૧. વિભઙ્ગવારો

હેતુપચ્ચયો

૮૬. કિલેસો ચેવ સંકિલિટ્ઠો ચ ધમ્મો કિલેસસ્સ ચેવ સંકિલિટ્ઠસ્સ ચ ધમ્મસ્સ હેતુપચ્ચયેન પચ્ચયો – કિલેસા ચેવ સંકિલિટ્ઠા ચ હેતૂ સમ્પયુત્તકાનં કિલેસાનં હેતુપચ્ચયેન પચ્ચયો. (૧)

કિલેસો ચેવ સંકિલિટ્ઠો ચ ધમ્મો સંકિલિટ્ઠસ્સ ચેવ નો ચ કિલેસસ્સ ધમ્મસ્સ હેતુપચ્ચયેન પચ્ચયો – કિલેસા ચેવ સંકિલિટ્ઠા ચ હેતૂ સમ્પયુત્તકાનં ખન્ધાનં હેતુપચ્ચયેન પચ્ચયો.

કિલેસો ચેવ સંકિલિટ્ઠો ચ ધમ્મો કિલેસસ્સ ચેવ સંકિલિટ્ઠસ્સ ચ સંકિલિટ્ઠસ્સ ચેવ નો ચ કિલેસસ્સ ચ ધમ્મસ્સ હેતુપચ્ચયેન પચ્ચયો – કિલેસા ચેવ સંકિલિટ્ઠા ચ હેતૂ સમ્પયુત્તકાનં ખન્ધાનં કિલેસાનઞ્ચ હેતુપચ્ચયેન પચ્ચયો. (૩)

આરમ્મણપચ્ચયો

૮૭. કિલેસો ચેવ સંકિલિટ્ઠો ચ ધમ્મો કિલેસસ્સ ચેવ સંકિલિટ્ઠસ્સ ચ ધમ્મસ્સ આરમ્મણપચ્ચયેન પચ્ચયો – કિલેસે આરબ્ભ કિલેસા ઉપ્પજ્જન્તિ. (મૂલં કાતબ્બં.) કિલેસે આરબ્ભ સંકિલિટ્ઠા ચેવ નો ચ કિલેસા ખન્ધા ઉપ્પજ્જન્તિ. (મૂલં કાતબ્બં.) કિલેસે આરબ્ભ કિલેસા ચ સમ્પયુત્તકા ખન્ધા ચ ઉપ્પજ્જન્તિ. (૩)

૮૮. સંકિલિટ્ઠો ચેવ નો ચ કિલેસો ધમ્મો સંકિલિટ્ઠસ્સ ચેવ નો ચ કિલેસસ્સ ધમ્મસ્સ આરમ્મણપચ્ચયેન પચ્ચયો – સંકિલિટ્ઠે ચેવ નો ચ કિલેસે ખન્ધે આરબ્ભ સંકિલિટ્ઠા ચેવ નો ચ કિલેસા ખન્ધા ઉપ્પજ્જન્તિ. (મૂલં કાતબ્બં.) સંકિલિટ્ઠે ચેવ નો ચ કિલેસે ખન્ધે આરબ્ભ કિલેસા ઉપ્પજ્જન્તિ. (મૂલં કાતબ્બં.) સંકિલિટ્ઠે ચેવ નો ચ કિલેસે ખન્ધે આરબ્ભ કિલેસા ચ સમ્પયુત્તકા ખન્ધા ચ ઉપ્પજ્જન્તિ. (૩)

(ઇતરેપિ તીણિ કાતબ્બા.)

અધિપતિપચ્ચયો

૮૯. કિલેસો ચેવ સંકિલિટ્ઠો ચ ધમ્મો કિલેસસ્સ ચેવ સંકિલિટ્ઠસ્સ ચ ધમ્મસ્સ અધિપતિપચ્ચયેન પચ્ચયો – આરમ્મણાધિપતિ… તીણિ.

