૧-૭. પટિચ્ચવારાદિ

પચ્ચયચતુક્કં

હેતુપચ્ચયો

૯. પરામટ્ઠં કુસલં ધમ્મં પટિચ્ચ પરામટ્ઠો કુસલો ધમ્મો ઉપ્પજ્જતિ હેતુપચ્ચયા. (૧)

અપરામટ્ઠં કુસલં ધમ્મં પટિચ્ચ અપરામટ્ઠો કુસલો ધમ્મો ઉપ્પજ્જતિ હેતુપચ્ચયા. (૧) (સંખિત્તં.)

૧૦. હેતુયા દ્વે, આરમ્મણે દ્વે…પે… અવિગતે દ્વે (સંખિત્તં).

(સહજાતવારોપિ …પે… પઞ્હાવારોપિ વિત્થારેતબ્બા.)

૧૧. પરામટ્ઠં અકુસલં ધમ્મં પટિચ્ચ પરામટ્ઠો અકુસલો ધમ્મો ઉપ્પજ્જતિ હેતુપચ્ચયા (સંખિત્તં).

૧૨. હેતુયા એકં, આરમ્મણે એકં…પે… અવિગતે એકં (સંખિત્તં).

(સહજાતવારેપિ…પે… પઞ્હાવારેપિ સબ્બત્થ એકં.)

૧૩. પરામટ્ઠં અબ્યાકતં ધમ્મં પટિચ્ચ પરામટ્ઠો અબ્યાકતો ધમ્મો ઉપ્પજ્જતિ હેતુપચ્ચયા. (૧)

અપરામટ્ઠં અબ્યાકતં ધમ્મં પટિચ્ચ અપરામટ્ઠો અબ્યાકતો ધમ્મો ઉપ્પજ્જતિ હેતુપચ્ચયા… તીણિ.

પરામટ્ઠં અબ્યાકતઞ્ચ અપરામટ્ઠં અબ્યાકતઞ્ચ ધમ્મં પટિચ્ચ પરામટ્ઠો અબ્યાકતો ધમ્મો ઉપ્પજ્જતિ હેતુપચ્ચયા. (૧) (સંખિત્તં.)

૧૪. હેતુયા પઞ્ચ, આરમ્મણે દ્વે…પે… આસેવને એકં…પે… અવિગતે પઞ્ચ (સંખિત્તં). (સહજાતવારમ્પિ…પે… પઞ્હાવારમ્પિ વિત્થારેતબ્બં.)