૧-૭. પટિચ્ચવારાદિ

પચ્ચયચતુક્કં

હેતુપચ્ચયો

૧. નોનીવરણં કુસલં ધમ્મં પટિચ્ચ નોનીવરણો કુસલો ધમ્મો ઉપ્પજ્જતિ હેતુપચ્ચયા (સંખિત્તં).

૨. હેતુયા એકં, આરમ્મણે એકં…પે… અવિગતે એકં (સંખિત્તં).

(સહજાતવારેપિ…પે… પઞ્હાવારેપિ સબ્બત્થ એકં).

૩. નીવરણં અકુસલં ધમ્મં પટિચ્ચ નીવરણો અકુસલો ધમ્મો ઉપ્પજ્જતિ હેતુપચ્ચયા. નીવરણં અકુસલં ધમ્મં પટિચ્ચ નોનીવરણો અકુસલો ધમ્મો ઉપ્પજ્જતિ હેતુપચ્ચયા. નીવરણં અકુસલં ધમ્મં પટિચ્ચ નીવરણો અકુસલો ચ નોનીવરણો અકુસલો ચ ધમ્મા ઉપ્પજ્જન્તિ હેતુપચ્ચયા. (૩) (સંખિત્તં.)

૪. હેતુયા નવ, આરમ્મણે નવ…પે… અવિગતે નવ (સંખિત્તં).

પચ્ચનીયં

નહેતુપચ્ચયો

૫. નીવરણં અકુસલં ધમ્મં પટિચ્ચ નીવરણો અકુસલો ધમ્મો ઉપ્પજ્જતિ નહેતુપચ્ચયા – વિચિકિચ્છાનીવરણં ઉદ્ધચ્ચનીવરણં પટિચ્ચ અવિજ્જાનીવરણં. (૧)

નોનીવરણં અકુસલં ધમ્મં પટિચ્ચ નીવરણો અકુસલો ધમ્મો ઉપ્પજ્જતિ નહેતુપચ્ચયા – વિચિકિચ્છાસહગતે ઉદ્ધચ્ચસહગતે ખન્ધે પટિચ્ચ અવિજ્જાનીવરણં. (૧)

નીવરણઞ્ચ નોનીવરણઞ્ચ અકુસલં ધમ્મં પટિચ્ચ નીવરણો અકુસલો ધમ્મો ઉપ્પજ્જતિ નહેતુપચ્ચયા – વિચિકિચ્છાનીવરણઞ્ચ ઉદ્ધચ્ચનીવરણઞ્ચ સમ્પયુત્તકે ચ ખન્ધે પટિચ્ચ અવિજ્જાનીવરણં. (૧) (સંખિત્તં.)

૬. નહેતુયા તીણિ, નઅધિપતિયા નવ, નપુરેજાતે નવ…પે… નકમ્મે તીણિ…પે… નવિપ્પયુત્તે નવ (સંખિત્તં).

(સહજાતવારેપિ… સમ્પયુત્તવારેપિ સબ્બત્થ નવ.)

૭. નીવરણો અકુસલો ધમ્મો નીવરણસ્સ અકુસલસ્સ ધમ્મસ્સ હેતુપચ્ચયેન પચ્ચયો (સંખિત્તં).

૮. હેતુયા તીણિ, આરમ્મણે નવ, અધિપતિયા નવ…પે… આસેવને નવ, કમ્મે આહારે ઇન્દ્રિયે ઝાને મગ્ગે તીણિ, સમ્પયુત્તે નવ…પે… અવિગતે નવ (સંખિત્તં).

નહેતુયા નવ, નઆરમ્મણે નવ (સંખિત્તં).

હેતુપચ્ચયા નઆરમ્મણે તીણિ (સંખિત્તં).

નહેતુપચ્ચયા આરમ્મણે નવ (સંખિત્તં).

(યથા કુસલત્તિકે પઞ્હાવારસ્સ અનુલોમમ્પિ પચ્ચનીયમ્પિ અનુલોમપચ્ચનીયમ્પિ પચ્ચનીયાનુલોમમ્પિ ગણિતં, એવં ગણેતબ્બં).

૯. નોનીવરણં અબ્યાકતં ધમ્મં પટિચ્ચ નોનીવરણો અબ્યાકતો ધમ્મો ઉપ્પજ્જતિ હેતુપચ્ચયા (સંખિત્તં).

૧૦. હેતુયા એકં, આરમ્મણે એકં…પે… અવિગતે એકં (સંખિત્તં).

(સહજાતવારેપિ…પે… પઞ્હાવારેપિ સબ્બત્થ એકં.)