૧-૭. પટિચ્ચવારાદિ

હેતુ-આરમ્મણપચ્ચયા

૯૮. આચયગામિં સરણં ધમ્મં પટિચ્ચ આચયગામી સરણો ધમ્મો ઉપ્પજ્જતિ હેતુપચ્ચયા (સંખિત્તં).

હેતુયા એકં…પે… અવિગતે એકં (સંખિત્તં).

(સહજાતવારેપિ…પે… પઞ્હાવારેપિ સબ્બત્થ એકં.)

૯૯. આચયગામિં અરણં ધમ્મં પટિચ્ચ આચયગામી અરણો ધમ્મો ઉપ્પજ્જતિ હેતુપચ્ચયા… તીણિ.

અપચયગામિં અરણં ધમ્મં પટિચ્ચ અપચયગામી અરણો ધમ્મો ઉપ્પજ્જતિ હેતુપચ્ચયા… તીણિ.

નેવાચયગામિનાપચયગામિં અરણં ધમ્મં પટિચ્ચ નેવાચયગામિનાપચયગામી અરણો ધમ્મો ઉપ્પજ્જતિ હેતુપચ્ચયા. (૧)

આચયગામિં અરણઞ્ચ નેવાચયગામિનાપચયગામિં અરણઞ્ચ ધમ્મં પટિચ્ચ નેવાચયગામિનાપચયગામી અરણો ધમ્મો ઉપ્પજ્જતિ હેતુપચ્ચયા. (૧)

અપચયગામિં અરણઞ્ચ નેવાચયગામિનાપચયગામિં અરણઞ્ચ ધમ્મં પટિચ્ચ નેવાચયગામિનાપચયગામી અરણો ધમ્મો ઉપ્પજ્જતિ હેતુપચ્ચયા. (૧) (સંખિત્તં.)

૧૦૦. હેતુયા નવ, આરમ્મણે તીણિ, અધિપતિયા નવ…પે… અવિગતે નવ (સંખિત્તં). (સહજાતવારમ્પિ…પે… સમ્પયુત્તવારમ્પિ પટિચ્ચવારસદિસં).

૧૦૧. આચયગામી અરણો ધમ્મો આચયગામિસ્સ અરણસ્સ ધમ્મસ્સ હેતુપચ્ચયેન પચ્ચયો… તીણિ.

અપચયગામી અરણો ધમ્મો અપચયગામિસ્સ અરણસ્સ ધમ્મસ્સ હેતુપચ્ચયેન પચ્ચયો… તીણિ.

નેવાચયગામિનાપચયગામી અરણો ધમ્મો નેવાચયગામિનાપચયગામિસ્સ અરણસ્સ ધમ્મસ્સ હેતુપચ્ચયેન પચ્ચયો. (૧)

આચયગામી અરણો ધમ્મો આચયગામિસ્સ અરણસ્સ ધમ્મસ્સ આરમ્મણપચ્ચયેન પચ્ચયો (સંખિત્તં).

૧૦૨. હેતુયા સત્ત, આરમ્મણે સત્ત, અધિપતિયા દસ, અનન્તરે છ…પે… અવિગતે તેરસ. (સંખિત્તં.)

(યથા કુસલત્તિકે પઞ્હાવારં, એવં વિત્થારેતબ્બં.)