૧. વિભઙ્ગવારો

હેતુપચ્ચયો

૭૫. કિલેસો ચેવ સંકિલેસિકો ચ ધમ્મો કિલેસસ્સ ચેવ સંકિલેસિકસ્સ ચ ધમ્મસ્સ હેતુપચ્ચયેન પચ્ચયો – કિલેસા ચેવ સંકિલેસિકા ચ હેતૂ સમ્પયુત્તકાનં કિલેસાનં હેતુપચ્ચયેન પચ્ચયો (એવં ચત્તારિ, કિલેસદુકસદિસં.) (૪)

આરમ્મણપચ્ચયો

૭૬. કિલેસો ચેવ સંકિલેસિકો ચ ધમ્મો કિલેસસ્સ ચેવ સંકિલેસિકસ્સ ચ ધમ્મસ્સ આરમ્મણપચ્ચયેન પચ્ચયો – કિલેસે આરબ્ભ કિલેસા ઉપ્પજ્જન્તિ. (મૂલં કાતબ્બં.) કિલેસે આરબ્ભ સંકિલેસિકા ચેવ નો ચ કિલેસા ખન્ધા ઉપ્પજ્જન્તિ. (મૂલં કાતબ્બં.) કિલેસે આરબ્ભ કિલેસા ચ સમ્પયુત્તકા ચ ખન્ધા ઉપ્પજ્જન્તિ. (૩)

૭૭. સંકિલેસિકો ચેવ નો ચ કિલેસો ધમ્મો સંકિલેસિકસ્સ ચેવ નો ચ કિલેસસ્સ ધમ્મસ્સ આરમ્મણપચ્ચયેન પચ્ચયો – દાનં…પે… સીલં…પે… ઉપોસથકમ્મં…પે… પુબ્બે સુચિણ્ણાનિ…પે… ઝાના વુટ્ઠહિત્વા ઝાનં પચ્ચવેક્ખતિ, અસ્સાદેતિ અભિનન્દતિ, તં આરબ્ભ રાગો ઉપ્પજ્જતિ…પે… ઉદ્ધચ્ચં ઉપ્પજ્જતિ, ઝાને પરિહીને વિપ્પટિસારિસ્સ દોમનસ્સં ઉપ્પજ્જતિ; અરિયા ગોત્રભું પચ્ચવેક્ખન્તિ, વોદાનં પચ્ચવેક્ખન્તિ, ચક્ખું…પે… વત્થું સંકિલેસિકે ચેવ નો ચ કિલેસે ખન્ધે અનિચ્ચતો…પે… દોમનસ્સં ઉપ્પજ્જતિ; દિબ્બેન ચક્ખુના રૂપં પસ્સતિ…પે… આવજ્જનાય આરમ્મણપચ્ચયેન પચ્ચયો (ઇતરે દ્વે કિલેસદુકસદિસા, ઘટનારમ્મણાપિ કિલેસદુકસદિસા).

અધિપતિપચ્ચયો

૭૮. કિલેસો ચેવ સંકિલેસિકો ચ ધમ્મો કિલેસસ્સ ચેવ સંકિલેસિકસ્સ ચ ધમ્મસ્સ અધિપતિપચ્ચયેન પચ્ચયો – આરમ્મણાધિપતિ… તીણિ.

સંકિલેસિકો ચેવ નો ચ કિલેસો ધમ્મો સંકિલેસિકસ્સ ચેવ નો ચ કિલેસસ્સ ધમ્મસ્સ અધિપતિપચ્ચયેન પચ્ચયો – આરમ્મણાધિપતિ, સહજાતાધિપતિ. આરમ્મણાધિપતિ – દાનં…પે… સીલં…પે… ઉપોસથકમ્મં…પે… પુબ્બે સુચિણ્ણાનિ…પે… ઝાના વુટ્ઠહિત્વા ઝાનં ગરું કત્વા પચ્ચવેક્ખતિ, સેક્ખા ગોત્રભું ગરું કત્વા પચ્ચવેક્ખન્તિ, વોદાનં ગરું કત્વા પચ્ચવેક્ખન્તિ; ચક્ખું…પે… વત્થું સંકિલેસિકે ચેવ નો ચ કિલેસે ખન્ધે ગરું કત્વા સંકિલેસિકા ચેવ નો ચ કિલેસા ખન્ધા ઉપ્પજ્જન્તિ. સહજાતાધિપતિ – સંકિલેસિકા ચેવ નો ચ કિલેસાધિપતિ સમ્પયુત્તકાનં ખન્ધાનં ચિત્તસમુટ્ઠાનાનઞ્ચ રૂપાનં અધિપતિપચ્ચયેન પચ્ચયો. (ઇતરે દ્વેપિ કિલેસદુકસદિસા. ઘટનાધિપતિપિ.)

અનન્તરપચ્ચયાદિ

૭૯. કિલેસો ચેવ સંકિલેસિકો ચ ધમ્મો કિલેસસ્સ ચેવ સંકિલેસિકસ્સ ચ ધમ્મસ્સ અનન્તરપચ્ચયેન પચ્ચયો… તીણિ (કિલેસદુકસદિસા).

સંકિલેસિકો ચેવ નો ચ કિલેસો ધમ્મો સંકિલેસિકસ્સ ચેવ નો ચ કિલેસસ્સ ધમ્મસ્સ અનન્તરપચ્ચયેન પચ્ચયો – પુરિમા પુરિમા સંકિલેસિકા ચેવ નો ચ કિલેસા ખન્ધા પચ્છિમાનં પચ્છિમાનં સંકિલેસિકાનઞ્ચેવ નો ચ કિલેસાનં ખન્ધાનં અનન્તરપચ્ચયેન પચ્ચયો; અનુલોમં ગોત્રભુસ્સ… અનુલોમં વોદાનસ્સ… આવજ્જના સંકિલેસિકાનઞ્ચેવ નો ચ કિલેસાનં ખન્ધાનં અનન્તરપચ્ચયેન પચ્ચયો.

(ઇતરે દ્વે અનન્તરા કિલેસદુકસદિસા, નિન્નાનાકરણા. ઘટનાનન્તરમ્પિ સબ્બે પચ્ચયા કિલેસદુકસદિસા, નિન્નાનાકરણા. ઉપનિસ્સયે લોકુત્તરં નત્થિ, ઇદં દુકં કિલેસદુકસદિસં, નિન્નાનાકરણં.)

કિલેસસંકિલેસિકદુકં નિટ્ઠિતં.