૧-૭. પટિચ્ચવારાદિ

પચ્ચયચતુક્કં

૪૮. કુસલં નિય્યાનિકં ધમ્મં પટિચ્ચ કુસલો નિય્યાનિકો ધમ્મો ઉપ્પજ્જતિ હેતુપચ્ચયા. (૧) (સંખિત્તં.)

હેતુયા એકં, આરમ્મણે એકં…પે… અવિગતે એકં (સંખિત્તં).

(સહજાતવારેપિ…પે… પઞ્હાવારેપિ સબ્બત્થ એકં).

૪૯. કુસલં અનિય્યાનિકં ધમ્મં પટિચ્ચ કુસલો અનિય્યાનિકો ધમ્મો ઉપ્પજ્જતિ હેતુપચ્ચયા… તીણિ.

અકુસલં અનિય્યાનિકં ધમ્મં પટિચ્ચ અકુસલો અનિય્યાનિકો ધમ્મો ઉપ્પજ્જતિ હેતુપચ્ચયા… તીણિ.

અબ્યાકતં અનિય્યાનિકં ધમ્મં પટિચ્ચ અબ્યાકતો અનિય્યાનિકો ધમ્મો ઉપ્પજ્જતિ હેતુપચ્ચયા. (૧)

કુસલં અનિય્યાનિકઞ્ચ અબ્યાકતં અનિય્યાનિકઞ્ચ ધમ્મં પટિચ્ચ અબ્યાકતો અનિય્યાનિકો ધમ્મો ઉપ્પજ્જતિ હેતુપચ્ચયા. (૧)

અકુસલં અનિય્યાનિકઞ્ચ અબ્યાકતં અનિય્યાનિકઞ્ચ ધમ્મં પટિચ્ચ અબ્યાકતો અનિય્યાનિકો ધમ્મો ઉપ્પજ્જતિ હેતુપચ્ચયા. (૧) (સંખિત્તં.)

૫૦. હેતુયા નવ, આરમ્મણે તીણિ…પે… અવિગતે નવ (સંખિત્તં. સહજાતવારમ્પિ…પે… પઞ્હાવારમ્પિ વિત્થારેતબ્બં).