૭. પઞ્હાવારો

પચ્ચયચતુક્કં

હેતુ-આરમ્મણપચ્ચયા

૨૧. સહેતુકો અબ્યાકતો ધમ્મો સહેતુકસ્સ અબ્યાકતસ્સ ધમ્મસ્સ હેતુપચ્ચયેન પચ્ચયો… તીણિ.

સહેતુકો અબ્યાકતો ધમ્મો સહેતુકસ્સ અબ્યાકતસ્સ ધમ્મસ્સ આરમ્મણપચ્ચયેન પચ્ચયો (સંખિત્તં).

૨૨. હેતુયા તીણિ, આરમ્મણે ચત્તારિ, અધિપતિયા ચત્તારિ, અનન્તરે ચત્તારિ, સમનન્તરે ચત્તારિ, સહજાતે સત્ત, અઞ્ઞમઞ્ઞે છ, નિસ્સયે સત્ત, ઉપનિસ્સયે ચત્તારિ, પુરેજાતે દ્વે, પચ્છાજાતે દ્વે, આસેવને દ્વે, કમ્મે ચત્તારિ, વિપાકે ચત્તારિ, આહારે ચત્તારિ, ઇન્દ્રિયે ચત્તારિ, ઝાને ચત્તારિ, મગ્ગે તીણિ, સમ્પયુત્તે દ્વે, વિપ્પયુત્તે તીણિ, અત્થિયા સત્ત…પે… અવિગતે સત્ત (સંખિત્તં).

પચ્ચનીયુદ્ધારો

૨૩. સહેતુકો અબ્યાકતો ધમ્મો સહેતુકસ્સ અબ્યાકતસ્સ ધમ્મસ્સ આરમ્મણપચ્ચયેન પચ્ચયો… સહજાતપચ્ચયેન પચ્ચયો… ઉપનિસ્સયપચ્ચયેન પચ્ચયો (સંખિત્તં).

૨૪. નહેતુયા સત્ત, નઆરમ્મણે સત્ત (સંખિત્તં).

હેતુપચ્ચયા નઆરમ્મણે તીણિ (સંખિત્તં).

નહેતુપચ્ચયા આરમ્મણે ચત્તારિ (સંખિત્તં).

(યથા કુસલત્તિકે પઞ્હાવારસ્સ અનુલોમમ્પિ પચ્ચનીયમ્પિ અનુલોમપચ્ચનીયમ્પિ પચ્ચનીયાનુલોમમ્પિ ગણિતં, એવં ગણેતબ્બં.)

સહેતુકદુકકુસલત્તિકં નિટ્ઠિતં.