૧-૭. પટિચ્ચવારાદિ

પચ્ચયચતુક્કં

હેતુપચ્ચયો

૩૧. પરામાસવિપ્પયુત્તં પરામટ્ઠં કુસલં ધમ્મં પટિચ્ચ પરામાસવિપ્પયુત્તો પરામટ્ઠો કુસલો ધમ્મો ઉપ્પજ્જતિ હેતુપચ્ચયા. (૧)

પરામાસવિપ્પયુત્તં અપરામટ્ઠં કુસલં ધમ્મં પટિચ્ચ પરામાસવિપ્પયુત્તો અપરામટ્ઠો કુસલો ધમ્મો ઉપ્પજ્જતિ હેતુપચ્ચયા. (૧) (સંખિત્તં.)

૩૨. હેતુયા દ્વે, આરમ્મણે દ્વે…પે… અવિગતે દ્વે (સંખિત્તં. લોકિયલોકુત્તરદુકસદિસં. સહજાતવારોપિ…પે… પઞ્હાવારોપિ વિત્થારેતબ્બા.)

૩૩. પરામાસવિપ્પયુત્તં પરામટ્ઠં અકુસલં ધમ્મં પટિચ્ચ પરામાસવિપ્પયુત્તો પરામટ્ઠો અકુસલો ધમ્મો ઉપ્પજ્જતિ હેતુપચ્ચયા (સબ્બત્થ એકં).

૩૪. પરામાસવિપ્પયુત્તં પરામટ્ઠં અબ્યાકતં ધમ્મં પટિચ્ચ પરામાસવિપ્પયુત્તો પરામટ્ઠો અબ્યાકતો ધમ્મો ઉપ્પજ્જતિ હેતુપચ્ચયા. (૧)

પરામાસવિપ્પયુત્તં અપરામટ્ઠં અબ્યાકતં ધમ્મં પટિચ્ચ પરામાસવિપ્પયુત્તો અપરામટ્ઠો અબ્યાકતો ધમ્મો ઉપ્પજ્જતિ હેતુપચ્ચયા… તીણિ.

પરામાસવિપ્પયુત્તં પરામટ્ઠં અબ્યાકતઞ્ચ પરામાસવિપ્પયુત્તં અપરામટ્ઠં અબ્યાકતઞ્ચ ધમ્મં પટિચ્ચ પરામાસવિપ્પયુત્તો પરામટ્ઠો અબ્યાકતો ધમ્મો ઉપ્પજ્જતિ હેતુપચ્ચયા. (૧) (સંખિત્તં.)

૩૫. હેતુયા પઞ્ચ, આરમ્મણે દ્વે…પે… અવિગતે પઞ્ચ (સંખિત્તં. લોકિયદુકસદિસં. સહજાતવારમ્પિ…પે… પઞ્હાવારમ્પિ વિત્થારેતબ્બં.)

પરામાસગોચ્છકકુસલત્તિકં નિટ્ઠિતં.