સંકિલિટ્ઠો ચેવ નો ચ કિલેસો ધમ્મો સંકિલિટ્ઠસ્સ ચેવ નો ચ કિલેસસ્સ ધમ્મસ્સ અધિપતિપચ્ચયેન પચ્ચયો – આરમ્મણાધિપતિ, સહજાતાધિપતિ. આરમ્મણાધિપતિ – સંકિલિટ્ઠે ચેવ નો ચ કિલેસે ખન્ધે ગરું કત્વા…પે… તીણિ. (દ્વે અધિપતિ તીણિપિ કાતબ્બા, ઇતરે દ્વેપિ તીણિ કાતબ્બા.)

અનન્તરપચ્ચયાદિ

૯૦. કિલેસો ચેવ સંકિલિટ્ઠો ચ ધમ્મો કિલેસસ્સ ચેવ સંકિલિટ્ઠસ્સ ચ ધમ્મસ્સ અનન્તરપચ્ચયેન પચ્ચયો (નવપિ કાતબ્બા, આવજ્જનાપિ વુટ્ઠાનમ્પિ નત્થિ)… સમનન્તરપચ્ચયેન પચ્ચયો… સહજાતપચ્ચયેન પચ્ચયો… અઞ્ઞમઞ્ઞપચ્ચયેન પચ્ચયો… નિસ્સયપચ્ચયેન પચ્ચયો… ઉપનિસ્સયપચ્ચયેન પચ્ચયો… નવ પઞ્હા (પુરેજાતપચ્ચયો પચ્છાજાતપચ્ચયોપિ નત્થિ)… આસેવનપચ્ચયેન પચ્ચયો.

કમ્મપચ્ચયાદિ

૯૧. સંકિલિટ્ઠો ચેવ નો ચ કિલેસો ધમ્મો સંકિલિટ્ઠસ્સ ચેવ નો ચ કિલેસસ્સ ધમ્મસ્સ કમ્મપચ્ચયેન પચ્ચયો – સંકિલિટ્ઠા ચેવ નો ચ કિલેસા ચેતના સમ્પયુત્તકાનં ખન્ધાનં કમ્મપચ્ચયેન પચ્ચયો. (૧)

સંકિલિટ્ઠો ચેવ નો ચ કિલેસો ધમ્મો કિલેસસ્સ ચેવ સંકિલિટ્ઠસ્સ ચ ધમ્મસ્સ કમ્મપચ્ચયેન પચ્ચયો – સંકિલિટ્ઠા ચેવ નો ચ કિલેસા ચેતના સમ્પયુત્તકાનં કિલેસાનં કમ્મપચ્ચયેન પચ્ચયો. (૨)

સંકિલિટ્ઠો ચેવ નો ચ કિલેસો ધમ્મો કિલેસસ્સ ચેવ સંકિલિટ્ઠસ્સ ચ સંકિલિટ્ઠસ્સ ચેવ નો ચ કિલેસસ્સ ધમ્મસ્સ કમ્મપચ્ચયેન પચ્ચયો – સંકિલિટ્ઠા ચેવ નો ચ કિલેસા ચેતના સમ્પયુત્તકાનં ખન્ધાનં કિલેસાનઞ્ચ કમ્મપચ્ચયેન પચ્ચયો. (૩)

આહારપચ્ચયેન પચ્ચયો… તીણિ… ઇન્દ્રિયપચ્ચયેન પચ્ચયો… તીણિ… ઝાનપચ્ચયેન પચ્ચયો… તીણિ… મગ્ગપચ્ચયેન પચ્ચયો… નવ… સમ્પયુત્તપચ્ચયેન પચ્ચયો… નવ… અત્થિપચ્ચયેન પચ્ચયો… નવ… નત્થિપચ્ચયેન પચ્ચયો… વિગતપચ્ચયેન પચ્ચયો… અવિગતપચ્ચયેન પચ્ચયો… નવ.