૨. અકુસલપદં

હેતુપચ્ચયો

૩૨. આસવઞ્ચેવ સાસવઞ્ચ અકુસલં ધમ્મં પટિચ્ચ આસવો ચેવ સાસવો ચ અકુસલો ધમ્મો ઉપ્પજ્જતિ હેતુપચ્ચયા… તીણિ.

સાસવઞ્ચેવ નો ચ આસવં અકુસલં ધમ્મં પટિચ્ચ સાસવો ચેવ નો ચ આસવો અકુસલો ધમ્મો ઉપ્પજ્જતિ હેતુપચ્ચયા… તીણિ.

આસવઞ્ચેવ સાસવઞ્ચ અકુસલઞ્ચ સાસવઞ્ચેવ નો ચ આસવં અકુસલઞ્ચ ધમ્મં પટિચ્ચ આસવો ચેવ સાસવો ચ અકુસલો ધમ્મો ઉપ્પજ્જતિ હેતુપચ્ચયા… તીણિ (સંખિત્તં).

૩૩. હેતુયા નવ, આરમ્મણે નવ…પે… અવિગતે નવ (સંખિત્તં).

પચ્ચનીયં

નહેતુપચ્ચયો

૩૪. સાસવઞ્ચેવ નો ચ આસવં અકુસલં ધમ્મં પટિચ્ચ આસવો ચેવ સાસવો ચ અકુસલો ધમ્મો ઉપ્પજ્જતિ નહેતુપચ્ચયા (સંખિત્તં).

૩૫. નહેતુયા એકં, નઅધિપતિયા નવ, નપુરેજાતે નવ, નપચ્છાજાતે નવ, નઆસેવને નવ, નકમ્મે તીણિ, નવિપાકે નવ, નવિપ્પયુત્તે નવ (સંખિત્તં).

(સહજાતવારોપિ પચ્ચયવારોપિ નિસ્સયવારોપિ સંસટ્ઠવારોપિ સમ્પયુત્તવારોપિ વિત્થારેતબ્બા.)