૧-૭. પટિચ્ચવારાદિ

પચ્ચયચતુક્કં

હેતુપચ્ચયો

૪૨. સઞ્ઞોજનવિપ્પયુત્તં સઞ્ઞોજનિયં કુસલં ધમ્મં પટિચ્ચ સઞ્ઞોજનવિપ્પયુત્તો સઞ્ઞોજનિયો કુસલો ધમ્મો ઉપ્પજ્જતિ હેતુપચ્ચયા. (૧)

સઞ્ઞોજનવિપ્પયુત્તં અસઞ્ઞોજનિયં કુસલં ધમ્મં પટિચ્ચ સઞ્ઞોજનવિપ્પયુત્તો અસઞ્ઞોજનિયો કુસલો ધમ્મો ઉપ્પજ્જતિ હેતુપચ્ચયા. (૧)

૪૩. હેતુયા દ્વે, આરમ્મણે દ્વે…પે… અવિગતે દ્વે (સંખિત્તં).

(યથા ચૂળન્તરદુકે લોકિયદુકસદિસં. સહજાતવારોપિ…પે… પઞ્હાવારોપિ સબ્બત્થ વિત્થારેતબ્બા.)

૪૪. સઞ્ઞોજનવિપ્પયુત્તો સઞ્ઞોજનિયો અકુસલો ધમ્મો સઞ્ઞોજનવિપ્પયુત્તસ્સ સઞ્ઞોજનિયસ્સ અકુસલસ્સ ધમ્મસ્સ આરમ્મણપચ્ચયેન પચ્ચયો (સંખિત્તં).

૪૫. આરમ્મણે એકં (સબ્બત્થ એકં, સંખિત્તં).

૪૬. સઞ્ઞોજનવિપ્પયુત્તં સઞ્ઞોજનિયં અબ્યાકતં ધમ્મં પટિચ્ચ સઞ્ઞોજનવિપ્પયુત્તો સઞ્ઞોજનિયો અબ્યાકતો ધમ્મો ઉપ્પજ્જતિ હેતુપચ્ચયા. (૧)

સઞ્ઞોજનવિપ્પયુત્તં અસઞ્ઞોજનિયં અબ્યાકતં ધમ્મં પટિચ્ચ સઞ્ઞોજનવિપ્પયુત્તો અસઞ્ઞોજનિયો અબ્યાકતો ધમ્મો ઉપ્પજ્જતિ હેતુપચ્ચયા. સઞ્ઞોજનવિપ્પયુત્તં અસઞ્ઞોજનિયં અબ્યાકતં ધમ્મં પટિચ્ચ સઞ્ઞોજનવિપ્પયુત્તો સઞ્ઞોજનિયો અબ્યાકતો ધમ્મો ઉપ્પજ્જતિ હેતુપચ્ચયા. સઞ્ઞોજનવિપ્પયુત્તં અસઞ્ઞોજનિયં અબ્યાકતં ધમ્મં પટિચ્ચ સઞ્ઞોજનવિપ્પયુત્તો સઞ્ઞોજનિયો અબ્યાકતો ચ સઞ્ઞોજનવિપ્પયુત્તો અસઞ્ઞોજનિયો અબ્યાકતો ચ ધમ્મા ઉપ્પજ્જન્તિ હેતુપચ્ચયા. (૩)

સઞ્ઞોજનવિપ્પયુત્તં સઞ્ઞોજનિયં અબ્યાકતઞ્ચ સઞ્ઞોજનવિપ્પયુત્તં અસઞ્ઞોજનિયં અબ્યાકતઞ્ચ ધમ્મં પટિચ્ચ સઞ્ઞોજનવિપ્પયુત્તો સઞ્ઞોજનિયો અબ્યાકતો ધમ્મો ઉપ્પજ્જતિ હેતુપચ્ચયા. (૧) (સંખિત્તં.)

૪૭. હેતુયા પઞ્ચ, આરમ્મણે દ્વે, અધિપતિયા પઞ્ચ…પે… આસેવને એકં, કમ્મે પઞ્ચ, વિપાકે પઞ્ચ…પે… અવિગતે પઞ્ચ (સંખિત્તં).

નહેતુયા એકં, નઆરમ્મણે તીણિ, નઅધિપતિયા દ્વે, નપુરેજાતે ચત્તારિ, નપચ્છાજાતે પઞ્ચ, નઆસેવને પઞ્ચ, નકમ્મે એકં, નવિપાકે એકં, નવિપ્પયુત્તે દ્વે…પે… નોવિગતે તીણિ (સંખિત્તં).

(સહજાતવારોપિ…પે… સમ્પયુત્તવારોપિ પટિચ્ચવારસદિસા.)

૪૮. સઞ્ઞોજનવિપ્પયુત્તો સઞ્ઞોજનિયો અબ્યાકતો ધમ્મો સઞ્ઞોજનવિપ્પયુત્તસ્સ સઞ્ઞોજનિયસ્સ અબ્યાકતસ્સ ધમ્મસ્સ હેતુપચ્ચયેન પચ્ચયો (સંખિત્તં).

૪૯. હેતુયા ચત્તારિ, આરમ્મણે તીણિ, અધિપતિયા ચત્તારિ, અનન્તરે ચત્તારિ…પે… અવિગતે સત્ત (સંખિત્તં).

૫૦. નહેતુયા સત્ત, નઆરમ્મણે સત્ત (સંખિત્તં).

હેતુપચ્ચયા નઆરમ્મણે ચત્તારિ (સંખિત્તં).

નહેતુપચ્ચયા આરમ્મણે તીણિ (સંખિત્તં).

(યથા કુસલત્તિકે પઞ્હાવારસ્સ અનુલોમમ્પિ પચ્ચનીયમ્પિ અનુલોમપચ્ચનીયમ્પિ પચ્ચનીયાનુલોમમ્પિ ગણિતં, એવં ગણેતબ્બં.)

સઞ્ઞોજનગોચ્છકકુસલત્તિકં નિટ્ઠિતં.