૨. સઙ્ખ્યાવારો

સુદ્ધં

૬૭. હેતુયા ચત્તારિ, આરમ્મણે ચત્તારિ, અધિપતિયા પઞ્ચ, અનન્તરે ચત્તારિ, સમનન્તરે ચત્તારિ, સહજાતે પઞ્ચ, અઞ્ઞમઞ્ઞે દ્વે, નિસ્સયે સત્ત, ઉપનિસ્સયે ચત્તારિ, પુરેજાતે દ્વે, પચ્છાજાતે દ્વે, આસેવને દ્વે, કમ્મે ચત્તારિ, વિપાકે એકં, આહારે ચત્તારિ, ઇન્દ્રિયે ચત્તારિ, ઝાને ચત્તારિ, મગ્ગે ચત્તારિ, સમ્પયુત્તે દ્વે, વિપ્પયુત્તે તીણિ, અત્થિયા સત્ત, નત્થિયા ચત્તારિ, વિગતે ચત્તારિ, અવિગતે સત્ત.

૨. પચ્ચનીયુદ્ધારો

૬૮. સંકિલિટ્ઠો ધમ્મો સંકિલિટ્ઠસ્સ ધમ્મસ્સ આરમ્મણપચ્ચયેન પચ્ચયો… સહજાતપચ્ચયેન પચ્ચયો… ઉપનિસ્સયપચ્ચયેન પચ્ચયો. (૧)

સંકિલિટ્ઠો ધમ્મો અસંકિલિટ્ઠસ્સ ધમ્મસ્સ આરમ્મણપચ્ચયેન પચ્ચયો… સહજાતપચ્ચયેન પચ્ચયો… ઉપનિસ્સયપચ્ચયેન પચ્ચયો… પચ્છાજાતપચ્ચયેન પચ્ચયો… કમ્મપચ્ચયેન પચ્ચયો. (૨)

સંકિલિટ્ઠો ધમ્મો સંકિલિટ્ઠસ્સ ચ અસંકિલિટ્ઠસ્સ ચ ધમ્મસ્સ સહજાતપચ્ચયેન પચ્ચયો. (૩)

૬૯. અસંકિલિટ્ઠો ધમ્મો અસંકિલિટ્ઠસ્સ ધમ્મસ્સ આરમ્મણપચ્ચયેન પચ્ચયો… સહજાતપચ્ચયેન પચ્ચયો… ઉપનિસ્સયપચ્ચયેન પચ્ચયો… પુરેજાતપચ્ચયેન પચ્ચયો… પચ્છાજાતપચ્ચયેન પચ્ચયો… કમ્મપચ્ચયેન પચ્ચયો… આહારપચ્ચયેન પચ્ચયો… ઇન્દ્રિયપચ્ચયેન પચ્ચયો. (૧)

અસંકિલિટ્ઠો ધમ્મો સંકિલિટ્ઠસ્સ ધમ્મસ્સ આરમ્મણપચ્ચયેન પચ્ચયો… ઉપનિસ્સયપચ્ચયેન પચ્ચયો… પુરેજાતપચ્ચયેન પચ્ચયો. (૨)

સંકિલિટ્ઠો ચ અસંકિલિટ્ઠો ચ ધમ્મા સંકિલિટ્ઠસ્સ ધમ્મસ્સ સહજાતં… પુરેજાતં. (૧)

સંકિલિટ્ઠો ચ અસંકિલિટ્ઠો ચ ધમ્મા અસંકિલિટ્ઠસ્સ ધમ્મસ્સ સહજાતં… પચ્છાજાતં… આહારં… ઇન્દ્રિયં. (૨)