તતિયપદં

હેતુપચ્ચયો

૮. નકુસલં નઅદુક્ખમસુખાય વેદનાય સમ્પયુત્તં ધમ્મં પટિચ્ચ નકુસલો નઅદુક્ખમસુખાય વેદનાય સમ્પયુત્તો ધમ્મો ઉપ્પજ્જતિ હેતુપચ્ચયા… પઞ્ચ.

નઅકુસલં નઅદુક્ખમસુખાય વેદનાય સમ્પયુત્તં ધમ્મં પટિચ્ચ નઅકુસલો નઅદુક્ખમસુખાય વેદનાય સમ્પયુત્તો ધમ્મો ઉપ્પજ્જતિ હેતુપચ્ચયા… પઞ્ચ.

નઅબ્યાકતં નઅદુક્ખમસુખાય વેદનાય સમ્પયુત્તં ધમ્મં પટિચ્ચ નઅબ્યાકતો નઅદુક્ખમસુખાય વેદનાય સમ્પયુત્તો ધમ્મો ઉપ્પજ્જતિ હેતુપચ્ચયા… છ.

નકુસલં નઅદુક્ખમસુખાય વેદનાય સમ્પયુત્તઞ્ચ નઅબ્યાકતં નઅદુક્ખમસુખાય વેદનાય સમ્પયુત્તઞ્ચ ધમ્મં પટિચ્ચ નકુસલો નઅદુક્ખમસુખાય વેદનાય સમ્પયુત્તો ધમ્મો ઉપ્પજ્જતિ હેતુપચ્ચયા… પઞ્ચ.

નઅકુસલં નઅદુક્ખમસુખાય વેદનાય સમ્પયુત્તઞ્ચ નઅબ્યાકતં નઅદુક્ખમસુખાય વેદનાય સમ્પયુત્તઞ્ચ ધમ્મં પટિચ્ચ નકુસલો નઅદુક્ખમસુખાય વેદનાય સમ્પયુત્તો ધમ્મો ઉપ્પજ્જતિ હેતુપચ્ચયા… પઞ્ચ.

નકુસલં નઅદુક્ખમસુખાય વેદનાય સમ્પયુત્તઞ્ચ નઅકુસલં નઅદુક્ખમસુખાય વેદનાય સમ્પયુત્તઞ્ચ ધમ્મં પટિચ્ચ નકુસલો નઅદુક્ખમસુખાય વેદનાય સમ્પયુત્તો ધમ્મો ઉપ્પજ્જતિ હેતુપચ્ચયા… તીણિ. (સંખિત્તં.)

હેતુયા એકૂનતિંસ…પે… અવિગતે એકૂનતિંસ. (સબ્બત્થ વિત્થારો.)