૧-૭. પટિચ્ચવારાદિ

પચ્ચયચતુક્કં

૯૧. પીતિસહગતં સરણં ધમ્મં પટિચ્ચ પીતિસહગતો સરણો ધમ્મો ઉપ્પજ્જતિ હેતુપચ્ચયા… તીણિ.

સુખસહગતં સરણં ધમ્મં પટિચ્ચ સુખસહગતો સરણો ધમ્મો ઉપ્પજ્જતિ હેતુપચ્ચયા… તીણિ.

ઉપેક્ખાસહગતં સરણં ધમ્મં પટિચ્ચ ઉપેક્ખાસહગતો સરણો ધમ્મો ઉપ્પજ્જતિ હેતુપચ્ચયા. (૧)

પીતિસહગતં સરણઞ્ચ સુખસહગતં સરણઞ્ચ ધમ્મં પટિચ્ચ પીતિસહગતો સરણો ધમ્મો ઉપ્પજ્જતિ હેતુપચ્ચયા… તીણિ (સંખિત્તં).

હેતુયા દસ…પે… અવિગતે દસ (સંખિત્તં).

(સહજાતવારમ્પિ…પે… સમ્પયુત્તવારમ્પિ પટિચ્ચવારસદિસં.)

૯૨. પીતિસહગતો સરણો ધમ્મો પીતિસહગતસ્સ સરણસ્સ ધમ્મસ્સ હેતુપચ્ચયેન પચ્ચયો… તીણિ.

સુખસહગતો સરણો ધમ્મો સુખસહગતસ્સ સરણસ્સ ધમ્મસ્સ હેતુપચ્ચયેન પચ્ચયો… તીણિ.

ઉપેક્ખાસહગતો સરણો ધમ્મો ઉપેક્ખાસહગતસ્સ સરણસ્સ ધમ્મસ્સ હેતુપચ્ચયેન પચ્ચયો. (૧)

પીતિસહગતો સરણો ચ સુખસહગતો સરણો ચ ધમ્મા પીતિસહગતસ્સ સરણસ્સ ધમ્મસ્સ હેતુપચ્ચયેન પચ્ચયો… તીણિ (સંખિત્તં).

૯૩. હેતુયા દસ, આરમ્મણે સોળસ…પે… અવિગતે દસ (સંખિત્તં). (યથા કુસલત્તિકે પઞ્હાવારં, એવં વિત્થારેતબ્બં).

૯૪. પીતિસહગતં અરણં ધમ્મં પટિચ્ચ પીતિસહગતો અરણો ધમ્મો ઉપ્પજ્જતિ હેતુપચ્ચયા (સંખિત્તં).

હેતુયા દસ…પે… અવિગતે દસ (સંખિત્તં).

(સહજાતવારેપિ…પે… પઞ્હાવારેપિ તત્તકાવ પઞ્હા.)