૧-૭. પટિચ્ચવારાદિ

પચ્ચયચતુક્કં

હેતુપચ્ચયો

૪૧. કુસલં પરિયાપન્નં ધમ્મં પટિચ્ચ કુસલો પરિયાપન્નો ધમ્મો ઉપ્પજ્જતિ હેતુપચ્ચયા… તીણિ.

અકુસલં પરિયાપન્નં ધમ્મં પટિચ્ચ અકુસલો પરિયાપન્નો ધમ્મો ઉપ્પજ્જતિ હેતુપચ્ચયા… તીણિ.

અબ્યાકતં પરિયાપન્નં ધમ્મં પટિચ્ચ અબ્યાકતો પરિયાપન્નો ધમ્મો ઉપ્પજ્જતિ હેતુપચ્ચયા. (૧)

કુસલં પરિયાપન્નઞ્ચ અબ્યાકતં પરિયાપન્નઞ્ચ ધમ્મં પટિચ્ચ અબ્યાકતો પરિયાપન્નો ધમ્મો ઉપ્પજ્જતિ હેતુપચ્ચયા. (૧)

અકુસલં પરિયાપન્નઞ્ચ અબ્યાકતં પરિયાપન્નઞ્ચ ધમ્મં પટિચ્ચ અબ્યાકતો પરિયાપન્નો ધમ્મો ઉપ્પજ્જતિ હેતુપચ્ચયા. (૧) (સંખિત્તં.)

૪૨. હેતુયા નવ, આરમ્મણે તીણિ…પે… વિપાકે એકં…પે… અવિગતે નવ (સંખિત્તં. સહજાતવારમ્પિ…પે… સમ્પયુત્તવારમ્પિ પટિચ્ચવારસદિસં).

૪૩. કુસલો પરિયાપન્નો ધમ્મો કુસલસ્સ પરિયાપન્નસ્સ ધમ્મસ્સ હેતુપચ્ચયેન પચ્ચયો… તીણિ.

અકુસલો પરિયાપન્નો ધમ્મો અકુસલસ્સ પરિયાપન્નસ્સ ધમ્મસ્સ હેતુપચ્ચયેન પચ્ચયો… તીણિ.

અબ્યાકતો પરિયાપન્નો ધમ્મો અબ્યાકતસ્સ પરિયાપન્નસ્સ ધમ્મસ્સ હેતુપચ્ચયેન પચ્ચયો. (૧) (સંખિત્તં.)

૪૪. હેતુયા સત્ત, આરમ્મણે નવ, અધિપતિયા નવ…પે… અવિગતે તેરસ (સંખિત્તં. યથા કુસલત્તિકે પઞ્હાવારં, એવં વિત્થારેતબ્બં).

અપરિયાપન્નપદં

હેતુ-આરમ્મણપચ્ચયા

૪૫. કુસલં અપરિયાપન્નં ધમ્મં પટિચ્ચ કુસલો અપરિયાપન્નો ધમ્મો ઉપ્પજ્જતિ હેતુપચ્ચયા. (૧)

અબ્યાકતં અપરિયાપન્નં ધમ્મં પટિચ્ચ અબ્યાકતો અપરિયાપન્નો ધમ્મો ઉપ્પજ્જતિ હેતુપચ્ચયા. (૧) (સંખિત્તં.)

હેતુયા દ્વે, આરમ્મણે દ્વે…પે… અવિગતે દ્વે (સંખિત્તં.) (સહજાતવારમ્પિ…પે… સમ્પયુત્તવારમ્પિ પટિચ્ચવારસદિસં).

૪૬. કુસલો અપરિયાપન્નો ધમ્મો કુસલસ્સ અપરિયાપન્નસ્સ ધમ્મસ્સ હેતુપચ્ચયેન પચ્ચયો. (૧)

અબ્યાકતો અપરિયાપન્નો ધમ્મો અબ્યાકતસ્સ અપરિયાપન્નસ્સ ધમ્મસ્સ હેતુપચ્ચયેન પચ્ચયો. (૧)

અબ્યાકતો અપરિયાપન્નો ધમ્મો અબ્યાકતસ્સ અપરિયાપન્નસ્સ ધમ્મસ્સ આરમ્મણપચ્ચયેન પચ્ચયો. અબ્યાકતો અપરિયાપન્નો ધમ્મો કુસલસ્સ અપરિયાપન્નસ્સ ધમ્મસ્સ આરમ્મણપચ્ચયેન પચ્ચયો. (૨)

૪૭. હેતુયા દ્વે, આરમ્મણે દ્વે, અધિપતિયા તીણિ, અનન્તરે દ્વે…પે… ઉપનિસ્સયે ચત્તારિ…પે… અવિગતે દ્વે. (સંખિત્તં.)

(યથા કુસલત્તિકે પઞ્હાવારં, એવં વિત્થારેતબ્બં.)