૧-૭. પટિચ્ચવારાદિ

પચ્ચયચતુક્કં

૬૫. સુખાય વેદનાય સમ્પયુત્તં સરણં ધમ્મં પટિચ્ચ સુખાય વેદનાય સમ્પયુત્તો સરણો ધમ્મો ઉપ્પજ્જતિ હેતુપચ્ચયા. (૧)

દુક્ખાય વેદનાય સમ્પયુત્તં સરણં ધમ્મં પટિચ્ચ દુક્ખાય વેદનાય સમ્પયુત્તો સરણો ધમ્મો ઉપ્પજ્જતિ હેતુપચ્ચયા. (૧)

અદુક્ખમસુખાય વેદનાય સમ્પયુત્તં સરણં ધમ્મં પટિચ્ચ અદુક્ખમસુખાય વેદનાય સમ્પયુત્તો સરણો ધમ્મો ઉપ્પજ્જતિ હેતુપચ્ચયા. (૧) (સંખિત્તં.)

૬૬. હેતુયા તીણિ…પે… અવિગતે તીણિ (સંખિત્તં).

(સહજાતવારમ્પિ…પે… સમ્પયુત્તવારમ્પિ પટિચ્ચવારસદિસં.)

૬૭. સુખાય વેદનાય સમ્પયુત્તો સરણો ધમ્મો સુખાય વેદનાય સમ્પયુત્તસ્સ સરણસ્સ ધમ્મસ્સ હેતુપચ્ચયેન પચ્ચયો. (૧)

દુક્ખાય વેદનાય સમ્પયુત્તો સરણો ધમ્મો દુક્ખાય વેદનાય સમ્પયુત્તસ્સ સરણસ્સ ધમ્મસ્સ હેતુપચ્ચયેન પચ્ચયો. (૧)

અદુક્ખમસુખાય વેદનાય સમ્પયુત્તો સરણો ધમ્મો અદુક્ખમસુખાય વેદનાય સમ્પયુત્તસ્સ સરણસ્સ ધમ્મસ્સ હેતુપચ્ચયેન પચ્ચયો. (૧) (સંખિત્તં.)

૬૮. હેતુયા તીણિ, આરમ્મણે નવ…પે… અવિગતે તીણિ (સંખિત્તં. યથા કુસલત્તિકે પઞ્હાવારં, એવં વિત્થારેતબ્બં).

અરણપદં

હેતુપચ્ચયો

૬૯. સુખાય વેદનાય સમ્પયુત્તં અરણં ધમ્મં પટિચ્ચ સુખાય વેદનાય સમ્પયુત્તો અરણો ધમ્મો ઉપ્પજ્જતિ હેતુપચ્ચયા.

અદુક્ખમસુખાય વેદનાય સમ્પયુત્તં અરણં ધમ્મં પટિચ્ચ અદુક્ખમસુખાય વેદનાય સમ્પયુત્તો અરણો ધમ્મો ઉપ્પજ્જતિ હેતુપચ્ચયા (સંખિત્તં).

હેતુયા દ્વે, આરમ્મણે તીણિ…પે… અવિગતે તીણિ (સંખિત્તં).

(સહજાતવારમ્પિ…પે… સમ્પયુત્તવારમ્પિ પટિચ્ચવારસદિસં).

૭૦. સુખાય વેદનાય સમ્પયુત્તો અરણો ધમ્મો સુખાય વેદનાય સમ્પયુત્તસ્સ અરણસ્સ ધમ્મસ્સ હેતુપચ્ચયેન પચ્ચયો. (૧)

અદુક્ખમસુખાય વેદનાય સમ્પયુત્તો અરણો ધમ્મો અદુક્ખમસુખાય વેદનાય સમ્પયુત્તસ્સ અરણસ્સ ધમ્મસ્સ હેતુપચ્ચયેન પચ્ચયો. (૧) (સંખિત્તં.)

૭૧. હેતુયા દ્વે, આરમ્મણે છ…પે… અવિગતે તીણિ (સંખિત્તં).

(યથા કુસલત્તિકે પઞ્હાવારં, એવં વિત્થારેતબ્બં.)