૧-૭. પટિચ્ચવારાદિ

પચ્ચયચતુક્કં

હેતુપચ્ચયો

૩૧. નીવરણવિપ્પયુત્તં નીવરણિયં કુસલં ધમ્મં પટિચ્ચ નીવરણવિપ્પયુત્તો નીવરણિયો કુસલો ધમ્મો ઉપ્પજ્જતિ હેતુપચ્ચયા. (૧)

નીવરણવિપ્પયુત્તં અનીવરણિયં કુસલં ધમ્મં પટિચ્ચ નીવરણવિપ્પયુત્તો અનીવરણિયો કુસલો ધમ્મો ઉપ્પજ્જતિ હેતુપચ્ચયા. (૧) (સંખિત્તં.)

૩૨. હેતુયા દ્વે, આરમ્મણે દ્વે…પે… અવિગતે દ્વે (સંખિત્તં).

(સહજાતવારોપિ…પે… પઞ્હાવારોપિ વિત્થારેતબ્બા.)

૩૩. નીવરણવિપ્પયુત્તં નીવરણિયં અબ્યાકતં ધમ્મં પટિચ્ચ નીવરણવિપ્પયુત્તો નીવરણિયો અબ્યાકતો ધમ્મો ઉપ્પજ્જતિ હેતુપચ્ચયા. (૧)

નીવરણવિપ્પયુત્તં અનીવરણિયં અબ્યાકતં ધમ્મં પટિચ્ચ નીવરણવિપ્પયુત્તો અનીવરણિયો અબ્યાકતો ધમ્મો ઉપ્પજ્જતિ હેતુપચ્ચયા… તીણિ.

નીવરણવિપ્પયુત્તં નીવરણિયં અબ્યાકતઞ્ચ નીવરણવિપ્પયુત્તં અનીવરણિયં અબ્યાકતઞ્ચ ધમ્મં પટિચ્ચ નીવરણવિપ્પયુત્તો નીવરણિયો અબ્યાકતો ધમ્મો ઉપ્પજ્જતિ હેતુપચ્ચયા. (૧) (સંખિત્તં.)

૩૪. હેતુયા પઞ્ચ, આરમ્મણે દ્વે…પે… વિપાકે પઞ્ચ (સંખિત્તં).

(સહજાતવારેપિ …પે… પઞ્હાવારેપિ સબ્બત્થ વિત્થારેતબ્બં.)

નીવરણગોચ્છકકુસલત્તિકં નિટ્ઠિતં.