૧-૬. પટિચ્ચવારાદિ

પચ્ચયચતુક્કં

હેતુપચ્ચયો

૩૨૨. હેતું નેવાચયગામિનાપચયગામિં ધમ્મં પટિચ્ચ હેતુ નેવાચયગામિનાપચયગામી ધમ્મો ઉપ્પજ્જતિ હેતુપચ્ચયા… તીણિ.

નહેતું નેવાચયગામિનાપચયગામિં ધમ્મં પટિચ્ચ નહેતુ નેવાચયગામિનાપચયગામી ધમ્મો ઉપ્પજ્જતિ હેતુપચ્ચયા… તીણિ.

હેતું નેવાચયગામિનાપચયગામિઞ્ચ નહેતું નેવાચયગામિનાપચયગામિઞ્ચ ધમ્મં પટિચ્ચ હેતુ નેવાચયગામિનાપચયગામી ધમ્મો ઉપ્પજ્જતિ હેતુપચ્ચયા… તીણિ (સંખિત્તં).

૩૨૩. હેતુયા નવ, આરમ્મણે નવ, અધિપતિયા નવ…પે… ઉપનિસ્સયે નવ, પુરેજાતે નવ, આસેવને નવ, કમ્મે નવ, વિપાકે નવ, આહારે નવ, ઇન્દ્રિયે નવ…પે… અવિગતે નવ (સંખિત્તં).

નહેતુપચ્ચયાદિ

૩૨૪. નહેતું નેવાચયગામિનાપચયગામિં ધમ્મં પટિચ્ચ નહેતુ નેવાચયગામિનાપચયગામી ધમ્મો ઉપ્પજ્જતિ નહેતુપચ્ચયા. (૧)

હેતું નેવાચયગામિનાપચયગામિં ધમ્મં પટિચ્ચ નહેતુ નેવાચયગામિનાપચયગામી ધમ્મો ઉપ્પજ્જતિ નઆરમ્મણપચ્ચયા. (૧)

નહેતું નેવાચયગામિનાપચયગામિં ધમ્મં પટિચ્ચ નહેતુ નેવાચયગામિનાપચયગામી ધમ્મો ઉપ્પજ્જતિ નઆરમ્મણપચ્ચયા. (૧)

હેતું નેવાચયગામિનાપચયગામિઞ્ચ નહેતું નેવાચયગામિનાપચયગામિઞ્ચ ધમ્મં પટિચ્ચ નહેતુ નેવાચયગામિનાપચયગામી ધમ્મો ઉપ્પજ્જતિ નઆરમ્મણપચ્ચયા. (૧)

હેતું નેવાચયગામિનાપચયગામિં ધમ્મં પટિચ્ચ હેતુ નેવાચયગામિનાપચયગામી ધમ્મો ઉપ્પજ્જતિ નઅધિપતિપચ્ચયા…પે….

હેતું નેવાચયગામિનાપચયગામિં ધમ્મં પટિચ્ચ હેતુ નેવાચયગામિનાપચયગામી ધમ્મો ઉપ્પજ્જતિ નપુરેજાતપચ્ચયા… તીણિ.

હેતું નેવાચયગામિનાપચયગામિં ધમ્મં પટિચ્ચ હેતુ નેવાચયગામિનાપચયગામી ધમ્મો ઉપ્પજ્જતિ નપચ્છાજાતપચ્ચયા…પે….

હેતું નેવાચયગામિનાપચયગામિં ધમ્મં પટિચ્ચ નહેતુ નેવાચયગામિનાપચયગામી ધમ્મો ઉપ્પજ્જતિ નકમ્મપચ્ચયા (સંખિત્તં).

૩૨૫. નહેતુયા એકં, નઆરમ્મણે તીણિ, નઅધિપતિયા નવ, નઅનન્તરે તીણિ, નસમનન્તરે તીણિ, નઅઞ્ઞમઞ્ઞે તીણિ, નઉપનિસ્સયે તીણિ, નપુરેજાતે નવ, નપચ્છાજાતે નવ, નઆસેવને નવ, નકમ્મે તીણિ, નવિપાકે નવ, નઆહારે એકં, નઇન્દ્રિયે એકં, નઝાને એકં, નમગ્ગે એકં, નસમ્પયુત્તે તીણિ, નવિપ્પયુત્તે નવ, નોનત્થિયા તીણિ, નોવિગતે તીણિ (સંખિત્તં).

હેતુપચ્ચયા નઆરમ્મણે તીણિ (સંખિત્તં).

નહેતુપચ્ચયા આરમ્મણે એકં (સંખિત્તં).

(સહજાતવારોપિ પચ્ચયવારોપિ નિસ્સયવારોપિ સંસટ્ઠવારોપિ સમ્પયુત્તવારોપિ પટિચ્ચવારસદિસા વિત્થારેતબ્બા.)