૧-૨. કુસલત્તિક-વિપાકત્તિકં

૯. નકુસલં નવિપાકં ધમ્મં પટિચ્ચ નકુસલો નવિપાકો ધમ્મો ઉપ્પજ્જતિ હેતુપચ્ચયા. નકુસલં નવિપાકં ધમ્મં પટિચ્ચ નઅકુસલો નવિપાકો ધમ્મો ઉપ્પજ્જતિ હેતુપચ્ચયા. નકુસલં નવિપાકં ધમ્મં પટિચ્ચ નઅબ્યાકતો નવિપાકો ધમ્મો ઉપ્પજ્જતિ હેતુપચ્ચયા. નકુસલં નવિપાકં ધમ્મં પટિચ્ચ નકુસલો નવિપાકો ચ નઅબ્યાકતો નવિપાકો ચ ધમ્મા ઉપ્પજ્જન્તિ હેતુપચ્ચયા. નકુસલં નવિપાકં ધમ્મં પટિચ્ચ નકુસલો નવિપાકો ચ નઅકુસલો નવિપાકો ચ ધમ્મા ઉપ્પજ્જન્તિ હેતુપચ્ચયા. (૫)

નઅકુસલં નવિપાકં ધમ્મં પટિચ્ચ નઅકુસલો નવિપાકો ધમ્મો ઉપ્પજ્જતિ હેતુપચ્ચયા… પઞ્ચ.

નઅબ્યાકતં નવિપાકં ધમ્મં પટિચ્ચ નઅબ્યાકતો નવિપાકો ધમ્મો ઉપ્પજ્જતિ હેતુપચ્ચયા… છ.

નકુસલં નવિપાકઞ્ચ નઅબ્યાકતં નવિપાકઞ્ચ ધમ્મં પટિચ્ચ નકુસલો નવિપાકો ધમ્મો ઉપ્પજ્જતિ હેતુપચ્ચયા… પઞ્ચ.

નઅકુસલં નવિપાકઞ્ચ નઅબ્યાકતં નવિપાકઞ્ચ ધમ્મં પટિચ્ચ નકુસલો નવિપાકો ધમ્મો ઉપ્પજ્જતિ હેતુપચ્ચયા… પઞ્ચ.

નકુસલં નવિપાકઞ્ચ નઅકુસલં નવિપાકઞ્ચ ધમ્મં પટિચ્ચ નકુસલો નવિપાકો ધમ્મો ઉપ્પજ્જતિ હેતુપચ્ચયા… તીણિ. (સંખિત્તં.)

હેતુયા એકૂનતિંસ…પે… અવિગતે એકૂનતિંસ. (સબ્બત્થ વિત્થારો.)

૧૦. નકુસલં નવિપાકધમ્મધમ્મં પટિચ્ચ નકુસલો નવિપાકધમ્મધમ્મો ઉપ્પજ્જતિ હેતુપચ્ચયા. નકુસલં નવિપાકધમ્મધમ્મં પટિચ્ચ નઅકુસલો નવિપાકધમ્મધમ્મો ઉપ્પજ્જતિ હેતુપચ્ચયા. નકુસલં નવિપાકધમ્મધમ્મં પટિચ્ચ નકુસલો નવિપાકધમ્મધમ્મો ચ નઅકુસલો નવિપાકધમ્મધમ્મો ચ ધમ્મા ઉપ્પજ્જન્તિ હેતુપચ્ચયા. (૩)

નઅકુસલં નવિપાકધમ્મધમ્મં પટિચ્ચ નઅકુસલો નવિપાકધમ્મધમ્મો ઉપ્પજ્જતિ હેતુપચ્ચયા. નઅકુસલં નવિપાકધમ્મધમ્મં પટિચ્ચ નકુસલો નવિપાકધમ્મધમ્મો ઉપ્પજ્જતિ હેતુપચ્ચયા. નઅકુસલં નવિપાકધમ્મધમ્મં પટિચ્ચ નકુસલો નવિપાકધમ્મધમ્મો ચ નઅકુસલો નવિપાકધમ્મધમ્મો ચ ધમ્મા ઉપ્પજ્જન્તિ હેતુપચ્ચયા. (૩)

નકુસલં નવિપાકધમ્મધમ્મઞ્ચ નઅકુસલં નવિપાકધમ્મધમ્મઞ્ચ ધમ્મં પટિચ્ચ નકુસલો નવિપાકધમ્મધમ્મો ઉપ્પજ્જતિ હેતુપચ્ચયા. નકુસલં નવિપાકધમ્મધમ્મઞ્ચ નઅકુસલં નવિપાકધમ્મધમ્મઞ્ચ ધમ્મં પટિચ્ચ નઅકુસલો નવિપાકધમ્મધમ્મો ઉપ્પજ્જતિ હેતુપચ્ચયા. નકુસલં નવિપાકધમ્મધમ્મઞ્ચ નઅકુસલં નવિપાકધમ્મધમ્મઞ્ચ ધમ્મં પટિચ્ચ નકુસલો નવિપાકધમ્મધમ્મો ચ નઅકુસલો નવિપાકધમ્મધમ્મો ચ ધમ્મા ઉપ્પજ્જન્તિ હેતુપચ્ચયા. (૩) (સંખિત્તં).

હેતુયા નવ…પે… અવિગતે નવ. (સબ્બત્થ નવ.)

૧૧. નકુસલં નનેવવિપાકનવિપાકધમ્મધમ્મં પટિચ્ચ નકુસલો નનેવવિપાકનવિપાકધમ્મધમ્મો ઉપ્પજ્જતિ હેતુપચ્ચયા.