક્ખન્ધો ઉપ્પજ્જિત્થાતિ?

અસઞ્ઞસત્તાનં તેસં તત્થ રૂપક્ખન્ધો ઉપ્પજ્જિત્થ, નો ચ તેસં તત્થ વેદનાક્ખન્ધો ઉપ્પજ્જિત્થ. પઞ્ચવોકારાનં તેસં તત્થ રૂપક્ખન્ધો ચ ઉપ્પજ્જિત્થ વેદનાક્ખન્ધો ચ ઉપ્પજ્જિત્થ.

(ખ) યસ્સ વા પન યત્થ વેદનાક્ખન્ધો ઉપ્પજ્જિત્થ તસ્સ તત્થ રૂપક્ખન્ધો ઉપ્પજ્જિત્થાતિ?

અરૂપાનં તેસં તત્થ વેદનાક્ખન્ધો ઉપ્પજ્જિત્થ, નો ચ તેસં તત્થ રૂપક્ખન્ધો ઉપ્પજ્જિત્થ. પઞ્ચવોકારાનં તેસં તત્થ વેદનાક્ખન્ધો ચ ઉપ્પજ્જિત્થ રૂપક્ખન્ધો ચ ઉપ્પજ્જિત્થ.

(ઘ) પચ્ચનીકપુગ્ગલો

૫૯. (ક) યસ્સ રૂપક્ખન્ધો નુપ્પજ્જિત્થ તસ્સ વેદનાક્ખન્ધો નુપ્પજ્જિત્થાતિ? નત્થિ.

(ખ) યસ્સ વા પન વેદનાક્ખન્ધો નુપ્પજ્જિત્થ તસ્સ રૂપક્ખન્ધો નુપ્પજ્જિત્થાતિ? નત્થિ.

(ઙ) પચ્ચનીકઓકાસો

૬૦. (ક) યત્થ રૂપક્ખન્ધો નુપ્પજ્જિત્થ તત્થ વેદનાક્ખન્ધો નુપ્પજ્જિત્થાતિ? ઉપ્પજ્જિત્થ.

(ખ) યત્થ વા પન વેદનાક્ખન્ધો નુપ્પજ્જિત્થ તત્થ રૂપક્ખન્ધો નુપ્પજ્જિત્થાતિ? ઉપ્પજ્જિત્થ.

(ચ) પચ્ચનીકપુગ્ગલોકાસા

૬૧. (ક) યસ્સ યત્થ રૂપક્ખન્ધો નુપ્પજ્જિત્થ તસ્સ તત્થ વેદનાક્ખન્ધો નુપ્પજ્જિત્થાતિ?

અરૂપાનં તેસં તત્થ રૂપક્ખન્ધો નુપ્પજ્જિત્થ, નો ચ તેસં તત્થ વેદનાક્ખન્ધો નુપ્પજ્જિત્થ. સુદ્ધાવાસાનં તેસં તત્થ રૂપક્ખન્ધો ચ નુપ્પજ્જિત્થ વેદનાક્ખન્ધો ચ નુપ્પજ્જિત્થ.

(ક) યસ્સ વા પન યત્થ વેદનાક્ખન્ધો નુપ્પજ્જિત્થ તસ્સ તત્થ રૂપક્ખન્ધો નુપ્પજ્જિત્થાતિ?

અસઞ્ઞસત્તાનં તેસં તત્થ વેદનાક્ખન્ધો નુપ્પજ્જિત્થ, નો ચ તેસં તત્થ રૂપક્ખન્ધો નુપ્પજ્જિત્થ. સુદ્ધાવાસાનં તેસં તત્થ વેદનાક્ખન્ધો ચ નુપ્પજ્જિત્થ રૂપક્ખન્ધો ચ નુપ્પજ્જિત્થ.