અપ્પીતિકપદં

હેતુપચ્ચયો

૨૪. કુસલં અપ્પીતિકં ધમ્મં પટિચ્ચ કુસલો અપ્પીતિકો ધમ્મો ઉપ્પજ્જતિ હેતુપચ્ચયા… તીણિ.

અકુસલં અપ્પીતિકં ધમ્મં પટિચ્ચ અકુસલો અપ્પીતિકો ધમ્મો ઉપ્પજ્જતિ હેતુપચ્ચયા… તીણિ.

અબ્યાકતં અપ્પીતિકં ધમ્મં પટિચ્ચ અબ્યાકતો અપ્પીતિકો ધમ્મો ઉપ્પજ્જતિ હેતુપચ્ચયા. (૧)

કુસલં અપ્પીતિકઞ્ચ અબ્યાકતં અપ્પીતિકઞ્ચ ધમ્મં પટિચ્ચ અબ્યાકતો અપ્પીતિકો ધમ્મો ઉપ્પજ્જતિ હેતુપચ્ચયા. (૧)

અકુસલં અપ્પીતિકઞ્ચ અબ્યાકતં અપ્પીતિકઞ્ચ ધમ્મં પટિચ્ચ અબ્યાકતો અપ્પીતિકો ધમ્મો ઉપ્પજ્જતિ હેતુપચ્ચયા. (૧) (સંખિત્તં.)

૨૫. હેતુયા નવ, આરમ્મણે તીણિ…પે… અવિગતે નવ (સંખિત્તં. સહજાતવારમ્પિ…પે… સમ્પયુત્તવારમ્પિ પટિચ્ચવારસદિસં).

૨૬. કુસલો અપ્પીતિકો ધમ્મો કુસલસ્સ અપ્પીતિકસ્સ ધમ્મસ્સ હેતુપચ્ચયેન પચ્ચયો (સંખિત્તં).

હેતુયા સત્ત, આરમ્મણે નવ…પે… અવિગતે તેરસ (સંખિત્તં. યથા કુસલત્તિકે પઞ્હાવારં, એવં વિત્થારેતબ્બં).