૧-૭. પટિચ્ચવારાદિ

હેતુ-આરમ્મણપચ્ચયા

૧૨૪. અતીતારમ્મણં સરણં ધમ્મં પટિચ્ચ અતીતારમ્મણો સરણો ધમ્મો ઉપ્પજ્જતિ હેતુપચ્ચયા. (૧)

અનાગતારમ્મણં સરણં ધમ્મં પટિચ્ચ અનાગતારમ્મણો સરણો ધમ્મો ઉપ્પજ્જતિ હેતુપચ્ચયા. (૧)

પચ્ચુપ્પન્નારમ્મણં સરણં ધમ્મં પટિચ્ચ પચ્ચુપ્પન્નારમ્મણો સરણો ધમ્મો ઉપ્પજ્જતિ હેતુપચ્ચયા. (૧) (સંખિત્તં.)

હેતુયા તીણિ…પે… અવિગતે તીણિ (સંખિત્તં).

(સહજાતવારમ્પિ …પે… પઞ્હાવારમ્પિ સબ્બત્થ વિત્થારેતબ્બં.)

૧૨૫. અતીતારમ્મણં અરણં ધમ્મં પટિચ્ચ અતીતારમ્મણો અરણો ધમ્મો ઉપ્પજ્જતિ હેતુપચ્ચયા. (૧)

અનાગતારમ્મણં અરણં ધમ્મં પટિચ્ચ અનાગતારમ્મણો અરણો ધમ્મો ઉપ્પજ્જતિ હેતુપચ્ચયા. (૧)

પચ્ચુપ્પન્નારમ્મણં અરણં ધમ્મં પટિચ્ચ પચ્ચુપ્પન્નારમ્મણો અરણો ધમ્મો ઉપ્પજ્જતિ હેતુપચ્ચયા. (૧) (સંખિત્તં.)

હેતુયા તીણિ…પે… અવિગતે તીણિ (સંખિત્તં).

(સહજાતવારમ્પિ…પે… સમ્પયુત્તવારમ્પિ પટિચ્ચવારસદિસં.)

૧૨૬. અતીતારમ્મણો અરણો ધમ્મો અતીતારમ્મણસ્સ અરણસ્સ ધમ્મસ્સ હેતુપચ્ચયેન પચ્ચયો. (૧)

અનાગતારમ્મણો અરણો ધમ્મો અનાગતારમ્મણસ્સ અરણસ્સ ધમ્મસ્સ હેતુપચ્ચયેન પચ્ચયો. (૧)

પચ્ચુપ્પન્નારમ્મણો અરણો ધમ્મો પચ્ચુપ્પન્નારમ્મણસ્સ અરણસ્સ ધમ્મસ્સ હેતુપચ્ચયેન પચ્ચયો. (૧)

અતીતારમ્મણો અરણો ધમ્મો અતીતારમ્મણસ્સ અરણસ્સ ધમ્મસ્સ આરમ્મણપચ્ચયેન પચ્ચયો. (સંખિત્તં.)

૧૨૭. હેતુયા તીણિ, આરમ્મણે નવ…પે… અવિગતે તીણિ (સંખિત્તં. યથા કુસલત્તિકે પઞ્હાવારં, એવં વિત્થારેતબ્બં).