૧-૭. પટિચ્ચવારાદિ

હેતુપચ્ચયો

૧. અકુસલં દસ્સનેન પહાતબ્બં ધમ્મં પટિચ્ચ અકુસલો દસ્સનેન પહાતબ્બો ધમ્મો ઉપ્પજ્જતિ હેતુપચ્ચયા (સંખિત્તં).

હેતુયા એકં, આરમ્મણે એકં…પે… અવિગતે એકં (સંખિત્તં).

(સહજાતવારેપિ…પે… પઞ્હાવારેપિ સબ્બત્થ એકં.)

૨. કુસલં નદસ્સનેન પહાતબ્બં ધમ્મં પટિચ્ચ કુસલો નદસ્સનેન પહાતબ્બો ધમ્મો ઉપ્પજ્જતિ હેતુપચ્ચયા… તીણિ.

અકુસલં નદસ્સનેન પહાતબ્બં ધમ્મં પટિચ્ચ અકુસલો નદસ્સનેન પહાતબ્બો ધમ્મો ઉપ્પજ્જતિ હેતુપચ્ચયા… તીણિ.

અબ્યાકતં નદસ્સનેન પહાતબ્બં ધમ્મં પટિચ્ચ અબ્યાકતો નદસ્સનેન પહાતબ્બો ધમ્મો ઉપ્પજ્જતિ હેતુપચ્ચયા. (૧)

કુસલં નદસ્સનેન પહાતબ્બઞ્ચ અબ્યાકતં નદસ્સનેન પહાતબ્બઞ્ચ ધમ્મં પટિચ્ચ અબ્યાકતો નદસ્સનેન પહાતબ્બો ધમ્મો ઉપ્પજ્જતિ હેતુપચ્ચયા. (૧)

અકુસલં નદસ્સનેન પહાતબ્બઞ્ચ અબ્યાકતં નદસ્સનેન પહાતબ્બઞ્ચ ધમ્મં પટિચ્ચ અબ્યાકતો નદસ્સનેન પહાતબ્બો ધમ્મો ઉપ્પજ્જતિ હેતુપચ્ચયા. (૧)

૩. હેતુયા નવ, આરમ્મણે તીણિ…પે… અવિગતે નવ (સંખિત્તં. સહજાતવારમ્પિ…પે… સમ્પયુત્તવારમ્પિ પટિચ્ચવારસદિસં).

૪. કુસલો નદસ્સનેન પહાતબ્બો ધમ્મો કુસલસ્સ નદસ્સનેન પહાતબ્બસ્સ ધમ્મસ્સ હેતુપચ્ચયેન પચ્ચયો… તીણિ.

અકુસલો નદસ્સનેન પહાતબ્બો ધમ્મો અકુસલસ્સ નદસ્સનેન પહાતબ્બસ્સ ધમ્મસ્સ હેતુપચ્ચયેન પચ્ચયો… તીણિ.

અબ્યાકતો નદસ્સનેન પહાતબ્બો ધમ્મો અબ્યાકતસ્સ નદસ્સનેન પહાતબ્બસ્સ ધમ્મસ્સ હેતુપચ્ચયેન પચ્ચયો. (૧) (સંખિત્તં.)

૫. હેતુયા સત્ત, આરમ્મણે નવ, અધિપતિયા દસ, અનન્તરે સત્ત…પે… અવિગતે તેરસ (સંખિત્તં).

(યથા કુસલત્તિકે પઞ્હાવારં, એવં વિત્થારેતબ્બં.)