૧-૬. પટિચ્ચવારાદિ

પચ્ચયચતુક્કં

હેતુ-આરમ્મણપચ્ચયા

૩૧. હેતુસમ્પયુત્તં અકુસલં ધમ્મં પટિચ્ચ હેતુસમ્પયુત્તો અકુસલો ધમ્મો ઉપ્પજ્જતિ હેતુપચ્ચયા. (૧)

હેતુવિપ્પયુત્તં અકુસલં ધમ્મં પટિચ્ચ હેતુસમ્પયુત્તો અકુસલો ધમ્મો ઉપ્પજ્જતિ હેતુપચ્ચયા. (૧)

હેતુસમ્પયુત્તં અકુસલઞ્ચ હેતુવિપ્પયુત્તં અકુસલઞ્ચ ધમ્મં પટિચ્ચ હેતુસમ્પયુત્તો અકુસલો ધમ્મો ઉપ્પજ્જતિ હેતુપચ્ચયા. (૧)

હેતુસમ્પયુત્તં અકુસલં ધમ્મં પટિચ્ચ હેતુસમ્પયુત્તો અકુસલો ધમ્મો ઉપ્પજ્જતિ આરમ્મણપચ્ચયા… તીણિ. (૩)

હેતુવિપ્પયુત્તં અકુસલં ધમ્મં પટિચ્ચ હેતુસમ્પયુત્તો અકુસલો ધમ્મો ઉપ્પજ્જતિ આરમ્મણપચ્ચયા. (૧)

હેતુસમ્પયુત્તં અકુસલઞ્ચ હેતુવિપ્પયુત્તં અકુસલઞ્ચ ધમ્મં પટિચ્ચ હેતુસમ્પયુત્તો અકુસલો ધમ્મો ઉપ્પજ્જતિ આરમ્મણપચ્ચયા. (૧)

હેતુસમ્પયુત્તં અકુસલં ધમ્મં પટિચ્ચ હેતુસમ્પયુત્તો અકુસલો ધમ્મો ઉપ્પજ્જતિ અધિપતિપચ્ચયા (સંખિત્તં).

૩૨. હેતુયા તીણિ, આરમ્મણે પઞ્ચ, અધિપતિયા એકં, અનન્તરે પઞ્ચ, સમનન્તરે પઞ્ચ, સહજાતે પઞ્ચ, અઞ્ઞમઞ્ઞે પઞ્ચ, નિસ્સયે પઞ્ચ, ઉપનિસ્સયે પઞ્ચ, પુરેજાતે પઞ્ચ, આસેવને પઞ્ચ, કમ્મે પઞ્ચ, આહારે પઞ્ચ, ઇન્દ્રિયે પઞ્ચ, ઝાને પઞ્ચ, મગ્ગે પઞ્ચ, સમ્પયુત્તે પઞ્ચ, વિપ્પયુત્તે પઞ્ચ, અત્થિયા પઞ્ચ…પે… અવિગતે પઞ્ચ (સંખિત્તં).

નહેતુ-નઅધિપતિપચ્ચયા

૩૩. હેતુસમ્પયુત્તં અકુસલં ધમ્મં પટિચ્ચ હેતુવિપ્પયુત્તો અકુસલો ધમ્મો ઉપ્પજ્જતિ નહેતુપચ્ચયા. (૧)

હેતુસમ્પયુત્તં અકુસલં ધમ્મં પટિચ્ચ હેતુસમ્પયુત્તો અકુસલો ધમ્મો ઉપ્પજ્જતિ નઅધિપતિપચ્ચયા (સંખિત્તં).

૩૪. નહેતુયા એકં, નઅધિપતિયા પઞ્ચ, નપુરેજાતે પઞ્ચ, નપચ્છાજાતે પઞ્ચ, નઆસેવને પઞ્ચ, નકમ્મે તીણિ, નવિપાકે પઞ્ચ, નવિપ્પયુત્તે પઞ્ચ (સંખિત્તં).

હેતુપચ્ચયા નઅધિપતિયા તીણિ (સંખિત્તં).

નહેતુપચ્ચયા આરમ્મણે એકં (સંખિત્તં).

(સહજાતવારોપિ પચ્ચયવારોપિ નિસ્સયવારોપિ સંસટ્ઠવારોપિ સમ્પયુત્તવારોપિ પટિચ્ચવારસદિસા વિત્થારેતબ્બા.)