૧-૭. પટિચ્ચવારાદિ

પચ્ચયચતુક્કં

હેતુપચ્ચયો

૫૫. કેનચિ વિઞ્ઞેય્યં કુસલં ધમ્મં પટિચ્ચ કેનચિ વિઞ્ઞેય્યો કુસલો ધમ્મો ઉપ્પજ્જતિ હેતુપચ્ચયા. કેનચિ વિઞ્ઞેય્યં કુસલં ધમ્મં પટિચ્ચ કેનચિ નવિઞ્ઞેય્યો કુસલો ધમ્મો ઉપ્પજ્જતિ હેતુપચ્ચયા. કેનચિ વિઞ્ઞેય્યં કુસલં ધમ્મં પટિચ્ચ કેનચિ વિઞ્ઞેય્યો કુસલો ચ કેનચિ નવિઞ્ઞેય્યો કુસલો ચ ધમ્મા ઉપ્પજ્જન્તિ હેતુપચ્ચયા. (૩) (સંખિત્તં.)

૫૬. હેતુયા નવ, આરમ્મણે નવ…પે… અવિગતે નવ (સંખિત્તં).

પચ્ચનીયં

નઅધિપતિપચ્ચયો

૫૭. કેનચિ વિઞ્ઞેય્યં કુસલં ધમ્મં પટિચ્ચ કેનચિ વિઞ્ઞેય્યો કુસલો ધમ્મો ઉપ્પજ્જતિ નઅધિપતિપચ્ચયા (સંખિત્તં).

૫૮. નઅધિપતિયા નવ, નપુરેજાતે નવ, નપચ્છાજાતે નવ, નઆસેવને નવ, નકમ્મે નવ, નવિપાકે નવ…પે… નવિપ્પયુત્તે નવ (સંખિત્તં).

(સહજાતવારોપિ પચ્ચયવારોપિ નિસ્સયવારોપિ સંસટ્ઠવારોપિ સમ્પયુત્તવારોપિ પટિચ્ચવારસદિસા વિત્થારેતબ્બા.)

પચ્ચયચતુક્કં

હેતુપચ્ચયો

૫૯. કેનચિ વિઞ્ઞેય્યો કુસલો ધમ્મો કેનચિ વિઞ્ઞેય્યસ્સ કુસલસ્સ ધમ્મસ્સ હેતુપચ્ચયેન પચ્ચયો (સંખિત્તં).

૬૦. હેતુયા નવ, આરમ્મણે નવ, અધિપતિયા નવ, અનન્તરે નવ, સમનન્તરે નવ…પે… કમ્મે નવ…પે… અવિગતે નવ (સંખિત્તં).

નહેતુયા નવ, નઆરમ્મણે નવ (સંખિત્તં).

હેતુપચ્ચયા નઆરમ્મણે નવ (સંખિત્તં).

નહેતુપચ્ચયા આરમ્મણે નવ (સંખિત્તં).

(યથા કુસલત્તિકે પઞ્હાવારસ્સ અનુલોમમ્પિ પચ્ચનીયમ્પિ અનુલોમપચ્ચનીયમ્પિ પચ્ચનીયાનુલોમમ્પિ ગણિતં, એવં ગણેતબ્બં. કેનચિ વિઞ્ઞેય્યં અકુસલમ્પિ કેનચિ વિઞ્ઞેય્યં અબ્યાકતમ્પિ કેનચિ વિઞ્ઞેય્યકુસલસદિસં વિત્થારેતબ્બં).

કેનચિવિઞ્ઞેય્યદુકકુસલત્તિકં નિટ્ઠિતં.

ચૂળન્તરદુકં નિટ્ઠિતં.