૧-૭. પટિચ્ચવારાદિ

પચ્ચયચતુક્કં

૧. નોગન્થં કુસલં ધમ્મં પટિચ્ચ નોગન્થો કુસલો ધમ્મો ઉપ્પજ્જતિ હેતુપચ્ચયા (સંખિત્તં).

૨. હેતુયા એકં, આરમ્મણે એકં…પે… અવિગતે એકં (સંખિત્તં).

(સહજાતવારેપિ …પે… પઞ્હાવારેપિ સબ્બત્થ એકં).

૩. ગન્થં અકુસલં ધમ્મં પટિચ્ચ ગન્થો અકુસલો ધમ્મો ઉપ્પજ્જતિ હેતુપચ્ચયા. ગન્થં અકુસલં ધમ્મં પટિચ્ચ નોગન્થો અકુસલો ધમ્મો ઉપ્પજ્જતિ હેતુપચ્ચયા. ગન્થં અકુસલં ધમ્મં પટિચ્ચ ગન્થો અકુસલો ચ નોગન્થો અકુસલો ચ ધમ્મા ઉપ્પજ્જન્તિ હેતુપચ્ચયા. (૩)

નોગન્થં અકુસલં ધમ્મં પટિચ્ચ નોગન્થો અકુસલો ધમ્મો ઉપ્પજ્જતિ હેતુપચ્ચયા… તીણિ.

ગન્થં અકુસલઞ્ચ નોગન્થં અકુસલઞ્ચ ધમ્મં પટિચ્ચ ગન્થો અકુસલો ધમ્મો ઉપ્પજ્જતિ હેતુપચ્ચયા… તીણિ (સંખિત્તં).

૪. હેતુયા નવ, આરમ્મણે નવ…પે… અવિગતે નવ (સંખિત્તં).

નહેતુયા એકં, નઅધિપતિયા નવ, નપુરેજાતે નવ, નપચ્છાજાતે નવ, નઆસેવને નવ, નકમ્મે તીણિ, નવિપાકે નવ, નવિપ્પયુત્તે નવ (સંખિત્તં).

(સહજાતવારોપિ…પે… સમ્પયુત્તવારોપિ પટિચ્ચવારસદિસા વિત્થારેતબ્બા.)

૫. ગન્થો અકુસલો ધમ્મો ગન્થસ્સ અકુસલસ્સ ધમ્મસ્સ હેતુપચ્ચયેન પચ્ચયો (સંખિત્તં).

૬. હેતુયા નવ, આરમ્મણે નવ, અધિપતિયા નવ…પે… કમ્મે આહારે ઇન્દ્રિયે ઝાને તીણિ…પે… અવિગતે નવ (સંખિત્તં).

૭. નહેતુયા નવ, નઆરમ્મણે નવ (સંખિત્તં).

હેતુપચ્ચયા નઆરમ્મણે નવ (સંખિત્તં).

નહેતુપચ્ચયા આરમ્મણે નવ (સંખિત્તં).

(યથા કુસલત્તિકે પઞ્હાવારસ્સ અનુલોમમ્પિ પચ્ચનીયમ્પિ અનુલોમપચ્ચનીયમ્પિ પચ્ચનીયાનુલોમમ્પિ ગણિતં, એવં ગણેતબ્બં.)

૮. નોગન્થં અબ્યાકતં ધમ્મં પટિચ્ચ નોગન્થો અબ્યાકતો ધમ્મો ઉપ્પજ્જતિ હેતુપચ્ચયા (સંખિત્તં).

૯. હેતુયા એકં…પે… અવિગતે એકં (સંખિત્તં).

(સહજાતવારેપિ…પે… પઞ્હાવારેપિ સબ્બત્થ એકં.)