૧-૭. પટિચ્ચવારાદિ

પચ્ચયચતુક્કં

હેતુપચ્ચયો

૧૧. નીવરણિયં કુસલં ધમ્મં પટિચ્ચ નીવરણિયો કુસલો ધમ્મો ઉપ્પજ્જતિ હેતુપચ્ચયા. (૧)

અનીવરણિયં કુસલં ધમ્મં પટિચ્ચ અનીવરણિયો કુસલો ધમ્મો ઉપ્પજ્જતિ હેતુપચ્ચયા. (૧) (સંખિત્તં.)

૧૨. હેતુયા દ્વે, આરમ્મણે દ્વે…પે… અવિગતે દ્વે (સંખિત્તં).

(સહજાતવારોપિ…પે… પઞ્હાવારોપિ વિત્થારેતબ્બા).

૧૩. નીવરણિયં અકુસલં ધમ્મં પટિચ્ચ નીવરણિયો અકુસલો ધમ્મો ઉપ્પજ્જતિ હેતુપચ્ચયા (સંખિત્તં).

૧૪. હેતુયા એકં, આરમ્મણે એકં…પે… અવિગતે એકં (સંખિત્તં).

(સહજાતવારેપિ…પે… પઞ્હાવારેપિ સબ્બત્થ એકં.)

૧૫. નીવરણિયં અબ્યાકતં ધમ્મં પટિચ્ચ નીવરણિયો અબ્યાકતો ધમ્મો ઉપ્પજ્જતિ હેતુપચ્ચયા. (૧)

અનીવરણિયં અબ્યાકતં ધમ્મં પટિચ્ચ અનીવરણિયો અબ્યાકતો ધમ્મો ઉપ્પજ્જતિ હેતુપચ્ચયા… તીણિ.

નીવરણિયં અબ્યાકતઞ્ચ અનીવરણિયં અબ્યાકતઞ્ચ ધમ્મં પટિચ્ચ નીવરણિયો અબ્યાકતો ધમ્મો ઉપ્પજ્જતિ હેતુપચ્ચયા. (૧) (સંખિત્તં).

૧૬. હેતુયા પઞ્ચ, આરમ્મણે દ્વે…પે… આસેવને એકં…પે… વિપાકે પઞ્ચ…પે… અવિગતે પઞ્ચ (સંખિત્તં). (સહજાતવારોપિ…પે… પઞ્હાવારોપિ વિત્થારેતબ્બા.)