૧. વિભઙ્ગવારો

હેતુપચ્ચયો

૮૦. કિલેસઞ્ચેવ સંકિલિટ્ઠઞ્ચ ધમ્મં પટિચ્ચ કિલેસો ચેવ સંકિલિટ્ઠો ચ ધમ્મો ઉપ્પજ્જતિ હેતુપચ્ચયા – લોભં પટિચ્ચ મોહો દિટ્ઠિ થિનં ઉદ્ધચ્ચં અહિરિકં અનોત્તપ્પં (ચક્કં). (૧)

કિલેસઞ્ચેવ સંકિલિટ્ઠઞ્ચ ધમ્મં પટિચ્ચ સંકિલિટ્ઠો ચેવ નો ચ કિલેસો ધમ્મો ઉપ્પજ્જતિ હેતુપચ્ચયા – કિલેસે પટિચ્ચ સમ્પયુત્તકા ખન્ધા. (૨)

કિલેસઞ્ચેવ સંકિલિટ્ઠઞ્ચ ધમ્મં પટિચ્ચ કિલેસો ચેવ સંકિલિટ્ઠો ચ સંકિલિટ્ઠો ચેવ નો ચ કિલેસો ચ ધમ્મા ઉપ્પજ્જન્તિ હેતુપચ્ચયા – લોભં પટિચ્ચ મોહો દિટ્ઠિ થિનં ઉદ્ધચ્ચં અહિરિકં અનોત્તપ્પં સમ્પયુત્તકા ચ ખન્ધા (ચક્કં). (૩)

૮૧. સંકિલિટ્ઠઞ્ચેવ નો ચ કિલેસં ધમ્મં પટિચ્ચ સંકિલિટ્ઠો ચેવ નો ચ કિલેસો ધમ્મો ઉપ્પજ્જતિ હેતુપચ્ચયા – સંકિલિટ્ઠઞ્ચેવ નો ચ કિલેસં એકં ખન્ધં પટિચ્ચ તયો ખન્ધા…પે… દ્વે ખન્ધે…પે…. (૧)

સંકિલિટ્ઠઞ્ચેવ નો ચ કિલેસં ધમ્મં પટિચ્ચ કિલેસો ચેવ સંકિલિટ્ઠો ચ ધમ્મો ઉપ્પજ્જતિ હેતુપચ્ચયા – સંકિલિટ્ઠે ચેવ નો ચ કિલેસે ખન્ધે પટિચ્ચ કિલેસા. (૨)

સંકિલિટ્ઠઞ્ચેવ નો ચ કિલેસં ધમ્મં પટિચ્ચ કિલેસો ચેવ સંકિલિટ્ઠો ચ સંકિલિટ્ઠો ચેવ નો ચ કિલેસો ચ ધમ્મા ઉપ્પજ્જન્તિ હેતુપચ્ચયા – સંકિલિટ્ઠઞ્ચેવ નો ચ કિલેસં એકં ખન્ધં પટિચ્ચ તયો ખન્ધા કિલેસા ચ…પે… દ્વે ખન્ધે…પે…. (૩)

૮૨. કિલેસઞ્ચેવ સંકિલિટ્ઠઞ્ચ સંકિલિટ્ઠઞ્ચેવ નો ચ કિલેસઞ્ચ ધમ્મં પટિચ્ચ કિલેસો ચેવ સંકિલિટ્ઠો ચ ધમ્મો ઉપ્પજ્જતિ હેતુપચ્ચયા – લોભઞ્ચ સમ્પયુત્તકે ચ ખન્ધે પટિચ્ચ મોહો દિટ્ઠિ થિનં ઉદ્ધચ્ચં અહિરિકં અનોત્તપ્પં (ચક્કં). (૧)

કિલેસઞ્ચેવ સંકિલિટ્ઠઞ્ચ સંકિલિટ્ઠઞ્ચેવ નો ચ કિલેસઞ્ચ ધમ્મં પટિચ્ચ સંકિલિટ્ઠો ચેવ નો ચ કિલેસો ધમ્મો ઉપ્પજ્જતિ હેતુપચ્ચયા – સંકિલિટ્ઠઞ્ચેવ નો ચ કિલેસં એકં ખન્ધઞ્ચ કિલેસે ચ પટિચ્ચ તયો ખન્ધા…પે… દ્વે ખન્ધે ચ…પે…. (૨)

કિલેસઞ્ચેવ સંકિલિટ્ઠઞ્ચ સંકિલિટ્ઠઞ્ચેવ નો ચ કિલેસઞ્ચ ધમ્મં પટિચ્ચ કિલેસો ચેવ સંકિલિટ્ઠો ચ સંકિલિટ્ઠો ચેવ નો ચ કિલેસો ચ ધમ્મા ઉપ્પજ્જન્તિ હેતુપચ્ચયા – સંકિલિટ્ઠઞ્ચેવ નો ચ કિલેસં એકં ખન્ધઞ્ચ લોભઞ્ચ પટિચ્ચ તયો ખન્ધા મોહો દિટ્ઠિ થિનં ઉદ્ધચ્ચં અહિરિકં અનોત્તપ્પં…પે… દ્વે ખન્ધે ચ…પે… (ચક્કં). (૩)