૭. પઞ્હાવારો

પચ્ચયચતુક્કં

હેતુપચ્ચયો

૩૦. અપ્પટિઘો અબ્યાકતો ધમ્મો અપ્પટિઘસ્સ અબ્યાકતસ્સ ધમ્મસ્સ હેતુપચ્ચયેન પચ્ચયો. (૩) (સંખિત્તં.)

૩૧. હેતુયા તીણિ, આરમ્મણે દ્વે, અધિપતિયા તીણિ, અનન્તરે એકં, સમનન્તરે એકં, સહજાતે નવ, અઞ્ઞમઞ્ઞે છ, નિસ્સયે નવ, ઉપનિસ્સયે દ્વે, પુરેજાતે તીણિ, પચ્છાજાતે તીણિ, આસેવને એકં, કમ્મે તીણિ, વિપાકે તીણિ, આહારે તીણિ, ઇન્દ્રિયે પઞ્ચ, ઝાને તીણિ, મગ્ગે તીણિ, સમ્પયુત્તે એકં, વિપ્પયુત્તે ચત્તારિ, અત્થિયા નવ, નત્થિયા એકં, વિગતે એકં, અવિગતે નવ.

પચ્ચનીયુદ્ધારો

૩૨. સપ્પટિઘો અબ્યાકતો ધમ્મો સપ્પટિઘસ્સ અબ્યાકતસ્સ ધમ્મસ્સ સહજાતપચ્ચયેન પચ્ચયો (સંખિત્તં).

૩૩. નહેતુયા નવ, નઆરમ્મણે નવ (સંખિત્તં).

હેતુપચ્ચયા નઆરમ્મણે તીણિ (સંખિત્તં).

નહેતુપચ્ચયા આરમ્મણે દ્વે (સંખિત્તં).

(યથા કુસલત્તિકે પઞ્હાવારસ્સ અનુલોમમ્પિ પચ્ચનીયમ્પિ અનુલોમપચ્ચનીયમ્પિ પચ્ચનીયાનુલોમમ્પિ ગણિતં, એવં ગણેતબ્બં.)

સપ્પટિઘદુકકુસલત્તિકં નિટ્ઠિતં.