૧-૭. પટિચ્ચવારાદિ

હેતુ-આરમ્મણપચ્ચયા

૧૨. કુસલં સવિતક્કં ધમ્મં પટિચ્ચ કુસલો સવિતક્કો ધમ્મો ઉપ્પજ્જતિ હેતુપચ્ચયા. (૧)

અકુસલં સવિતક્કં ધમ્મં પટિચ્ચ અકુસલો સવિતક્કો ધમ્મો ઉપ્પજ્જતિ હેતુપચ્ચયા. (૧)

અબ્યાકતં સવિતક્કં ધમ્મં પટિચ્ચ અબ્યાકતો સવિતક્કો ધમ્મો ઉપ્પજ્જતિ હેતુપચ્ચયા. (૧) (સંખિત્તં.)

૧૩. હેતુયા તીણિ, આરમ્મણે તીણિ…પે… અવિગતે તીણિ (સંખિત્તં. સહજાતવારમ્પિ …પે… સમ્પયુત્તવારમ્પિ પટિચ્ચવારસદિસં).

૧૪. કુસલો સવિતક્કો ધમ્મો કુસલસ્સ સવિતક્કસ્સ ધમ્મસ્સ હેતુપચ્ચયેન પચ્ચયો. (૧)

અકુસલો સવિતક્કો ધમ્મો અકુસલસ્સ સવિતક્કસ્સ ધમ્મસ્સ હેતુપચ્ચયેન પચ્ચયો. (૧)

અબ્યાકતો સવિતક્કો ધમ્મો અબ્યાકતસ્સ સવિતક્કસ્સ ધમ્મસ્સ હેતુપચ્ચયેન પચ્ચયો. (૧)

કુસલો સવિતક્કો ધમ્મો કુસલસ્સ સવિતક્કસ્સ ધમ્મસ્સ આરમ્મણપચ્ચયેન પચ્ચયો… તીણિ.

અકુસલો સવિતક્કો ધમ્મો અકુસલસ્સ સવિતક્કસ્સ ધમ્મસ્સ આરમ્મણપચ્ચયેન પચ્ચયો… તીણિ.

અબ્યાકતો સવિતક્કો ધમ્મો અબ્યાકતસ્સ સવિતક્કસ્સ ધમ્મસ્સ આરમ્મણપચ્ચયેન પચ્ચયો… તીણિ (સંખિત્તં).

૧૫. હેતુયા તીણિ, આરમ્મણે નવ, અધિપતિયા સત્ત…પે… અવિગતે તીણિ. (સંખિત્તં.)

(યથા કુસલત્તિકે પઞ્હાવારં, એવં વિત્થારેતબ્બં.)

અવિતક્કપદં

હેતુપચ્ચયો

૧૬. કુસલં અવિતક્કં ધમ્મં પટિચ્ચ કુસલો અવિતક્કો ધમ્મો ઉપ્પજ્જતિ હેતુપચ્ચયા (સંખિત્તં).

હેતુયા સત્ત, આરમ્મણે દ્વે…પે… વિપાકે એકં, અવિગતે સત્ત (સંખિત્તં. સહજાતવારમ્પિ…પે… સમ્પયુત્તવારમ્પિ પટિચ્ચવારસદિસં).

૧૭. કુસલો અવિતક્કો ધમ્મો કુસલસ્સ અવિતક્કસ્સ ધમ્મસ્સ હેતુપચ્ચયેન પચ્ચયો… તીણિ.

અબ્યાકતો અવિતક્કો ધમ્મો અબ્યાકતસ્સ અવિતક્કસ્સ ધમ્મસ્સ હેતુપચ્ચયેન પચ્ચયો. (૧) (સંખિત્તં.)

૧૮. હેતુયા ચત્તારિ, આરમ્મણે નવ…પે… અવિગતે દસ (સંખિત્તં. યથા કુસલત્તિકે પઞ્હાવારં, એવં વિત્થારેતબ્બં).